2006年2月8日 上午8點21分36秒最後階段了

®
2月3日 (星期五)
真係好攰成日就好似泥咁攤左係屋企…郁都唔郁~好懶!到了黃昏，約埋表媽、表哥、姨媽到元朗食三文魚!食左好多好多，多到唔記得幾多添喇!~噢…有人送左陪PSP俾表哥，真幸福!
食完去左focus睇下錶…final sale呀!好想好想買之前睇中個隻黑鋼呀…最後買左另外一款仲正d既，都係黑鋼，但貴d!!~好正呀，好man呀…I like it!買完好開心但有很內疚~食屎啦STW，又話同愛妻一齊save money，都唔知save左係邊呀!?

2月4日 (星期六) – 人日!

Happy birthday to everyone

今日同媽子去左又一城悠閒呀! 首先去super sandwich歎一個舒服的lunch再去taste行左勁耐…買左今晚既前菜蕃茄雜菜湯、麵包，晚餐羊肶、牛柳、司華力腸，甜品士多啤利….好豐富的晚餐呀!

今晚好早就變豬了，因為要準備聽日既op之旅!

 

PS.鋼之煉金術師

 

2月5日 (星期五)

5:50am起身，快手地梳洗後就到荔景接愛妻喇!搭香港線再轉到金鐘!!搵左一輪都搵唔到有咩好食，最後俾我搵返愛妻想食既Delifrance!!買左兩set早餐，貴貴地呢，不過算啦愛妻鍾意~要過一個悠閒既早上，食一個闊太feel既早餐!!食得好好好開心呢!!~打俾3t同阿ca原來佢地未食早餐，於是叫埋佢地黎做闊太，不過ttt好唔夠闊呀下…笑死人!
食完就齊齊向海洋公園(op)出發lu!!~無想像中咁多人呀…算係咁啦!~ttt終於買左全年入場証喇，好開心啦?

 

第一站: 廁所

第二站: 滑浪飛船

睇見d人個個都勁濕wor，但平時我地玩開係唔多濕ga ma，咁就以為佢地係前重後輕搞到咁啦!點知到我地玩個陣都係激濕law…我地既坐位已經係 “我、愛妻、3T、阿ca”...都搞到咁!玩完落去睇相啦，沬係見到我一個law，個個都低頭!...當然要影返張濕身照啦…影影下有個女人走過黎問我地佢手上部DC點用，原來佢係同囡囡黎，唔識用DC…我地勁好咁教佢用啦，仲幫佢兩個影相添!本來兩個都幾有笑容ga，當我講到1 2 3唔好笑…個阿媽即刻爆笑，張相都影得靚d呀，笑得燦爛d呀~哈哈~做了好事的感覺真好!

第三站: 越礦飛車

排隊既時候3t小姐已經好驚喇，我地不斷講野舒緩下佢既情緒，其實愛妻都有d驚既…排到坐第二卡，也算不錯吧!上到去…架車只係郁，3t都已經眼濕濕左喇…衝落去個下更加攞佢命，阿ca就不斷同佢講野，不過係無用ga…3t已經唔識放鬆喇!而愛妻呢…成程都捉我，仲俾我舉高佢隻手添…

第四站:太平洋海岸

係館外見到一對夫婦，佢地勁好，幫我地影相…我地又幫返佢咁啦!入到去睇到d海狗定海獅好得意呀…成日係到叫，就好似鄔愷Ca係到叫咁!

第五站:海洋館

沿途3t話要我地玩一次白痴跳俾佢catch…可惜都係catch唔到!!我一出手，永無失手~catch到!~多謝3t既乎古力百力滋!入到館先睇水母，好睇呀!~再續層續層到海底睇魚!~好近呀…好靚呀…好耐未睇過!
 

第六站:攤位玩戲

第一個係玩拋圈圈，無獎!之後考慮左好耐都唔知玩唔玩扑大力搥好，最後有玩，但當然唔中啦!3t玩埋掟鐵罐，但都拎唔到佢愛既史力奇!

第七站:摩天輪

3…唔係掛，摩天輪都驚…唔洗驚~有我係到~哈哈!第一次同愛妻坐摩天輪呀，好正呀!...好幸福呢!
 

