2006年7月18日 下午5點42分04秒Critical_

我變了。以前的我唔係咁樣的。
無咁悲觀，無夢想，但過得好快樂。好清楚知道自己做緊乜，做每一件事都好實在，生活無憂無慮。靈魂跟肉身連在一起，但長大後，我越發覺魂魄唔知去左邊。
以前我唔會覺得愛情對我咁重要，唔係因為事情發生後我先變成這樣子。我的的確確係好需要愛，需要得有點唔正常，唔係阿媽的愛，唔係朋友的愛，係男生的愛。這會否與我沒有爸有關呢....!!?也許我對男生的過分唔正常需求，是與生俱來的。
我真係好迷惘，我完全唔知自己做緊乜，生活過得混混愕愕。做事說話唔經大腦，迷惘既程度，連我自己都形容唔到。因為我做事說話無諗過，人們都覺得我像個細路。但我唔係咁樣的，我只承認我有30%似細路。
我唔想變大個，唔想18歲。心裡面好空虛，這種感覺習慣了，自從14歲後都無實在過。無人幫到我。唔想走入大人既世界，對住這般的一個社會，好喘不過氣來。虛偽和勢利，是逼不得已的。都是識者生存的技巧na。就是為了想保留一點真，才會對人虛偽，對人虛偽，對自己咪就係最真囉！
有時覺得人體既結構真係好奇妙，無魂魄既人，都懂得與人相處。有情緒，有思想，有步驟，會拍拖，會會考，會撒嬌....呢D行為係咪全部都唔駛經大腦ga呢....
好想找到一點慰藉。
唔好以為我低B，你們實在太唔了解我。我靜下來時，諗的野比你們都深層。講唔講出黎，表唔表達，是我的選擇。社會迫著我要這樣面對人。我比你們認識的我恐怖，只是你未見過，接觸不到。
我變了，究竟現在的我才是我，定以前的我才是我。
係思想隨著年紀改變，還是隨著世界改變.....

21 瀏覽數 | 發表評論 | 與朋友共享 | 推薦

2006年7月18日 下午5點24分17秒你_

唯恐 我側邊有人微笑
教我何以獨自活到五更

20 瀏覽數 | 發表評論 | 與朋友共享 | 推薦

2006年7月18日 上午1點35分25秒Going Wrong_

尋晚，屋企發生了事，報了警，搞到好夜了...香港的差人很廢。
老母在發我脾氣，又關我事.....?!!
睇小說睇到喊。好想喊，但決定唔俾自己喊，如果我有1個星期唔駛返工的話我會用4日時間黎喊，一次過喊哂想喊既眼淚。然後用3日復原。
一個鐘之後，我會在趕頭趕命地步走返公司....今日係今個星期最後一日返工，聽日入Camp了。

18 瀏覽數 | 發表評論 | 與朋友共享 | 推薦

2006年7月16日 下午12點22分03秒CHI_

美鳳今日結婚，祝福你，希望你會好幸福！^^

出左糧，第一次請阿媽食飯，我阿媽話好感動wor！去了WongChunChunThaiRest食。食得好飽。食左榴槤炒飯，實在太太太好味了。死都要食ar！
成日都好沉默，想喊。
廚房真係一個好好喊的地方。
因為眼訓，所以無食飯。(但都要洗碗)
因為眼訓，所以沉默。
因為眼訓，所以發脾氣。
所以我眼訓請唔好唔俾我訓。

好想病，大病最好，病到入醫院更好，住2個星期，遠離呢個討厭既社會。

Industry....

25 瀏覽數 | 發表評論 | 與朋友共享 | 推薦

2006年7月16日 下午12點17分44秒討厭_

難分真與假
人面多險詐

14 瀏覽數 | 發表評論 | 與朋友共享 | 推薦