2005年11月30日 下午12點57分06秒笨_

詩希生日~Happy Birthday，祝你越大越靚！努力讀書！ Yeah~12月，調位！萬歲！唔知我個新同窗會係邊個呢？係男定係女呢？！好期待聽日AR~ 好似多事發生咁今日： 1. CVED堂玩聖經問答遊戲，本來我地贏，最尾輸返！！ 2. Recess唔記得自己做過D乜！ 3. 兩堂中文堂訓左一堂，第二堂傾下計咁就過左。 4. Lunch得好少人食，3個女仔2個男仔，最後加多個216都係得6個人。繼續抽Yes卡，佢地終於抽到『屎塔肥』同『杜麗莎』！ 5. Maths堂無心機上，因為計利息，好難計，篤計數機都篤唔掂。 6. Oral堂好易上，又係果D遲到早走果D堂，正！ 7. 今日粉紅激嬲我，我話如果佢抽張K.Oten Yes卡返黎我就原諒佢。 8. 放學前練左一陣歌，有D火藥味..... 9. 放學同欣欣去電腦室搞左一輪，都唔知o係度做乜！ 10. 之後去左麥當奴食野。低能的我用$30食半個餐，呻笨！ 11. 梁恩黎到......216陪佢走>>>我返屋企。 12. 今日又無買Justin！

21 瀏覽數 | 發表評論 | 與朋友共享 | 推薦

2005年11月29日 下午12點32分53秒Feeling Good_

都好開心wor今日，尋晚好早就訓左覺。雖然今日都眼訓，但都還可以。Hist堂睇Power point，大Leung佢唔記得左要問書，Yeah~ 唔知點解逢係PA堂我都好眼訓ga wor！明明前一堂好精神ga，一PA就眼訓，一落堂又精神。咁係咪即係我唔適合讀PA呢????~ 今日食強興，好耐無食過，感覺一流。食得好飽！！之後成班雞蛋仔去左抽Yes卡，係瘋狂咁抽將身上既散子全部用哂黎抽卡，但都抽唔到Ron！Wt a pity！ 呀巢今日個邪理論好得人驚，我真係覺得驚！下個會係我......死喇！！！好驚！驚到鼻哥窿都無肉！.....XXX FP堂練哥，喉嚨勁痛，但都還可以。唉~真係好痛。 補習個呀sir入左醫院，有個風趣呀sir黎野代課，好正！真係好正，正過平時果個多多聲，真係學到野，又幽默！最好以前果個成世都唔好返黎。。 大致上黎講今日過得得不錯。

17 瀏覽數 | 發表評論 | 與朋友共享 | 推薦

2005年11月28日 上午11點45分35秒病_

今日一個病樣。不停打乞嗤同流鼻水，仲要鼻塞喉嚨痛！我都未試過一日用咁多紙巾 ><！ 多謝各位既關心.....Thank you哂你地 ~!!! 雖然今日好辛苦，但我覺得過個好開心。我覺得開心就得喇，唔駛多講。 今日班際4D對3E，唉~點解唔係我地對3E呢！如果對3E我地會贏ga wor！！4D贏左！好！幫我地打爆佢！ PA堂好難捱，眼訓到頂點，又唔敢訓.....最終都頂唔順訓著左，但又比隔離位叫醒左！放學去左圖書館，諗住溫Maths，但真係打開本書就眼訓，我溫History好過....20頁1日之內點記得哂呢！？ 粉紅, 多謝你包紙巾....yeah~

9 瀏覽數 | 發表評論 | 與朋友共享 | 推薦

2005年11月27日 下午1點35分56秒amp

明明話要邁向25！！但我今日去左買零食，仲要買左九廿幾蚊。係咪有D過分呢？！！ 尋晚好夜訓，今朝10點就要起身，11:05am要上堂，但我10:55先出門口，當然又遲到 ><！去到果度又擾攘左一大輪，入到課室全世界望住哂，幾咁尷尬！放學date左欣欣，一齊去接梁恩放學。之後去apm食野，行左好多女人鋪頭，唔知點解欣欣好有興趣。有條友o係度唱歌，唱左好多歌！o係D-mop度見到Y-3果d野，我地o係度估幾多錢，呢個遊戲一D都唔好玩！！好耐無行過商場，行到好(支力) 。 o係祥華買左成百蚊野食>>>>>Oh ~!教我如何邁向25！！！

10 瀏覽數 | 發表評論 | 與朋友共享 | 推薦

2005年11月27日 上午1點47分41秒Video Day_

2005.11.26 唉！我地又去左唱K了.....好黑人憎耶 ~!!!!想收拾心情開始溫書，又成日引誘人去街！！！ 今次多左粉紅D氣氛的確係high好多bor~佢傻ga ma！狂唱歌 之後又狂拍片>>>好多片睇耶 ~!! F4的流星雨最正！ 途中我消失2個鐘去補習，之後再join返埋一齊。去食糖水，又拍片....實在太好笑！太好玩了..... 完事後各散.....

18 瀏覽數 | 發表評論 | 與朋友共享 | 推薦