網誌
2005年9月11日 下午6點02分26秒咩叫好耐都無 update ?
咩叫好耐都無 update ?
咁咪係囉
2005年7月4日 上午12點38分52秒感謝 頭文字T+D
話說三幾個星期前
無啦啦講起頭文字D上
又講起其實 UMOVIE.net 一早有隻關於頭文既歌
既然係咁, 就不如拍左佢, 肯定好攪野
之後度下度下, 就度左百福豆腐店, 又度左炒車....
講下講下, 又講到用先前拍 3G game 時用既三個女 model
再加上本身已經o係 umovie.com 做秘書姐姐的 zoie
呢個時間, 已經覺得好 gim 啦....
條片拍左兩日飛車, 兩晚通, 再加d散戲
就咁就趕剪片, 趕得切同頭文字D同步出街
仲走左去旺角朗豪坊做首映添
好老實, 我覺得我變左
唔可以話好定壞.... 但開始貪心, 開始有個人風格 (衰d講就係執著)
例如最後一幕由撞山, 燒豬, zoie, 到變黑無事
我諗過半數人都唔明白...
但係俾我再拍, 我都依然係會咁拍... (當然會改好d)
本來拍左出黎頭一兩日都好似無咩事咁,
點知頭D收得, 要做新聞
做下做下就做到去頭T
攪到多人睇到狂 down server!!!
諗返起都要數心急人上啦..... 戰隊/雅典都無 down server
其實去到呢一步咩都賺晒
我諗所有幫過手既 UM 人都覺得好開心
就算無幫手只係身為 UM 人都應該(我估)覺得幾好
下一步, 我最希望係隻歌會跑出
因為隻歌的確........ 係....... 好過原本個首既..........
今日就會派商台,
希望你睇到呢個 post, 首歌已經好似 MV 咁 hit 啦~~~
感謝 頭文字T+D
2005年5月1日 上午12點52分00秒寫乜?
我唔識轉我幅大頭相呀!!!!!
最近迷上 NDS 任天狗!!!!
我隻狗叫做肥仔呀!!!!
你有 NDS 既話同我配種呀!!!!
2005年4月7日 下午5點59分36秒[真人真事] 一蚇n壓在心底丹~的心魔終
[真人真事] 一個積壓在心底五年的心魔終於解開了. 我有一隻智慧齒 五年來不停折磨我 反覆的經痛, 陣痛, 劇痛, 唔痛我通通試勻晒 大約四五年前開始, 開始見到隻牙好偉大咁出世 最初小小白色, 之後多d... 但.... 之後就開始爆啦 可能太多牙太大壓力, 隻牙慢慢爆, 爆下爆下 爆到個差不多已經無晒個頭 (即就咁望都見到骨髓同神經!!!!!!) 我唔理佢的第一個, 亦係唯一一個原因就係我驚去睇牙醫. 我問過有d人脫牙極慘烈, 所以我驚.... 驚=唔理 多少個夜晚經痛我都可以忍, 就係忍唔到去睇牙醫. 呢個心魔, 誤打誤撞得知飛機話有個牙醫friend好掂 係, 好突然之間.... 我去左睇 今日, 終於脫左. 一路行去既時候, 個心仔卜卜咁跳... 好想慢d到, 亦好想快d過去. 到了. 打針, 可用微痛去形容. 脫牙, 可用 "咁就得架啦???" 去形容 只係撬左一下咁大吧!!!! 而且絕對唔痛!!!!! 不消15秒!!! 之後麻醉藥過左, 我竟然係 0% 痛!!! 只係有少少少少感覺!!! 結論 = 我脫智慧牙差不多好似生粒暗瘡仔咁 只收 $500!!! * 夜晚.... 我已經乜都食啦... now食緊硬蘋果....... 脫牙減肥計劃失敗!!! ** 有邊個想睇相? 我有隻爛牙在我手!!!! =====================================
病向淺水游!!! 快d去睇牙醫!!! 呢個牙醫絕對 100% 推薦!!!!
司徒少強
灣仔電腦城對面 (向山那面)
莊士敦道 128號 台山中心 6A
訓身推薦
1. 平 2. 唔痛 3. 老實
2005年4月6日 下午6點50分06秒上星期去了台灣旅行. 我發覺, 我愛上
上星期去了台灣旅行.
我發覺, 我愛上了這感覺.
訓醒只係諗住去邊玩,
夜晚又只係食食食.
又無得上網..... 感覺很好!!!
就算在香港也可....
我要旅行!!!!