2008年10月31日 上午1點24分29秒致肥元兇

近8個月一直肥肥肥........大概都有20多磅，今日知道係咩原因了!!!要改其他方法........咁肥落去對身體真係唔好!.........今次要keep fit啦!!!20號既大function趕唔切ga la!!!不過始終都係要清減d好!

晚去左珠姐度.........佢問我係唔係有左........都唔知第N個問了!!!!!!好快.......我會KEEP返ga la!!! 最後係珠姐度要左條裙，雖然本身有一條，但好似呢條挺身d好d，又可以改fitting~~~~都應該ok既!!

噚晚阿婆又跌倒，好彩今次係小意思......有少少擔心佢係唔係腳無力呢???

聽日下午要試下煲新湯比姨丈，希望出少少力幫佢早日康復!!!知道阿姨係非常之關心佢，可能姨丈會因禍得福呢.........

p.s. 我星期日會upload返上星期d相ga la!!!........忙呀嘛!!!

2008年10月29日 上午7點28分40秒再見了，小燕......

今朝起床，JACKY告訴我小燕上星期五離開了...... 認識了她，剛好一年，是JACKY國內廠的一個女同事，人不錯，經常說要跟我到深圳玩，到香港又會跟我見面.......之後又會成為JACKY公司中，我的私人間諜......小燕真的很好人，認識不深，但又十分投契........新年又要JACKY比利是，又多次要我請佢飲........很可愛的朋友!!!

見不到面時，也有EMAIL聯絡.........但最幾個月開始她已經沒有回覆我!之前JACKY才說她有重病，不過好了一點，快要動手術! 真的很突然.........很可惜，這麼年輕便走了........上次3月KEN FAIR才見過........(她幫我加料的相簿......唔見0左!!!)

不過我沒有特別不快.......只是覺得很可惜........最近已經很多事了!!!不要自己找麻煩!!!所以我沒事的!!! 昨天早了放工，去看姨丈，他11:30AM動手術，7:00PM才出來，幸好，腳仍然保得住!!!!只是還有幾個手術等他!!!我只好告訴他，雖然我不能了解他有多痛苦，但一日仍有方法醫，便是有希望了!時間問題已!!!

爸爸的病情也穩定了!!! 我相信最壞的事情已經過去了，好的會一直來!!!

2008年10月28日 上午5點56分58秒心情好差......

有無唸過自己無左一隻腳會係點???

今朝返工，阿妹同我講，姨丈今日要做手術......今次係膝蓋.......如果裡面既軟組織壞死!

就要切左隻腳.............我今日心情真係好差!!!

突然唸起四川既小朋友...........佢地真係好勁!!!! 所以話呢，就算返工幾辛苦，都係幸福，至少我無遇到姨丈既事、無四川既事........要去邊就起身行過去!

心情仍然好差.........今日放工會陪我表妹去醫院探望姨丈......希望佢知道我地係好關心佢先~~~大家都怕佢會唸埋一邊...........姨丈，加油呀!

2008年10月25日 上午1點23分46秒沒事就好了....

最近真多事，不過我已經進步了，雖然工作忙了，家中的事又多，但人沒有已前的緊張&大壓力..........謝謝你~~~飛的來支持支持!!!還有朋友們，thx!!!!「希望你家能平平安安!!!」....覺得很感動!

今次姨丈遇到了工業外意，左腿由pat pat包到腳底，已做了一次放血手術......之後還有4次!!!

見到了他，人都定了.........沒有之前般擔心，我覺得姨丈的意志真的很強!希望他盡快好起來........壞事可以離他而去了!

一家人身體健康，平平安安就好了!

2008年10月22日 上午1點20分22秒有驚無險

最近家裡的事真多......

首先是爸爸入院，現在在家用呼吸器呼吸.......

太婆係將軍澳的墳墓極有可能被水浸(與早前上報的同一地段.....)

今次，婆婆在天橋「碌落樓梯」....一去到醫院，佢係度喊.......可想而知佢有幾驚.......全家人都即刻同公司請假到醫院，婆婆個頭頂「腫」左!照過無事!!!好彩~~~~手腳只係瘀左，d骨無事........佢臨走仲問醫生，「我會唔會痴線ga!!!」.....明玩野!之後，佢仲好興奮咁同我地食野，仲有力行街......(我反而太tired要先回家!)

以佢咁既年紀，個個都話佢好彩.......而且佢骨骼好好.........真係好怕阿婆有事........我唸如果真係....我未必接受到!