第八站:海盜船

3t又驚到陣喇…我地打算阿ca陪3t坐中間，而愛妻就打算挑戰跟我一齊坐第一行!可惜由於多人唔俾揀，所以迫人地上…最後4個人齊齊坐中間!~好無隠…等於無玩過一樣!決心同阿ca玩多次，要第一行既…愛妻好叻，跟埋我地去!3t玩完一次已經好似無左半條命咁喇，所以幫我地睇袋&影相!~唔該3t!~排排下發覺唔多對路，可能又坐唔到第一行!於是係轉角位扮哂野話等人俾人去先，大家係到擔心…數緊讓夠未!最終係成功ga，仲剛剛好添，坐到船尾!愛妻真係好驚ga，嗌哂咁，捉到好實，但個樣依然係笑緊ga!!~

第九站:麥當當lunch!

3t同ca負責買野食，我同愛妻去搵位!本來好好地的，突然有個女人過黎問有無人，我地就話有4個人，你地只可以坐得一邊law!!咁佢坐低都無野啦，後來佢阿媽黎到坐左去我地個邊，佢個女就同佢講人地ga~坐返埋黎啦，個阿媽就話咁迫點坐呀~我地坐得幾耐姐~唔坐得咩!...跟住帶我愛妻都頂唔順佢都出聲~哩餐lunch要對住佢食真係慘呀…搞到我地兩個火哂!

第十站:吊車

本來想玩埋跳樓機ga，但多人排…我地又唔多夠時間wor…最後決定放棄~走去搭吊車(無奶油黎op唔搭吊車ga ma)…諗起paper同肥lam之前一齊坐吊車又話要搖吊車，但3t真係好驚呀，所以無咁做到喇!

第十一站:旋轉木馬

哩d唔刺激既野我玩完反而覺得暈暈地wor~呵呵!

第十二站: 兒童王國摩天輪

其實係一d都唔好玩ga，但影相靚ma!兩個人一卡!大家互影…好好笑，不斷左右走位!!
 

第十三站: 氫汽球

3t哩個大細路，見到太陽花波波就買左喇…不過又真係好靚既!買完野阿ca就陪3t走lu，因為拎住個波唔坐得MTR!而我就繼續名夫人走下場節目!

 

諗住op門口應該有車可以落灣仔啦，點知睇極都無，唯有搭返落金鐘先啦!!落到去還有時間，咁就算事搭MTR…兩人就決定行過灣仔，條街又少人，可以有多D私人時間!!~其實都唔係行左好耐姐，只係好攰law!!終於都到喇，金紫荊廣場!之前應承過要同你一齊去睇煙花…初二那天我唔能夠同你去，所以今日專誠帶你去!唔知你有無估到我帶你去呢?唔知你鍾唔鍾意呢?可能你根本就打算無得同我睇!我知，只係少少既煙花，睇完好似無咩睇過咁…但希望你都可以開心啦!


睇完坐左係海旁約半粒鐘先走!然後去食野…沿途見到3t想要的那個巴斯貼貼，就買了給她吧!食完野就歸家lu…真係唔想哩日咁快就完，真係好開心!~走之前可以有一次咁開心既op之旅…很滿足呢!

 

PS.幫我釣條魚上黎吖

 

2月6日 (星期一)

起身煮左d野食，沖埋杯愛妻指定既柑桔便出門口了!!~今日愛妻好好呀，陪我去覆診…多謝你呀!本來可以係屋企休息多少少，但都同我出~好好呀!

其實我係準時出門口ga，但去到沙田轉車站打哂蛇餅law，等左好耐先有車!好趕呀…醫生叔叔收1:00，但我12:50先去到law，剛剛好!個醫生真係好cool…叫佢開多少少藥俾我拎過NZ都好好難咁!~咁又$360…氣管們，請生性吧!

睇完過青衣城快圖美，揀相揀左好耐呀….有七折，好抵~仲曬左好多2R呀…yeah!想曬好耐喇!...跟住極速行返過青衣市政大樓兩個人打羽毛波!第一次跟愛妻打羽毛波呀……呵呵!兩個人都玩得好開心呀，不過今日太攰，有時不在狀態就會亂咁打!雖然book左只係一粒鐘，但我已經出哂汗喇!兩人整理好後又踩返過青衣城拎相，睇相簿，睇燈…兩個都攰喇又餓餓地，最後去左滾滾紅茶!!坐得好舒服咁食左個tea，仲有齊齊睇相好warm呀…鍾意哩個feel!!~hea左人地張枱好耐喇，係時候離開!再去買返剛才睇arm既相簿就送老婆走lu……好唔捨得!哩排去到哩d位真係好唔想放手，好想再珍惜再多d每分每秒!~送完老婆就獨自行到長發過膠，再去搵媽子!

