尋日同咗13個攝影人去咗元荃古道行山同影相 , 12:30分係荃灣地鐵站出發 , 根住步行去梅園 (這裡才是正式既起點) , 一開始就已經要上一條好長好長既樓梯 , 行完之後已經想死 , 跟住重要行條好斜好斜既路 ... (去到半路 , 有小小想吐 , 哈哈 ) , 頭lee兩段路是全程最辛苦的 , 好在大家對我lee個番薯都好體諒 , 多次為我而停留 (由其是Kimo & Fox) , 而且重想幫我攞行裝tim , 不過我當然話唔駛喇 , 佢地都有好多攝影用具要攞 , 煩事再煩到人 ...根住再行咗一段路 , 居然見到一個小村莊 (有幾户人家 , 但其實我真係唔明 , 住係個度同係深山係冇分別 , 咁都有人住既 ??? )

根住當然繞住山路再上喇 .... 不過lee段路開始較易行D , 同埋開始有view睇 , 不過尋日天氣唔多好 , 好凍好大霧 , 所以唔係咁靚 , 冇乜野影 , 不過大家都好開心 , 有講有笑 ...

(lee 2幅團隊照就係o係山頂影ga la , 用魚眼鏡影既 ... )

行到lee度已經成3點幾喇 , 因為沿途大家都有停吓 , 影吓相 ... 之後我地開始向田夫仔進發 ... 天氣越來越凍 , 越來越濕 , 又好大霧 , 所以我地開始收埋D攝影用具 , 改為行吓 , 吹吓水 ....

(http://www.nikonuser.com/forum/viewthread.php?tid=54987&page=1#pid523365)

行呀行 , 行呀行 .... 哎呀 ! 我左邊小腿抽根呀 .... (此刻的心情跌到落谷底 , 因為好law ... )根住拉咗一陣間根 , 休息咗10分鐘到 , 我地又行過 , 個天越來越暗 , 所以大家開始加速落山 , 馬不停蹄咁行 , 行到茶水部個時已經到5點 , 大家買吓野飲 , 去埋方便之後 , 又要行埋最後2.5km (好似 , 忘記了) , lee段路大家都行得好快 , 因為Misscat話食燒鵝個度book咗6點 , 唔好遲到woh ...

終於係6點鐘 , 我地準時去到深井 .... (強調我的一雙腳已經麻痺了 .... )

佢地叫咗好多野食 , 好好味 , 不過我已經倦到唔係好想食 .... (原來深井D燒鵝都唔係咁好食ge...)

大家食完野之後 , Aggress提議去發記食糖水喎 , 所以我地又去咗食糖水 (嘩 , 原來好凍呀 , 我諗得10c ) 我吃咗碗$18蚊既好苦好難食既杏仁糊囉 , 又貴又唔好食 , 打死都唔再去食 .....

吃完糖水之後 , 大家就各自各回家lu ... 好彩有Aggress 陪我一齊搭van仔出佐敦ge , 沿途終於有機會同阿Aggress傾吓 , 好開心 , 因為佢都好多野講 ... ^^

返到屋企成8點幾lu , 勁tried , 不過happy ....