2008年1月30日 上午5點52分46秒有D怪怪地...

今日又唔眼訓(噚日明明都係夜訓!)，心情好好!!!好開心!!!

掛心既事，都叫做有左定案!雖然未完全解決，心情唔應該靚到咁ga woo

不過無理厭自己開心得滯ga!!!

明天就係最後一次覆診了!!!一定係good news!!!一定一定!!!

呢2日大家都好勤力咁找尋、傳閱&研究d裸照....嚴重影響工作情緒!!!(平時做野又唔見佢地咁快、狠 / 很、準.....吹漲!!!)

不過，d女仔真係好慘，可能有人會覺得係自己攞黎衰! 但一d就結左婚生埋仔，一個都唔再係娛樂圈，仲就快結婚......真係好慘!不論是真是假，人人都在傳閱、討論、研究，到底對女仔來說真係好傷!以後都被人覺得係唔正經......

明明就快可以開開心心過年.....呢幾日不論係自己同社會既事....都覺得感覺好似怪怪的!!!

好期待新年、新開始、新希望!!!

2008年1月29日 上午12點33分22秒快~~~

最近發生好多事....

快d過年啦!!!

可以快d玩年宵!

過左年，希望一切順利!

希望阿妹無事!!!一家人好齊心，we all love u!

2008年1月26日 上午1點14分49秒生平事跡

昨天聽了 / 看了兩個人生前的一些事......

一個係SINDY，到而家我都唸唔明，究竟係被人中傷定係真有其事?

我阿姨係咁GA MEI?? (千百個問號???)

另一個係，ALICE做梅姐的一生.....

好勁~~~~好好睇!!!!

唔係純粹抄襲，係真真正正既演譯!!!VERY GOOD!

不過睇得出佢好辛苦，一個人唱獨腳戲，唱足90分鐘!!!

不論燈光、音樂、服裝都好professional!!!! very good!!!推介推介!!!

好想睇多次! ~~~因為係東亞娛樂既關係，我唸，應該會有碟出!!!到時一定會買!!!不過緊係現場最精彩啦!!!

做獨唱音樂劇都可以做到加場 (2月3日加開一場!!!)alice，你係得既!!!

完左之後見到alice(又影左張合照了!!!)，比左張簽名poster我，好開心呀!!!

睇得出佢好tired，把聲已經沙沙地!!!要小心身體了!

2008年1月24日 上午12點50分12秒病假!!!

終於都頂唔順，要放返一日病假了!!!

9點幾我婆打來......(之後佢打比我細妹話我病了!!)阿婆最近成日周圍打電話比人......都係熄電話好好咁訓了!!!到12:10先起身!!!

就去左媽咪舖頭找妹妹同媽媽~~~再係香工同trendyland開倉一陣!

係woo要買鞋過年了~~~買左一對$50既鞋，好靚ga!有馬毛做下裝飾!不過要拎去打"爭"!!!(今日第一次穿既新鞋~~~唉!爛左!)

之後有一間全部都係$20一件!妹買左幾件針織....不過我著針織唔好睇!!!買了一條褲~~yeah!!!$20-!!!

係地鐵promo見到d小電器for1-2人(前一晚係tv見到!)，對個小型乾衣機真係幾有興趣，不過細細個千一蚊~~~好似貴左d，每次都係可以乾3-4件衫ja woo....都係算了!

之後就好倦了!!!要搭巴士返荃灣!!買完餸就同妹一齊回家@_@

佢玩wii，我就slp下先~~~

太倦了......都唔知煮都好....都係簡單d了!，唐生菜、煎午餐肉、蟹柳肉碎蒸蛋(終於都有一次係滑滑的!!!等個飯滾左先放落飯煲就得啦!!!)最後，10點幾又slp過~~~感冒係要好好咁訓ga!!!

阿妹好多心事!!!全日都無停講既，傻妹，有好多野想做，又好多野好擔心，好似我細d既時候咁....希望佢會開開心心，少d煩惱啦!

「我的上帝必照他榮耀的豐富，在基督耶穌裏使你們一切所需用的都充足。」（腓立比書4章19節）

2008年1月22日 上午7點04分57秒尋....

感冒好返2日......今日好似又來了!!!!

可唔可以病少d呢?

已經有打下波同休息充足!!!

食就一向都食得好好ga la!!!

唔知點解，日日都好眼訓!!!

唉.....就快31號返去覆診了!!!好擔心.......唔係.......唔擔心!!!!一定無事既!!!一定!!!