網誌
2006年6月14日 上午3點14分49秒T_T_
佢曾經send過比我：
「用我的一生 當小小一盞燈
令到你安枕 貪玩的終會覺悟
無需找尋 新的人
用我的一生 天天坐你附近
令到你安心 天主很寵愛我吧
如此的人 竟得到你著緊」
「貪玩的終會覺悟 無需找尋 新的人」....我仲駛唔駛信....
2006年6月14日 上午3點05分07秒12+13_
電腦又壞了兩天，依家總算用得返！
這兩天，我又回到剛失戀時的感覺，都唔知點解，但自從我見完果個廣告之後我就開始係咁.....
12號 去了又一城，我日日都去又一城，我咁樣剌激佢個商場D經濟，佢係咪應該頒個獎比我呢？！沒有拖拍的日子，我D錢就係駛哂去買雜誌同埋Pacific度啦，三日唔埋兩日就去飲咖啡啦，我再係咁落去就會變成一日4、5杯果D heavy drinker ga 喇！
另外，完成了信。曬了相。
13號 留係屋企，我一停下來，我就會喊，好麻煩。起身睇《廉政追x令》，之後拖地，執屋，執了幾個鐘，執完就都已經4點9了.....我一停下來，眼淚就流了，我又喊了成個鐘....好掛住柒仔，好想好想好想見到佢。
PS 禕禔，在這些日子裡，你真係給了我很大很大的支持，多謝您。
2006年6月11日 下午3點12分59秒愛您_
今日都係同媽出街啦。好難頂啦。
我第時大個女如果有錢既話呢，一定會用錢開間學校比我呀媽囉！專門教授黑面既技巧啦，因為師資優良，經驗豐富嘛。我媽她呢有幾十年黑面經驗，絕對有資格教人喇！你有無興趣ar???
搭巴士返屋企時經過一個廣告，以前佢同我講果個廣告佢好鐘意。
廣告上面有個女仔著住婚紗，另一邊寫住「披上婚紗 徐徐步下 這夜您萬千寵愛在一身」睇到呢個廣告，不奇然諗起佢，然後想流眼淚。
今日成日都唔開心，唯一令我興奮既係我今朝醒在第一個諗起既唔係佢，而係禕禔，咁樣叫唔叫有少少進步！？眼淚成日都都係眼眶入面流黎流去，但就總係流唔出黎。見到個廣告，淚水模糊了視線，但卻沒有流出黎！
最近看了一本書，在第六十三頁，有一段係咁樣既：
「遇到非常悲傷的事，想要好好痛哭一場時，有時也會躲到浴室裡。在浴缸裡，儘管眼淚撲簌撲簌地掉，鼻水唏哩嘩啦地流，也都會消失在洗澡水中.......把混有眼淚鼻水的洗澡水一口氣流掉的話，就彷彿悲傷也會一起流走。浴室也是個可以讓我振作精神的地方。......不哭了。」
但我比較喜歡在廚房哭，很寧靜，很寧靜，一邊洗碗一邊喊，淚水隨住洗碗的泡泡一併流走，也很好過。而且在廚房哭比起在洗澡時更能盡情地哭，洗澡時總是哭不出來，一面洗碗一面哭更舒暢。但唔好著低胸衫喊啦，因為D眼淚會流哂流個胸度......
食左藥成日都想訓，做乜都無心機。
有些時候呀媽問既問題真係令我忍不住要串下佢：
媽：「你家係度做緊乜？」
我：「Post緊日記。」
媽：「咁你日頭成日係度做乜？」
我：「同你出左街！」
2006年6月10日 下午3點35分17秒Shit_
1.) Conversation between she and me,
我：「我全屋人都好撚煩！」
她：「你全屋人都係得果2個人！！」
我：「.......」
2.) 除非你死！否則你的老媽係唔會知道你病的。唔同情你不突只，仲要用把遮篤你D腳指.......同呀媽出街好痛苦，同自己行街無咩分別。
3.) 今晚D蝦仁炒蛋好好味，係舅父煮的。我食左好多。食完飯食了2杯Haagen-Dazs的雪糕，飽到想死。
4.) 食完飯落左樓陪gd食糖水。她在拍拖，跟我說了許許多多的甜蜜事，好幸福喔！唔知我要幾時先感受到幸福呢......∪_∪
5.) 呢幾日不停煲《心亂如麻》，聽了過百次喇.....！
6.)《呀牛》中有一句*.「不甘心 明明不開心 就是不甘心 不過我肯等 等一生都等」我真的真的覺得好有意思，不過唔岩我用。「歷史一刻早已將舊伴侶轉送別人 我說 別傷心 仍能恰當大方去做人」更適合我。
7.) 今日行過鞋鋪，入面播住「只想從前的溫馨 不數從前的罪證 怨懟過盛 忿忿不平 會煞掉幸褔的迴聲 只想纏綿的風景 不講如何熱烈火拼 要記住的我一早心領 其他 無意認領」
對吧？！！
8.)Happy Birthday to 糖。
2006年6月9日 下午3點57分19秒6月9號_
我可以控制我既思想，但別人既思想我控制不了。
屋企人鬧交，我無出聲，我無出聲唔代表我無思想，用mp3塞住對耳都聽到你地嗌交，你地好煩！
病了，禕禔來我家煮粉比我食，好有人間溫暖。
見到禕禔見到D Buzz Lightyear時既開心樣，我都覺得好開心。
我羨慕你，你羨慕我，永遠都係隔離飯香............
病了，行路都見暈，成身都熱，但我唔信我會發燒！！！
返到屋企變了軟皮蛇，唔願郁。
食完飯爬上床訓覺，聽著《心亂如麻》徘徊在半清醒與訓著既邊緣，諗起當日既情景，分手！分手！分手！分手！分手！分手！每一幕都好清晰，我感覺到O係我訓著前既一刻，眼淚流了出來，但我都無力抹了，好暈好眼訓....
PS. 各位，你地寧願要肉體上既滿足定心靈上既滿足？