 

2月7日 (星期二)

尋晚傾電話決定左今日愛妻晨早流流去我屋企，仲有買粥做早餐!!為既係見耐d，辛苦哂…要你6:30起身!平時媽子同uncle係8:30出門口ga ma，點知今日uncle話老闆唔返咁佢又遲d先出門口wor，我頂!即刻打俾愛妻叫佢唔好自己入黎，係太和等我齊齊早餐吧!望見已在M記等左半個鐘既你，我超級過意唔去，歉疚!本來諗住去食粥啦，但驚見到uncle，所以最後stay左係M記食而且可以坐耐d，不過我知你想食既唔係M記~sorry!

10:00回家lu…一野躺臥係sofa上面，好眼訓呀!但唔夠位訓…返房!其實都唔係訓，係玩~嘩哈哈嘩哈哈!

弊…玩到唔知時候!要極速出門口先得喇，我地約左廖寶寶同stephanie唱K呀!遲到了…sorry!今日唱得有d癲，平時上唔到既高聲今日愛妻話我上到…好勁呀，唱到走火入魔喇~哈哈!阿寶把聲唔係好得呀，所以好多都無唱…我地當然玩野啦…好正呀!好耐無唱K時玩得咁開心喇……最正係同愛妻鬥唱有人跟蹤我，好激，好快，真係好似急口令咁……再更加佩服hocc唱哩首歌!~唱一次我都唔夠，臨走前點多次鬥多次…愛妻話我輸wor!

。。有人跟蹤我。。

驟遠 驟近 驟眼 跳入樹叢 沒有 被我
逮到 但有風 是你 是你 在家 四尺內移動

上午 鬧市 下午 那地鐵中 傍晚 麥記
人潮中 你也在蠕動 夜了 睡了 仍能偷偷 入我夢

要盡快去驗眼 如若我病了 有幻覺 幻覺也真正嚴重
接近到 閉著眼 亦覺得 街角的 黑暗中 像有觀眾 ha
於暗地裡

有人想跟蹤我 閃來閃去 試問誰看上我 沒頭緒
隔兩步停了 又回看 使我累 穿了沒趣
你何必跟蹤我 追來追去 當我沒有心 讓你追
仰慕 有陣時 也令人 很畏懼 狂迷 是顧慮

定眼 望鏡 望見你在鏡中 櫃裡 亂了 連床單也似被移動
密探 像你 如何躲都沒有用

你就算愛慕我 從來未說願意接受你 就算貼身也無用
要是再靠近我 別怪我 狠了心 將你的 病態檢控 ha
失控大叫

有人想跟蹤我 閃來閃去
試問誰看上我 沒頭緒
隔兩步停了 又回看 使我累
穿了沒趣
你何必跟蹤我 追來追去
當我沒有心 讓你追
仰慕 有陣時 也令人 很畏懼
何妨直說

你何必喜歡我 陰陽不對
我在明 你卻暗自陶醉
愛到沒人理 為何你不怕累
穿了沒趣 你何必跟蹤我 不如歸去
當你 被你所 害怕追
到時你就明 我為何 很畏懼
《狂迷》逐之不～去

 

唱完兩條友扮乖返屋企食，而我就同愛妻去食左碗米線!食完其實都無咩地方想去喇，係條街到回來兜左兩次，感覺就好似《十八相送》. . .

。。十八相送。。
長橋行過 截停夜車 突然又想 一起坐船
航程完結 蕩回岸邊 又尋藉口 拖多半天
話長路短 走到那邊 又不想告別 再送遠點
在站前路邊 應該卻步了 還要坐進咖啡店

請准我護送 多十餘步 終點再三推遠
再會己講了十遍 都未疲倦 只嫌夜晚太短
回家這路線 好像情話 轉完還在轉
肯不兜圈 一早到了 何以 和你始終 兜兜轉

明明完了 別離在即 突然又想不需要完
如何留你 尚能望天 密雲夜空 等出雨點
經過士多 走過戲院 又不想告別 再送遠點
在大門入口 告別難避免 才說漏了背包 又原路
巡十遍 幾多個藉口 也仍然未夠 終點也是終點

請准我護送 多十餘步 分手再三推遠
再會己講了十遍 都未疲倦 仍在對方面前
回家這路線 好像情話 轉完還在轉
何事我 護送間 你又會 紅著臉

拖這樣遠 都未情願 親口說改天見
你大概知約會這 曖昧同伴 甜蜜卻不自然
回家這路線 只是緣份 某條延續線
兜多幾圈 終於會斷 這一雙愛侶 差一點 卻未算

想一直再兜，無盡頭咁兜，唔想咁快返到屋企，每分每秒也很珍惜!不過最後都係走啦，因為聽日返學而我又要趕下場!送愛妻到荔景後我就去荃灣見媽子d朋友咁law!

