2006年7月29日 下午5點22分32秒Birthday Week (Cont'd)

From 2006.7.25


7.25 是晚加班。加班前先到黃金走一趟買點東西，去了劉森記食蝦子撈
http://www.openrice.com/big5/sr2.htm?shopid=10414，硬係覺得冇以前咁好食。食完野就繼續開工咯。


7.26 今晚一班好同事同我去farewell兼慶祝生日，去飲食火鍋。食物質素就一般啦，特色應該係蝦任食囉，難得鋒哥仔「偷走」溜出黎。多謝大家份生日禮物，好有心思，thanks all。


7.27 今晚決定做乖乖仔，陪屋企人出街食飯慶祝。去港灣食晚飯，始終叫做有保證，又免茶芥同加一，起碼慳返每人十蚊入場費。


多謝各方好友陪我慶祝生日，同埋大家的message、電話等等。多謝各位。


---------------------------------------------
Why's BLog:
http://www.xanga.com/whyaa

169 瀏覽數 | 發表評論 | 與朋友共享 | 推薦

2006年7月24日 下午5點44分34秒Birthday Week

From 2006.7.20


7.20 舊同事call飯局，於是大夥兒去左呢間松屋食放題http://www.openrice.com/big5/sr2.htm?shopid=3061。所謂放題都係重量不重質，天婦羅蝦好在夠新鮮，魚生黎講白鱲魚都唔錯，其他都係一般貨色啦，不過除開百七蚊位仲要任飲任食唔限時食到十點仲想點?


7.21 今晚Zen哥約飯局幫我同Kevin做生日，Leo話要去書展喎。去到尖咀周圍蘯冇頭緒，結果去左呢間印尼餐廳http://www.openrice.com/big5/sr2.htm?shopid=5339。三個人，點左雞肉串燒、巴東牛肉、五香卷、印尼撈麵。雖則話雞肉串燒同巴東牛肉應該係招牌貨啦，但係我覺得巴東牛肉水準都係一般，都係以前灣仔修頓球場對面檔小店好食d。串燒就一般啦，不過個醬幾好。至於個印尼撈麵就有驚喜喇，又唔算係好乾，撈埋個汁好正。圍埋三個人都要二百四十，偏貴少少啦。Anyway，呢餐要多謝Zen哥。之後Join返行完書展的Leo就過左旺角滿記食糖水兼吹水直至人地打烊。


7.22 是日同169製作室仝人去旺角泉章居飯局http://www.openrice.com/big5/sr2.htm?shopid=436，呢間一定要訂位，否則唔知要等幾耐。一行11人點左兩個六人餐，一隻雞、兩條魚、兩個例湯+8款小菜，包括梅菜扣肉、炸大腸同Joanne聲聲唔食的炸鮮奶。以家常小菜家常價錢計，水準點都有保證。席間焦點當然唔係我，亦都唔係另一位主人家某大電視台的「世界盃王子」，竟然係燊燊爸爸。燊燊爸爸十月先擺結婚酒，做兄弟梗係「有今生、冇來世」啦。由於驚狗仔隊唔覺意睇到兼做新聞，所以生日禮物相不便post。之後大夥兒去Café玩傾斜版層層疊囉。謹此多謝一路搞仝人。


7.23 是日休息，跟家人和姨姨去呢度飲茶：http://www.openrice.com/big5/sr2.htm?shopid=10774。呢間「館子」上海點心向來都幾有水準。


7.24 是日下午要到灣仔一趟，一出地鐵已經擠滿去書展的人潮，不過我唔係去書展。

219 瀏覽數 | 2 評論 | 與朋友共享 | 推薦

2006年7月20日 下午5點37分17秒Hang Seng Credit Card

又收到恒生打黎promote credit card

都同佢地講過好多次啦

以前係佢客戶之時叫佢豁免收年費又唔滯

我拎埋張卡去總行cut都唔留客

而家就係咁打黎煩住人

你有生意都唔做我唔會阻止

不過真係唔好再打黎喇

106 瀏覽數 | 發表評論 | 與朋友共享 | 推薦

2006年7月9日 下午3點14分52秒Germany!!!

夜晚收到nic哥邀請去睇波兼唱ｋ，於是又出去湊下熱鬧．今晚就少ｄ人喇，因為有幾個甩低，不過大家都係唱得之人，所以依然咁熱鬧．

季軍戰其實雙方都冇包袱，應該可以放開黎踢，點知上半場都係中場混戰居多，埋門威脅有限，結果上半場悶戰收場．係到下半場豬仔射入第一球世界波之後先開始大家打返主攻．第三球豬仔仲整多球世界波網仔入添．

睇完波，一行七人仲去飲埋早茶先返屋企，結果三點幾先起身．

今晚留返響屋企睇喇，好彩聽日上晝請假，可以十點幾先起身.

143 瀏覽數 | 2 評論 | 與朋友共享 | 推薦

2006年7月7日 下午4點17分35秒Unexpected

世事往往都係意料之外，好多時唔畀壓力自己反而有意外收穫

希望今次決定正確啦

89 瀏覽數 | 發表評論 | 與朋友共享 | 推薦