2005年11月12日 下午2點04分46秒Growing Up_

It's too hard.                                                    Please do me a favor ~!!!!!!!

6 瀏覽數 | 發表評論 | 與朋友共享 | 推薦

2005年11月11日 下午3點51分07秒波子汽水_

全日都好(支力) 。由起身開始，已經周身痛，ar媽話係因為夜訓.......乜我可以唔夜訓咩....??? 今日唯一令我振奮既一刻都係收到個Mid-Term report同撞返個舊朋友果時。見到佢靚左，讀書又好~真係羨慕！我都想有咁好。Mid-Term 個野錯到離哂大譜，是非顛倒的。明明好果d佢話我衰，衰果d佢又話我好！中文堂堂都唔上，佢話我"上課專心"。英文我日日舉手答問題佢話我"上課略欠投入"！西史我堂堂傾計佢又話我"上課專心"。Econ堂我坐粉紅隔離狂笑又係"上課專心"。咁既comment都比得出，其實D先生上堂有無留意過我既呢??????? 真係好費解！但最精既都唔係呢D！最惹笑既係個General Comment，真係佳句！！！留意：「成績退步，學業漸進。」好野！ 今日lunch都係去炒飯度食。粉紅次次都食揚州炒飯，佢好似唔厭咁ga bor~今日坐個位好凍，2部冷氣吹到應一應，變雪條咁滯！同埋食到好飽，飽到唔知點形容。都唔知點解d飯可以大碟得咁淒涼！我食完飽到上頭殼頂，5浚龍都仲話我碟飯好似岩岩黎，未食過咁！！！ 英文堂最舒服，double period我講完Good Morning之後就開始訓，訓到得返半個鐘落堂就醒左，岩岩好可以聽到有咩功課做同粉紅呀糖既3 mins talk~ 放補習之後去又一城食KF雞，好飽！食左果個餐多野食到食唔哂.......乜都有，葡撻最好味！！ 今晚飲左波子汽水...... PS~我開始唔鐘意你>>>1234567890

14 瀏覽數 | 發表評論 | 與朋友共享 | 推薦

2005年11月10日 下午1點55分58秒MY LOVELY BIRTHDAY_

11月10日。 我生日。 有D expect，都有實現度......^^ 有dd禮物la，同埋好多句happy birthday，如果每一句會考值一分，我一定有20分！！Good ~! 我最鐘意粉紅果分禮物，真係好得！Good到暈，好有意思，襯哂佢一貫既作風！！ 最開心係收到妹豬同大佬既MSG！我愛死你地...地...地...地...！！ 最感動係柒仔果隻野..... 最可悲係同禿頭果個人同一日生日，但今日都係STEVEN生日！ 呀糖唱生日歌比我聽我最想錫佢！ Tracy既生日快樂都好開心！ 呀龍既呀程最搞事！ 陳狗狗既「壽星女」最好聽！ Tama最激死我！ 5浚龍最早sd MSG比我，佢份禮物係過檔NEW WORLD！正！ 仲要多謝呀水！ 今日早放，12點8散水，返屋企換3出黎食飯，點知要食" 大家食".... 有少少無言。tama同呀水走左之後216同我同粉紅同呀龍同嘉傑同欣欣同呀傑去左麥當奴閒聊，216幫我做左D傷天害理既事.....Wow~之後比佢欺騙我去睇學界，查實真係唔知做乜，又無眼鏡，又唔識！我淨係見到D人好激動！..... 走果時同Grace Leung緣慳一面。Wt a pity！！ 媽話買緊蛋糕，我返屋企拎相機，唔知點解我d屋企人好似對部Digital camera有D陌生咁，handle得唔多好！ 個蛋糕盒好靚，好精美，好別緻，可惜相都相就比人殺左......OH ~!個蛋糕都靚！OK好味！ 聽日有Test有Quiz有Dictation，好充實bor~！ PS~其實我最想收到既禮物係>>>一張寫左Happy Birthday既birthday card ~!!!! 多謝哂你地！比起好多人，我已經好幸福！^^