2006年2月3日 下午4點51分14秒第一次被tag

>被阿ca tag左好耐，但而家先post!

10 + 1 + 5遊戲玩法：
10 請列出10樣最想做的事情（短期／長期均可）
+1 被點名人士除了要回答別人的問題，還要在最後出多1條問題
再+5個朋友仔，順道去他們的xanga 留言，告訴他們被點名了
開始!!請列出10樣最想做的事情（短期／長期均可）

1 )  我想增高變man d! (係想姐，我知無可能ga喇!) +做gym練大隻d，練肌肉!

2 )  大學畢業，搵份穩定而高薪既工

3 )  好想好想一家人我，媽子，uncle…加埋愛妻食一餐溫馨的飯，讓我感到你地係支持我地既!

4 )  儲老婆本，迎娶我的愛妻

5 )  考車牌 & 電單車牌

6 )  買BMW

7 )  30歲前有自己既物業，裝修成我的Dream House

8 )  再彈好d結他 (我知自己衰懶，無恆心去練)

9 )  我既愛妻、家人、朋友永遠幸福快樂

10 )  同我愛既人(其實即係愛妻)去做哂所有我想做既野…哈哈!即係以上全部加仲有好多好多野!

11)sandy問：如果時光可以倒流，你想回到哪時？
答:我都ok滿意而家wor…!如果一定要，我諗係BB個陣…可以無憂無累!

12)nic問：可以用愛我(或他人)的心接受我(或他)過去一切的一切和過錯嗎？
答:可以

13)henry614問：如果明天你會死，你有把握上天堂嗎？另理據為何？
答:可以!至少我無做過陰則野!

14)瓜瓜問：出世到現在，最開心的事是什麼？
答:數之不量那麼多!e.g.出生於一個好好的家庭!~遇上我愛妻!~有一班值得我珍惜的朋友!~

15)menyee問：你最喜歡睇什麼類型的書？
答:我無咩文化，無咩墨水…睇書少!或許是鄭梓靈的小說吧~

16)傑仔問：你的初夜將會（或已經）在什麼情況下失去？
答:斷估都唔會係時鐘酒店人面咁cheap掛!

17)flora問：你覺得自己是個現實的人嗎？
答:一時時!

18)CeCe問：如果呢個世界無「愛」依樣野，你話會點？
答:世界變得更殘酷

19)ka問：你地now 幾歲???
答:19

20)kim問：你失戀時有咩FEELING?
答:睇下愛得有幾深啦!

21)Elic問：假設你等一個有男／女朋友既人等左半年以上，對方曾承諾會同宜家既男／女友分手，但對方拖了又拖，遲遲未解決，最後都係跟你說沒辦法，咁你會點？(eg: 感情或行為方面)
答:哩個情況唔會發生係我身上，因為我唔會追一個有另一半的人(即使我幾愛也好)

22)ying問：如果中２左１個人，你會點同佢講呢??
答:獻恩勤，待時機成熟再直接一野同佢講!

23)elvia問：愛人同被愛，如果兩者只可以選一樣，你會選邊樣and why?
答:愛人!用我既愛感染對方，然後我也得到她的愛!

24)小a 問：講樣你覺得好幸福ge野黎聽下ar!!(^^"....都唔知問咩好....)
答:大家都好錫我!

25)ｌｏｌｏ問：講一件人地為你做既感動事情
答:織頸巾

26)TiNo問如果你有施一種魔法既能力, 你會揀什麼樣的魔法?
答:Abracadabra

27)Wilson問：當你發覺你ｇｅ心上人有男／女朋友，你會點做？
答:問清楚

28)cheuk yee問：你執著嗎? 在哪一方面?
答:愛情上都幾執著

29)Alison 問：邊個係你依家最珍惜 ge人?
答:愛妻，媽子

30)CHERIE 問：如果全世界得番兩個人，你可以簡一個人陪你,,你會簡咩人?
答:愛妻

31)美fa 問：而家你要去殺死你最憎的人,你會用咩方法?
答:我咁善良，真係諗唔到

32)小魚問：你覺得你會點死?
答:認真咁諗我覺得有機會係氣管問題or哮喘而死!

