2006年1月31日 下午1點45分38秒一月的最後一天_

有人打電話黎嘈醒我.....喂完又無人應，其後我又打電話去嘈醒返個人！！起身後發覺只不過係10:15am，刷牙洗面.....煮左個麵食，仲有蕃茄同蛋tim！ 稔住做Past Paper，但唔知點解開左個電腦之後就玩到2點喇，2點鐘見眼訓，訓左一個鐘之後終於肯拎本書出黎溫！玩了半個鐘呼拉圈......wah~ 晚餐呀媽下廚，太好了，好香的豬扒同菜，好味的蒸魚！仲有蕃薯糖水，都係我媽煮的....... 又收到一個壞消息，很壞，男生太差了！！！~

16 瀏覽數 | 發表評論 | 與朋友共享 | 推薦

2006年1月30日 下午4點15分51秒年初二_

尋日年初一，逗左利是，好少錢，但其實應該無乜邊個人係多ga喇。越黎越少錢，一年比一年少...... 下晝呀公無煮飯，與親戚落街食飯>>>同表妹周街逛，好豪咁請佢去7-11買野食。好開心！ 夜晚一家人食飯，來了個8婆，家人都唔喜歡佢......D人送禮比我地，我有好多金莎！ 今朝好早比呀媽叫醒，極速梳洗，只係用左15分鐘，然後落街食早餐。搭左個幾鐘車去逗廿蚊利是，之後又搭個幾鐘車去逗十蚊利是，全日就有三十蚊收入o勒！好可悲！ 夜晚，我煎芋頭糕，真係好叻！食完出街睇煙花，好無奈>>>睇得好少！同埋得2個人><. 3個人去cafe玩大富翁，玩到11點結帳離開.....返到屋企12點好(支力) 了。

26 瀏覽數 | 發表評論 | 與朋友共享 | 推薦

2006年1月29日 上午1點14分31秒Fri+Sat_

Friday~ 哎呀......今日去左米埔觀鳥。好悶，都無人去既....去到行，一味行，行行行行行，我都唔知點形容喇。 5點返到UCC，出太子交學費，飛奔入去九龍灣補習，遲左少少。今堂教求積法，好好玩，好想聽書，但最後都訓著左...... 放學去油麻地食四季，我跟梁恩恩一人叫左一煲飯，再加一煲湯，再加一個菜，好豐富，好飽。 食左喳咋，好飽。行路返屋企...十一點返到.... Saturday~ 呀媽放假的第二日，朝早拍醒我叫我陪佢去還神，還完神去買衫，佢又迫我買衫....>< 之後我獨自搭巴士返太子補習.....之後唔想講喇！ Mu....見到老豆，有收入 ~!!!!!Yeah~

26 瀏覽數 | 發表評論 | 與朋友共享 | 推薦

2006年1月26日 下午12點56分18秒..很煩..

我好唔開心，很厭世..... 究竟係天氣影響我， 定係人影響我， 我相信後者..... 請唔好對我咁好，我唔值..... 唔想返屋企，返到屋企對住呀媽，無野同佢講，但間屋都好嘈，因為我晚晚講電話....... 購物的確係會令人開心，係真的...... 請比D空間我好嗎？......

16 瀏覽數 | 發表評論 | 與朋友共享 | 推薦

2006年1月25日 下午2點23分56秒@@_

柒仔話： 日訓夜訓越訓越肥 越肥越懶越懶越衰 咩意思呢？好深><

20 瀏覽數 | 發表評論 | 與朋友共享 | 推薦