19 瀏覽數 | 發表評論 | 與朋友共享 | 推薦

2005年11月9日 上午8點22分55秒Thanks GOD_

今日Day 4，assembly果時大方好衰唔衰咁岩經過我地班，聽到有人電話響，Oh~no!!!! 都唔知邊個怪獸個電話響，即係咁！唔係唔比你響，但你個電話果D ringtone呢，就衰囉！點會返學唔較振機ga......搞到要搜書包，不過算la，我今日無違禁品。但我臨急臨忙張個電話放左落人地locker度，.......真係唔該哂果個locker人。 ngkato終於拎左佢果噸精讀返黎比我，其實.....我無果時佢又唔比我，而家我有喇！佢先拎黎，仲要拎一大袋黎，有無諗過我點拎返屋企既呢？！！不過**都好多謝你，Thank you 哂！！ 今日食雄。好難食。 music堂好正。正到真係好正，至少我無眼訓過，上左一堂網，另外一堂Mrs. 關講中5讀書果d野，講呢d好過上堂，有d好似workshop既感覺。數學堂Mr.林一定好嬲，傳聞全班除左Tracy之外，無人做左classwork。最後成堂無上。 Econ test，識既都。但應該唔會高得去邊，點解有d人唔溫書都咁高分，我溫左成晚都係得3分，呢個世界真係好唔fair！ PS~thank you哂你~粉紅！有機會我會報答你。 另外呢，我想講，我有19本中文精讀存放於家中，有中4上、下，中5上、下.......有興趣者，請與我聯絡。

15 瀏覽數 | 發表評論 | 與朋友共享 | 推薦

2005年11月5日 下午4點58分52秒5.11.@Pizza Hut_

又係咁夜返屋企.......今晚其實應該好開心，但我知道未到盡ga>>>應該有d野令到我覺得有d失落，好後悔今日著裙，好耐無著過長褲，可唔可以以後都唔再著裙........ 今晚同216~浚龍~Grace Leung~Tama~去食Pizza la~本來粉紅都去ga，但好可惜佢肚痛wor~咁就甩我地底喇！有DD掃興啦！不過又好似今晚d活動唔岩佢咁。佢o係屋企睇波ar~ 去到Pizza Hut，梁恩遲大到，鬼死咁肚餓，我今朝淨係食左個雞批ja~ 餓到我肚都攣。佢黎到我地都無言喇......食食食食食！佢地食得好高速，肚餓都食唔到咁快ga！我，勁ar~真係食多左，食左2塊半Pizza！~~真係9唔搭8，人地隔離台生日，我地狂拍手唱生日歌wor~wakaka~chi ma gun的。仲興奮過人地主人家。O哂咀。根住去左影貼紙相，total一人30元，都OK！女仔唔知點解永遠都比男仔鐘意影相.......我地仲見到男人tim！佢同女朋友黎影相，唉~佢一定心諗：「都唔知做錯乜，咁夜都比你班賤人撞到！真黑仔！」但佢女朋友都幾靚女wor，我地個個都覺得靚！我地仲有同男人影相tim！！！我地狂影相，好似唔駛錢咁，但真係唔駛錢ga wor~都OK wor ~!@@@狂影完一大輪相之後搭的士返SSP食糖水....我食左西米豆腐花....都OK 好味 ~!216打比粉紅叫佢落黎，點知佢應承左之後又唔出現，打比佢又唔通，擋起哂D電話，超衰！等Tama仲擔心佢，哂哂tama D擔心！今晚我地傾左好多好多好多野。嘩！世紀大發現黎ga wor有一個係，真係人不可以貌相ga wor！o係3記坐完去麥當奴坐，我呀媽打比我叫我返屋企但我同佢講我去左麥當奴~佢今晚心情靚由得我。5浚龍食完pizza再食左2碗糖水之後買左橙汁仲唔夠仲要食多個餐，係咪人黎ga.....識唔識飽ga~???? 之後我地係咁傾係咁傾，傾到人地麥當奴打佯，我地走，好似個個都唔捨得走咁，衰到企o係條街度繼續傾.....全部口水佬口水婆黎ga....！！但都好好傾。 Tama佢係好人，所以佢會送我返屋企。216都係好人，所以佢送Grace返屋企。可憐既5浚龍自己走...... 嘩~返屋企果時有好多記者同警察，tama話又係果D事......好得人驚！屋企個看更唔係平時果個，唔知點解由1個瘦變左2個肥！ 返到屋企好(支力) ！ 功課未做哂，書又未溫！星期12345都有Test有Quiz！對於今晚呢個mood黎話，真係超級掃興。。。

17 瀏覽數 | 發表評論 | 與朋友共享 | 推薦