33)小珊問：有沒有什麼還在意，還未放下？
答:媽子怎樣看我與她的事

34)3BI 問：我系點GE人?HAHA.肯定系好人NA!
答:問題不清晰，選擇唔答

35)亞盈問 :你覺得今日同琴日有咩分別?
答: 尋日見到愛妻，但今日見唔到

36)肥賢問:   俾人貼有咩感覺?
答:又開心又苦惱!開心阿ca記得我，但我卻有很多journal要清，仲要應付哩個game

37)*嘉宜ASK:你既[[理想情人]]係點架呢
答:你睇下我愛妻咪知law!(哩d係兩個人既秘密，唔係到講啦)

38)*min豬問：比你整容會想整邊忽？點解？^皿^**
答:增高算唔算整容呀唔該?

39)*阿炳問:有冇鍾意依家個班既同學?？?
答:totally 100%無!我對愛妻一條心ga!

40)*╭★↗明治°+↘☆問：如果比你偷一樣野...你最想偷d咩?？?？
答:偷一個結他手既彈奏技術，一個作曲家既靈感同埋一個洋人的流利英文

41)..′`'-㎡＊ °．ＳＯＳＯ""＊─=☆:...你覺得朋友重要D定係愛情???
答:好難答!即係如果我無愛情無得拍拖我一定唔會死，但如果我無左朋友死唔去都一定半死!但如果問題係問愛妻定朋友…我諗我會答愛妻!層次上已經唔同左喇

42)...糖 問..:你呢刻最愛既異性係邊個
答:最愛既異性應該係uncle

43)小ki問:：你最後悔係d咩?
答:阿媽生左我做女仔

44)星佑問..:你最憎依個世界D咩???
答:不公平&假慈悲

45)何聲問:你生活到現在......快樂嗎?
答: 快樂

46)yung問: 同人1齊最耐 係幾耐?!
答:到現時為止1年零4個月

47)丸問:你 最憎既人 係邊個全名
答:暫無

48)LEEＷAIII問:如果你GE最好朋友條仔溝你.........
答:立即話俾我fd知, 哩d男仔, 即飛啦..

49)peggy問:....如果只可以俾多一日你,你會做d咩???
答:陪愛妻做哂所有佢想我陪佢做既野，而唔係自己想做既野!因為我死後就算有再多既回憶都會幻滅，但哩一日既回憶仍然可以係佢既腦海中深深記著，這來得比較有意義!

50)AgGie 問: 你會愛上有男/女朋友既人嗎?
答 :前面咪講左唔會law!

51)PegGy @ yi 問 : 你會點樣 去 溝 一個 人 ???
答:前面都答過啦!

52)M!C 問 : 想點樣同愛人過情人節呢??
答:我記得愛妻話 想去沙灘ga!我記得差佢一餐candle light dinner ga!或者給你依傍著一起看煙花也不錯!或者食到你親手整既野也很好!

53)badboi 問: 你係唔係一個花心o既人呢??最多試過同一時間鍾意幾多個人先?!
答: 以前鍾意過好多人, 但同一時間一定只鍾意一個姐!而家……唔洗問，只愛我的愛妻!咁大家覺得我花唔花喇?

54)*小CA問: 而家咩歌最表達到你o既心情?
答: 命硬

55)lemonsiu: 講一樣你好有目標去做既野而最終有完成到!

其實都唔只一樣既!第一係由細到大都想有機會出國讀書，而家終於得左喇!第二係每一次費盡心機去整野俾愛妻，雖然唔係完美，唔係100分，但我完成到!

被tag人物: 易戴銀，wing，Yuki，傻kit

 

2006年2月3日 上午8點04分49秒承接下面那篇journal的!

1月31日 (星期二) 嘩哈哈day之1

搞錯8:00醒左眼光光訓唔返，迫住8:30就起左身!執下屋食埋野，執下相…夠鐘出去接愛妻喇…落到大埔墟愛妻已在喇，去左買少少零食for哩三日既，斜我見到我搵左好耐既乳酪味芬達，諗都唔諗~買!再去租碟睇，因為有人話想睇長恨歌ma!!仲去左百佳&街市買送煮飯law!!買完野發覺餓，但周圍都好似費墟咁，咩都未開…唯有係車站附近買兜外賣車仔麵返去食啦!

