網誌
2006年11月15日 下午4點16分48秒Gossip 20061113
是日與前行家友好於電話中交換近況，得悉工作比以前難做了。
大家是同道中人，均認同某業界代表之無能﹙或是無知？﹚，無論是地區上或是業界。噢，別開名了。但不難猜。
2006年11月9日 下午1點06分57秒Wild Day Out Grand Show 2006
其實前兩年已經想去睇呢個show，但係當然係唔得閒啦。今年適逄遇上友好們同友好的友好們都想去，於是一行七人浩浩蕩蕩去睇show。睇落今年陣容一般，好幾個parties，好似高潮樂隊、Project Early、Kolor咁真係聽都未聽過，偏偏佢地又唱好耐，仲要首首歌都差唔多，有d位真係幾悶。
旺福其實performance ok的，不過我唔係幾接受到呢款style。
謝安琪唱live都係爭咁d，唔知佢係咪留力要去賀台慶做佈景板啦。
恭碩良同佢隊band真係玩得幾好，不過d後生仔女唔接受佢玩懷舊啦。佢猛咁叫人嗌James Brown，但係差唔多冇人騷佢，似乎在場真係似乎大部份人都唔識James Brown係乜水…唉。我估唔少人連蔡健雅都唔識，莫講話James Brown喇。
半場休息x-game拖得太耐，又係好悶，之後整隊Kolor唱足N咁多首。關淑怡真係極度失準，應該係冇排過啦，連自己d hit歌都要睇譜，在場d觀眾就似乎唔多滿意佢咁串啦，其實佢最尾兩手別人的歌係發揮水準。
飛輪海其實應該係主辦單位吸引妹妹仔買飛吧，但係唔知點解隔離ｄ哥哥仔都係咁嗌，點之佢地唱唱下音樂停左，畀人踢爆埋咪咀。
今晚主要都係睇久休復出的蔡健雅，小萱，FIR同陶吉吉，呢幾part真係好正，FIR同陶生大唱Hit歌，全場觀眾都好High。正如小海白所講，我地當年真係第一批聽Tanya，仲係咁Plug佢d歌添。
自己其實未睇過呢ｄ歌手唱live，所以$190係值得。