網誌
2006年6月26日 上午12點32分07秒The rebirth of me_
遺失電話之後仿佛重生，我是好認真的。雖然當晚喊到死左，但第二日已經想通透了！所有野都失去，全部都無哂，一個新的開始。我想我已經好返了，各位朋友！^^對啦，無野需要忘記，無謂迫自己忘記，要康復的自然就會康復，唔好迫自己，對自己好D啦！
尋日sd了個好感性的msg給Grace同禕禔，一個有reply，一個無。我講的野真的想ga~.......誰來愛我 小心愛錯！！！
2006年6月26日 上午12點14分47秒星期56日_
星期5第一次出糧，D錢唔捨得駛，最後.....奉獻了DD俾星巴克。
Dior半價。
返工有少少辛苦，唔多，少少，但實在好悶。
星期5呢，周德城叫我同佢去游水。出面三十幾度你叫我陪你去游水？「你癡左呀！」
星期6去左唱K囉，好唔夠喉ar ~!!!......發現左$10之貼紙相機，好玩到爆！
尋日去......朗豪坊飲早茶，好味！之後周街遊，影貼紙相，同屋企人相wor ~!表妹上左黎我屋企，佢超大食，食左好多好多野，食左朱古力，又食百力枝，又食左成盒蛋糕，但都仲可以食埋飯，食飯之後仲可以食雪糕......無敵伸縮肚？！
依家8點幾，好眼訓，尋夜我訓覺，有條友半夜三更打黎問：你上次去邊度睇波ar~？」妖~睇過2次咁大把！！！
2006年6月24日 上午3點54分56秒@@_
you bite me eat ~!!!!!!
2006年6月21日 上午7點32分24秒okokokok_
I' m fine,thanks !
2006年6月14日 下午6點33分57秒6月14號_
今日有好多野想講，好想好好咁記載低邱愷程在今天的生活。
今日係6月14號，對於大部分人黎講，應該唔會覺得今日係咩一回事。可能會係有D人既生日，如果係，咁就祝你地日日都好開心啦！Happy Birthday！但對於我黎講，今日係好可悲同恐怖既一日，比黑色星期五更加黑色！
本來禕禔應承我今日會陪我去銅鑼灣，但後來佢病了，被軟禁了出唔得街。我無嬲佢無唔開心無失望但我好怕好怕，真係真係好怕，我怕我會胡思亂想，然後喊足一日。無左佢陪我，我本來都係諗住屈o係屋企渡過我餘下落黎既今日。12點半鐘，周德城先生打電話比我約我出街，我聽到佢把聲，眼淚就流了，好有果種「還沒有被世界遺忘」既感覺，我諗都無諗就應承左佢。佢今日著得好靚。出了CWB，行街，其實一直都心不在焉，心裡一直都諗住那個他.......仲顛到SMS他。最後當然無好結果！中途他媽打比我，我知佢好悶，但我行緊街，陪唔到佢，我知道佢o係屋企好悶，我真係好明白，每次佢打比我我都好想陪下佢，但時間總係唔夾！對唔住，他媽，sorry sorry sorry！周德城先生跟我都看上了一對Gucci耳環，佢鐘意果對$2xxx，我鐘意果對只係$1xxx！我都無耳窿，買黎都係擺。周先生帶我到銅鑼灣的Pizza Hut食tea，食了$60，飽到上頭殼頂，但他卻話我食咁少........係咁迫我食多D。我只知我無胃口食野，已經好飽同埋他好愛Pizza Hut！在Sogo過馬路時，佢拖住我，話我似細路，怕我亂衝亂撞比車撞死。果然我真係差D比車撞，好彩佢捉住我，之後我都唔記得佢拖到幾時先放手了.....
6點鐘，周先生走了，掉低我一個人在銅鑼灣，佢臨走之前仲要我陪佢去買頸鍊，好無陰公。
送佢去地鐵站，自己一個在銅鑼灣鬧市中遊盪，唔想返屋企，無人陪我，好寂寞。拎個電話出黎打了1個message，send了比2個人。一個send比Anakin，一個send比舊舊愛。2個都無覆我，但唔緊要，我做了我想做的野就夠滿足了。最後我打比禕禔，她永遠最能幫到我，就算幫唔到我個人，都幫到我個心。就算我無分鐘，都要跟她講下去....最後我去了銀座搵果條我心愛的one piece，試穿了，加上一對圓頭高跟鞋，我自覺靚到暈。但上天就總是喜歡愚弄人，條裙無貨！！！落了訂，要兩日後先有得拎。Anakin打俾我，佢一連為我帶來3個壞消息，我聽完之後直情想暈！衰人！！離開之前終於買了胭脂，好滿足~離開銅鑼灣，打比柒仔，佢又打緊機，諗住返SSP搵佢食飯，但佢話要返屋企食，好掃興，連柒仔都唔理我了。打比粉紅，佢能夠使我笑，無論我乜野狀態，佢都能夠令我笑，雖然仍然唔開心，但至少臉上掛住既係一個笑咀，唔係眼淚。跟他講了好久，當時既情況大概係：「愛到入城大也分開 預計之中 然而我越說越激動 這失戀感覺怎形容...」咁上下，我o係條街度喊，但佢的一句「冷靜D...」好能夠鎮靜到我....返SSP跟他食飯，但其實又唔係淨係跟他一個食啦！佢地約好了去食飯睇波，佢叫埋我去，其實我出席呢D場合真係好怪，但我卻唔想返屋企....
去了一間要訂位的茶餐廳，6個人，5男1女，有點尷尬。黃瑞龍先生，陳灝禮先生，李雄江先生，王嘉傑先生，紀拍嘉先生。好耐無見 Parker，估唔到o係咁既情況下重遇，佢都係好迷人，佢高左好多，好過我了！果間茶餐廳....感覺好似無野食咁，2個餐牌，一個牌係小食，珍寶腸呀、雞翼呀、串燒豬雞牛羊呀咁樣既食物。另一個餐牌更離譜，個名叫世界盃餐，但都係果D豆腐火腩飯呀、粟米班塊飯、咖哩雞飯、涼瓜排骨飯....等等既普通到無得再普通既茶餐廳飯，$40一款就叫世界盃餐！正！個老闆真係有諗頭！咁樣既情況底下睇波真的好有氣氛，雖然我一D都唔明，但都感到興奮。我好努力咁學習，但我無戴眼鏡，加上個電視有雪花，同埋我真係一D都唔識。咁樣呢，我除左知道西班牙係紅色衫之外呢，我就真係無乜得著喇！另外果隊係黃色衫，輸4球比西班牙！西班牙D人個樣好.....奇怪。粉紅佢嘗試盡量解釋我問既問題，但我仍然都係好一頭霧水的！！阿巢鐘意Sailor Venue，我話我有個Sailor Venue 既brooch，可以送俾佢，但他卻說了一句：「如果你見唔到我就托阿陸比我啦！」我當堂呆左*. 粉紅望住我，全張檯既人都望住我...... 睇完波，散水，Parker跟阿巢走，空降同Juno走，粉紅送我返屋企，阿巢用D蠱惑既眼光望住我地。粉紅，要你送我返屋企，唔該哂你啦！
感謝主！今日好滿足了！倚靠你 我必不至缺乏！
