網誌
2006年5月12日 下午2點56分35秒生日後的一週
8/5 原本約左busowk同學補祝生日
點知唔記得左自己要返2-10pm, 結果就無dinner食lu
放工去到kowloon city, 搵左半個鐘都搵唔到黃珍珍
不過我都無唔開心, 起碼有人同我傾住電話搵無咁悶
之後就上左sam新入伙既屋...雖然好妯, 不過就連天台, 一個人住都不知幾爽!
不過成$3700租,如果計埋d水電煤, 起碼都要$4千幾...太貴喇!
供樓好過!
同學們留左一陣就走了, 剩下我, 小明和sam
奇怪的配搭...可是難得的對話...意想不對的comfort
果然sowk既同學仔係唔同d...或者應該話sowk既同學仔又係朋友係特別易傾既
其實好多討論的, 我都考慮過, 我都明白...但明白跟行動是兩碼子的事
我都明白我是個不太願冒險既人, 未有把握既野我是不會做的
工作, 人與人之間既關係...都是一樣
不過, 我相信, 有一些東西, 我總要正視, 總要面對
只是時間既問題, 或許這也是我不夠成熟的一個證據吧!
收到一大堆同學們的禮物, 一件件拆開時...有打開寶藏既感覺
我相信每一份都是經過你們的精心挑選
每一件都是我喜歡的...不過我最喜歡的, 還是你們啊!!
9/5 放工後如常到jsc跑一個步
今晚練習跑姿和呼吸
原以為這些對於一個已經有十一年中長跑經驗既我來說
是最基本, 簡單不過既東西, 就如行路一樣
我們根本不會留意自己如何走路, 姿勢正不正確, 呼吸是否暢順
但在練習既過程中, 年跟著我後面, 留意我的跑姿, 卻發現我的跑姿有問題
可能就是這個原因令我早前左膝受傷的啊!
唔...要努力改善我的跑姿...長跑是我的終身運動
不可以因為跑姿錯令我不能再跑步呢!
吃飯的時候, 大家為著浩文升學還是工作積極給予意見和分享個人經驗
我還是當聆聽者
之後, 新男隊員阿包又人際關係問題...大家又努力討論
嘗試游說他, 改變他的想法
我不否認他有一些非理性既思想, 也很堅持某上信念
但我們想幫他解決問題,是否應該先收集足夠的資料嗎
是否應先認清問題所在嗎?
presenting problem= root problem??
很多不知道, 未了解...可能這個問題背後藏著一個/多個複雜既故事
所以...我不敢給予太多意見...不過如果當是朋友閒聊也ok
其實我很想了解他的故事, 希望能夠幫到他一點
於是10/5晚跟rfhk家人dinner時也忍不住拿了這個"CASE"跟他們討論
阿傑真的很厲害, 他跟我分析, 很仔細, 有條理
例如...他帶出一些問題...他為何有那些信念? 是否與他的成長經歷有關? 受文化背景/社會規範影響?
有否edvidence? etc
讓我對這個問題有更多層次的思考...一個服字
真希望可以多跟他討論case, 跟他學習學習!