網誌
2005年4月30日 上午1點06分00秒
等．多點時間
．早陣子放工後六時許乘地鐵到銅鑼灣上課，繁忙時間的地鐵班次，竟然是四分鐘一班。和以前相比，地鐵服務差了，班次疏落、車廂溫度高、空氣不流通等等，好像不大歡迎乘客似的，奈何巴士服務更不滯，車費還比地鐵高，結果還是沒有選擇。
．近來還是忐忑，心情還不是太好。
．無論如何，都要多謝老細這一年忍受了我的不足。
．進入倒數階段……
．多謝各位。
2005年4月24日 上午5點24分00秒
關於周記
向來沒有寫日記的習慣，周記其實是讀中學時的功課。所謂「周記」並不是每個星期都要交的，是隔一個星期才交的，至於另一個星期交的，是「剪報」。「剪報」對於我來說不是什麼苦差，打開「蘋果日報」港聞版，隨意剪下一段新聞，再多寫幾行「評論」，交差，一般十五分鐘便完成一篇。評論方面，除了對新聞內容的評論，偶爾也會對筆者的報道作風下評論，當然評論蘋果日報的文筆不會太難。
至於另一個星期要交的「周記」，倒是令人奧惱的事。周記應是留給自己看的，為什麼要給老師看呢？又不是和老師很相熟。於是一些太個人的事也不會寫進周記內，結果交給老師的周記全是生活花絮，很是「行貨」。
周記當然是星期一交的功課，也是星期日經常忘記做的功課。若要交剪報的話，星期一手到拿來「日月報」一篇報道，再加上幾行「行貨」，完成。至於周記，當然是邊上堂邊寫，質素當然是「行貨中的行貨」了。
但今天這本周記竟然還健在！
多謝各位。
2005年4月23日 下午9點23分00秒
周記
2005.4.17 - 4.24
． 4.19(Tue) 既然星期一有寫，就星期二開始啦。今日番工其實都冇乜特別，係多野做囉，其實呢排已經係咁。
． 4.20(Wed) 繼續工作，繼續繁忙。
． 4.21(Thu) 今朝放假，難得可以去飲茶。下晝出尖咀上堂，繼續學「如何做一個架兩」，話咁快就最後一堂喇，下個星期四要考試，lecturer都畀左d貼士。不過今日放6:00，拿拿聲食d野就趕過銅鑼灣上堂喇，仲要連上七日添。
． 4.22(Fri) 上晝番工開足成朝會，下晝就趕少少喇。夜晚當然繼續上堂
． 4.23(Sat) 上晝開工，跟隻case都跟左一半時間，結果其他野都冇乜點跟過。下晝繼續上堂，之後夜晚過番City U同班同事燒烤，呢次係我第一次去City燒烤。
． 4.24(Sun) 一早就要過海上堂，上下晝都要上，仲要加時添。
2005年4月17日 下午1點23分00秒
世界真細小
2005.4.17 (Mon)
．今晚雖然唔使番學，但係就要番工喎。收工就同同事去撘地鐵啦，落到去月台因為係車尾，咁我地咪行到去月台中間位置求其搵個位企啦。咁地鐵到站喇，一入到車廂竟然撞到另一個同事喎，原來佢又係剛收工撘地鐵番屋企，結果就有人陪我撘左大半程地鐵喇，同事早我兩個站落車。
．其實呢排生活都係離不開番工、番學同溫習，都幾悶。
．多謝各位。
2005年4月16日 上午5點26分00秒
生活點滴
2005.4.17 (Sun)
．趁有幾晚冇學番，星期五搵Hyper出老尖飲飲食食同周圍行，吐一吐d悶氣，心情舒暢番d喇。其實我都好耐冇試過慢慢歎餐好同漫無目的咁行街喇。
．星期六又要番學同番工，同同事傾左d career path 既野，多謝同事share左d info同佢d experience畀我知。
．不過星期六都要開工開到十二點，有d氣頂。
．星期日冇乜心情出街，所以留番響屋企溫習，但係進度未如理想囉，要加把勁喇。
．下周預告：21-27號連續七日上堂，點算……
．多謝各位。