返到屋企開餐，然後睇左Sammie concert(只係有HOCC個part姐~呵)，再睇埋梁祝幕後花絮(因為愛妻得VCD版，so無睇過)…睇完就將所有我以前BB個陣d相俾哂愛妻睇，狂笑law!大家眼訓lu…覺覺豬!訓到7:00pm起身睇完東張西望就睇長恨歌喇…雖然兩個人都唔專心咁睇，但我相信就算專心睇都唔會知佢講咩，實在太文勢喇!睇完先煮飯…哈哈!10:00才食飯吧…今晚愛妻負責做廚!有油墨菜，唔記得加糖既蕃茄炒蛋，白飯一煲，飯後還有一支正正vodka! ...簡單但好味，我真係好滿足喇!~唔洗好食，只要肯煮就夠了!沖涼後睇電視…有側田&基仔呀!

今年第一年入利是，打算派俾各位好友…請不要嫌棄入面係咩呀下，我地兩個只係想派姐…第一年俾下面好wor!

訓覺lu…愛妻話我訓個陣呢，手指成日都跳ga!~嘻…sorry!講講下發覺大家都唔記得刷牙訓覺，又叫極唔願圯身去刷啦!於是我去刷先，再等愛妻出黎刷!!在廳訓左約半粒鐘都無人出黎刷law!

 

2月1日 (星期三) 嘩哈哈day之2

賴左好耐先捨得起身，齊齊向上刷向下刷!有人話肚子好似唔多妥，咁我就負責煮米線同水餃啦!食過飽飽之後睇梁祝…哈哈!其實唔係睇，係俾我背對白就真!睇完有人話好眼訓…鬼咩成晚無訓過，自己知自己事啦!於事齊齊係sofa訓左一訓啦…訓訓下原來發生左d好搞頂既野，哈哈…唔話你知!之後送愛妻入房訓，而我就開電腦清journal喇!~終於都清得七七八八喇…清完再清埋個地愛妻先起身!...今晚個餐由我操刀(應該話今日成日既膳食都由我來煮)~芝士蕃茄粟米肉醬長通粉!!食食諗返起先發覺煮粉個陣唔記得落油呀…怪不得硬係差d野咁啦!~食完好無聊咁玩鬥舌長…yeah! I am the winner!



睇電視睇到無野好睇，睇埋now番播既十大中文金曲，又再一次睇到hocc喇!~睇完齊齊沖涼，再煮愛妻想食好耐既芝麻湯圓…好好味呀!我煮湯圓查實都有一手ga!~食完唔得即刻訓ga ma…hea law hea到咁上下刷牙喇!~哈哈…搞事既我畫到愛妻成面泡泡，好醜怪呀!

訓覺訓到半夜4點幾原來愛妻已經醒左，叫過我…聽唔到!用盡方法…我都feel唔到!(証明我訓到成隻死豬咁)…好遲我先醒左，愛妻都一直未訓返，原來有人發燒law!~極衰呀，頭先無醒到!...即刻搵退燒藥啦，煲暖水俾你食藥!...食完焗一身汗好d喇!~因為飲左水，所以愛妻話要去let啦…我蓋住左個頭訓，有人去完let出黎係房門口話唔見我以為我係廳啦，點知無!以為黑得制睇唔到而開燈睇啦，都無!!再入多次房都睇唔到!~再出返去去廚房開燈睇都搵唔到!~我聽到有人大嗌 “人呢?” …哈哈~我好想笑!~後尾再返入房先知道我一直係被入面!!搞到7:00am先再訓返，話就話訓其實一d都唔淋，時不時都開眼睇下愛妻點，退燒未!約10點幾先退哂燒law，一退哂又可以好精力玩law!

 

2月2日 (星期四) 嘩哈哈day之3

12點幾就要起身lu，因為要清理現場同埋出去lunch!出左去沙田百龍café食tea，都幾好呀…夠舒服!食食下有舞獅剛好到我地哩間繞場一周同埋搶個舊蔥or勤菜or唔知咩啦!~食完愛妻個好有mood shopping，而我又要買野過去wor…咁就喪行啦!我都睇左好多衫好鍾意，而且一直都想轉look…可惜no money no talk!其實我地兩個都攰爆law，尋晚無咩點訓，但又要行街wor~犯賤，開心!行到咁上下搭返KCR落旺角幫小玲的媽媽拎野!拎完頂唔順喇…要坐下，去了仙跡岩!~wah…煙爆呀!我既氣管快要唔住喇…痴線ga!之後去了買褲，yeah…有收獲!去埋實惠睇書枱燈，但好似唔多like!去埋愛妻指定要去既izzue就送她回家lu，好似好耐無送過你喇!!~自己回程既時候收到媽子既電話，唉!又有說話聽law，但我都無做錯!~後尾問返佢佢話其實無野ga wor，唉!成日都係咁，佢永遠唔覺得頭先自己既態度唔得!

