網誌
2005年10月19日 下午1點02分06秒Oh~太傷心了_
| @Chi Sin的，好9都沒有開電腦喇！真係有溫書的。 @唉哎，會間學校都test week，成個學校好似死城咁。不過都幾正。 @無乜想講其實。 @我而家日日同呀糖o係度吹水，都幾好吹。 @呀~今日我地唔g叫唔叫做作戰成功呢，終於lunch果時都無見到胡屠戶！@Yeah~頭先arm arm終於有時間得閒睇Tama借比我果本Hunter。wah~.實在太好睇喇！我真係覺得好好睇。 @今日實在太......我都唔識點形容，我今日見到功夫佬佢溝女wor~實在太令人婉惜喇*..親愛既功夫佬，往我咁敬重你，你....太.....我都講唔落去喇。 @4D既同學，努力啦！ @我發覺有一樣美容工具風靡萬千5D班既女仔，遲D人人都有！ @狂煲《胭脂水粉》！Gd到爆！ @Ng Ka To，你話比野我比左半年都未比到，我就黎劈死你。 @好唔想會考，幾時沒日，快D沒日！ @有D人真係好虛偽，真係好狗！好不知所謂！ |
2005年10月14日 下午3點31分30秒Develop & Destroy_
Some unforgettable things was happened today...... PS: Buddy,I miss you so much~ |
2005年10月13日 下午2點40分11秒LOOK_
Oh~又星期4，玩完之後既第二日，隻腳都仲有dd痛。但都好好多喇！ 尋晚我ar媽發顛，狂鬧我！仲鬧得好勁！好惡！佢一路鬧我，我一路講電話，所以佢越鬧越火滾！！鬧到我都唔開心，今日心情都唔好。所以都無鬧人。我發覺我心情好既時候會鬧人，心情唔好既時候反而唔會鬧人。oh~唔知點解..... 今日2堂英文test，我覺得好開心，測左2個鐘。唔駛上堂，Yeah~！ 好想玩多次越礦飛車.....浚龍話西9龍果個過山車會圍住個Sham Shui Po黎飛ga.....一定好好玩.....Chi sin！ 尋日係成個夏天第一晚無開冷氣，好熱。熱到有D訓唔著，風扇又無開冷氣又無開。Damn it~ Rement又出左新款.....好靚。好靚。好想買。 |
2005年10月12日 下午10點53分00秒10.11@Ocean Park_
10月11號
哎.....arm arm沖完涼，散哂！沖涼仲(支力)過今去大戰《海洋公園》。我返到黎覺得超級唔聚財，成身都唔舒服，洗頭洗左4次頭，沖左3次涼，洗面洗左2次。跟住就覺得好舒服喇.....Yeah~但沖完出黎真係好(支力) >>>>> ~!!!!
今日去大戰海洋公園，我尋日不停同呀糖講好開心好興奮好緊張.....排比句ar~216、呀糖、5浚龍、Grace Leung、功夫佬、我、方頭、柒仔仲有Tama....9個人本來約左旺角等。雖然出現左個小風波，但都無損我地去玩既興致。事原係因方頭遲到，我地走左，去到金鐘，決定派出tama、柒仔同216去旺角搵方頭，點知15分鐘之後，方頭o係金鐘出現左.......wow......好surprise！叫返佢地o係旺角返黎！搭巴士入去海洋公園買飛，總共用左$16xx咁上下la.....9點幾就可以入去喇！一入到去我已經同Grace拎住人地D怪獸角o係度影相。仲指住D企鵝影相tim呀！第一去玩超動感影院咁上下既野，好鬼無聊，但我都驚......好低能。根住去搭纜車過對面山，海洋公園迫人影相，果幅相好靚ga.....但因為太貴無買到。玩越礦飛車，玩到我想死，本來我好唔想玩，梁恩夾硬逼我上車，驚到我狂叫。玩完之後....chi 左sin。可能驚到傻左，之後玩果D野完全唔覺得驚，玩左2次海盜船，我見到呀糖同216兩個驚到想死個樣，真係好好笑。足之玩左3次越礦飛車，tama話要玩到影相張相到滿意為止，玩左3次，我已經唔驚到可以全程放開對手狂笑，但坐我隔離既柒仔就驚到鼻哥窿都無肉><@@除左跳樓機之外，其他既機動遊戲都比我地玩哂！嘩.....好開心。
我今日食左半隻雞wor.....$39，Chi Sin的，大快活成隻都係賣$20 咁大把ja.....但好飽。我地又行左果D有魚果D水族館，嘩~好勁ar D魚同D水母！影左好多相！又睇左果d海豚頂波，麻好睇。但總算完左梁恩既心願。海洋公園好死多小紅帽。「有風小紅帽在動，無風小紅帽也如潮水般動*..」周圍都係D自遊行*.妖！呀！玩果個唔知咩飛船果時，呀糖講左句絕頂精句，簡直係佳句！佢話：「臭既人係會比人排斥ga ~!!!!」佢仲講左一大段愛情偉論！正到爆！玩完之後我成身都濕哂！之後又去左集古村狂影既D低B相。好靚既咸蛋黃.....好「夕陽無限好，只是近黃昏」既感覺。Wakaka！
玩到成6點先搭返纜車落山。最後衝刺，殺去兒童王國，玩低B迷公同Marry-go-around，仲玩左左火車，大家都極之疲乏，終於都走lu....
一路坐車一路吹水，大家決定去廟街食飯，查實我第一次去廟街ga ja.....呀媽話雜，所以從來都唔會帶我去。食左煲仔飯，都OK好味！仲有菜同煎蠔餅，每人都係$18.5 ja！根住大圍街街，我覺得好新鮮，平時都好少有機會咁樣，同柒仔夾份買左個千年locker鎖，勁到爆。但其實全部錢都係我比ga wor！周圍走周圍走，好多野睇！(廟街之旅下刪300字)......之後都搭地鐵返屋企喇. ，下刪50字！
好眼訓，訓喇.....@@
2005年10月7日 下午5點51分41秒邪溜丸_
今日發生既事比我覺得o係枯燥既生活裡面帶黎一點衝擊。都幾正！ 第一係今日坐新位，同ar糖坐同小研坐.....幾實呢個組合超怪，真係唔知林仲威個腦諗乜，3個數學白癡坐埋一齊，然後後面就全部都數學天才>>>>>好似真係chi chi呆呆坐埋一檯咁。謝米高佢話我好高，遮住佢睇黑板wor~咁我都無辦法，而家呢個位，都好好ga喇已經！今日無左B Ling，好掛住佢！無左佢提醒我要比心機上堂，心情有d....那個！ |