夜晚睇完篇作文喇!我想講……好文彩!~多謝，多謝一直對我既欣賞同支持!

 

2006年2月3日 上午8點01分21秒兩星期的日記

太耐無打journal，所以變了打大綱吧!

1月20日 (星期五)

下午與愛妻到KF找妻友DuckDuck到pizza hut食tea!

晚上與久別了的7A朋友到小纜BBQ!出席成只有我、Kit、阿星(kit’s partner)、suki、sze，阿雪、大虹、珊華、咸濕威公、小志強、碧琪(小志強’s partner)、貓仔、Erica(貓仔’s partner)

被眾人話我唔帶我既眷…哈哈!下次…下次一定帶!

阿雪問了: 你會揀食屎味既咖哩還是咖哩味既屎? (大家發表一下)

今天玩得真高興，唔知臨走前仲可唔可以見多獲呢?

 

1月21日 (星期六)

早就出去，約了久別的死黨Wing去tst high tea!不過首先係行街，好耐無去過海港城喇，睇貴野!注意係得個睇字姐!行完去tea，不過間野mama姐…主要我地都係想傾計!到了差不多時候，Wing走了，我就過隔離街café找我的愛妻&3位妻友!春B永遠是被人蝦的一個，玩uno猛俾人屈!春B要早走…仲做左d激白痂笑爆既野，哩到唔詳述喇…要知就睇返愛妻個板啦!

晚上我和愛妻食了一個極速的晚飯後，到零食物語，再向紅館進發!今晚我們是睇yan-zi concert呀!入場前有人就像小孩子般要買閃燈棒棒!

這是我們的第一次呀~正!永遠記得!~yan-zi唱歌真得，唱live就如CD一樣!

 

1月22日 (星期日)

第二個一起過的一月!~yoyoyo，但我只在家做乖孩子執房!

 

1月23日 (星期一)

忘了做過咩~嘻嘻!

 

1月24日 (星期二)

下午到梨木樹接了愛妻放學，再陪他到長沙灣政府合署辦正經野!...然後過mk，我要整銀包!肚餓…到了石磨坊食d野!~再過柏裕拎戲飛!~到7:00到好景band房，這是今天的主打節目呀!可惜今次真的糟透了……

結他No.1 – 搞AMP搞左好耐，阻外進度!~sorry

結他No.2 – 大遲到，感覺真的不尊重!

鼓 – 雖然係火，但唔應係眾人前發肥死，旁人感覺唔好受!

Vocal – 較易練的一環，但無準備過…唱到的時候還要費時聽完又聽!

琴 – 無準備，一句未聽過可以放下自己既位置!

大家係咪已經無左個心喇?我唔知!大家記唔記得Abra係因為咩而走在一起ga?我記得!就係因為今次，以後怕了一起夾歌?以往因Abra而感自豪，而家呢?

 

1月25日 (星期三)

待在家中做庸人一整天

 

1月26日 (星期四)

下午繼續我的大掃除工作!夜晚同媽子出了旺角辦年貨…由於我死蠢唔記得放工時間出去係會塞車，仲要死左去搭巴士…結果我遲到了~sorry!

第一站到了muji，買左$14x既野…但最後都係俾$5x，真抵!

第二站花園街，好迫!買左好多揮春同埋放入全盒既野!

第三站花墟，其3唔算都人，但濕淋淋好嘔!~拎到我成隻野咁!!~媽子話過年唔慳得，所以買花就唔少得!八支檢蘭，3個水仙球，一個大花瓶，兩袋石春，一盆比利時杜鵑……買完好彩有車來接我們，then去左食泰國菜便回家了!

 

1月27日 (星期五)

今日係超級繁忙而又好開心既一日

9:00便起床!搞一輪即刻出門口，向深水埗出發!去到石埉尾call愛妻，原來佢有排都未搞掂，為慳時間唯有我自己去左探麻麻先啦(本身諗住一齊去ga!)…去左買d生果就上去喇!~上到去，又再次心up!~唉…家不似家，就連天橋底也不如!我成日都好唔明，有d野可以解決…但仔女們卻不著緊，淨係得把口!如果我有錢，我一定會令佢住得舒服d!!...去完麻麻到，極速落返西九龍搵愛妻!諗住苫開深水埗去埋大明整眼鏡ga ma，點知無開…兩口子無奈地走!行到落MTR，有人同我地hi…原來係大明老闆!~哈哈…係電梯口將副眼鏡交俾佢，好搞頂，好似咩都無講好就放心俾佢做!

搭MTR落荔枝角俾野媽子…媽子好衰，一見到愛妻就話佢做我阿四，我唔鍾意呀!~不過仲叫佢做四眼妹添…哈哈，好搞笑!好…九龍區既事宜搞好哂，向CWB進發!先去JP買飛先…位唔算中，但夠後!肚餓了…係時候食lunch，一間唔知咩餐廳，好食，但態度bad!食完行去鵝頸橋附近搞簽證，咁又順便同個到d人吹下水啦!...俾我想像中快搞掂，之後行返過sogo & city super…目的係為了一包岩愛妻口味既百力滋!!搞一輪，時間剛剛好…入場喇!~嘩…個院超大，個screen喪大，坐則邊都唔會有人遮到!!~ 《魔幻王國》俾我想像中好睇，大仔亦青靚白淨!...我覺得我返黎睇個咁多套戲，哩套係最好!~用免費飛既我就覺得更加抵啦!

睇完行左陣金百利就meet馬騮& 3t!!!四個人去了花園餐廳食得很開心呢…3t亦娛樂大家，出了好幾條IQ題，可惜…當我同愛妻估到既時候佢多數都係估唔到或者仲未get到!有一條係我地3個一齊問3t既…最終開估了，給鄰桌的叔叔聽到…佢自己係到笑!唔知佢笑3t金定係笑個ans搞頂呢?anyway…偷聽我地講野，無品!...食完行去維園，途中遇見小貓兒同埋Erica…齊齊都係去花市!入到去都唔覺得太迫ga，但行行下就真係迫爆呀…係人推人咁行law，唔係點睇到野…如果想睇某幾檔就要埋岸咁睇law~行行下都見到一班WYY既人wor，行到約11:45…打算搵糖水食，但唔知邊到有law，最後係返屋企lu!~搭MTR到tst站，諗住駁到尾班KCR就搭，如果唔係通宵巴士都要ga喇!一出閘見到個牌寫住最後一班係12:23…望主隻錶已經12:19 LAW，大家需知MTR行過去KCR個條長命隧道幾長ga啦!不過都駁一駁啦…行行下唔對路，要跑先得喇!我眼前既景況係所有人都係一條長到望唔到盡頭既路到跑，就如非洲萬馬奔騰般…步伐一致向同一方向進攻!!~最後我哩個跑手當然趕到啦!

 

1月28日 (星期六)

尋晚返到屋企已經極夜訓啦，今朝還要10:00給媽子嘈醒了!...原來媽子約了鄰居一起去桃花源&吉園買花，叫我一齊去揀!落雨絲濕的感覺真討厭…但最後都揀到一盆靚吉&桃花!



揀完去茶餐廳食野，再去街市買送團年!一切搞掂哂就返屋企lu，當鄰家叔叔想從口袋拎出key來開口的時候，發現還有兩個雞牌係到…即係離開左街市大家都唔記得拎雞…好樣衰呀!最後媽子與鄰家姨姨負責準備晚飯，叔叔到街市拎雞，而我就一定要攬住張床眠一眠先!眠到6:00起身…哈哈!訓得好滿足~幫手開飯…再等埋二舅父便開餐lu!晚上忙得真的要命…幫媽子入全盒，入利是，刨蘿白蒸糕，煮齋等等…到了12:00過後與鄰居打牌，我便做妹仔了!煮湯圓，沖茶，洗碗一腳踢…搞掂哂當然同愛妻通個電才訓吧!

 

1月29日 (星期日) – 大年初一

恭喜發財，利是逗來!

祝各位狗(9)年行大運!

媽子話要食早飯…但尋晚大家都夜訓，唔願起…最後變了食午飯lu~食齋&蘿白糕!食完到各方好友屋企拜年…沙田，美孚，青衣三邊走!

夜晚回到家媽子講了一d極度唔arm聽既說話，不過新年流流無謂發老肥啦…真係覺得自己EQ高左!12:00媽子又開枱喇，我當然又係做斟茶遞水個個啦!

今日邊圍走真係攰呀…佢地未打完我已經打電話俾愛妻然後就訓lu!

 

1月30日 (星期一) – 大年初二

起身後同我家兩隻小狗影所謂既賀年相…因為今年係狗年ma!!~哈…影得真係好靚!

 

搞掂一切便出門口到元朗找契媽，噢!她真的老了……但還很健康呢!

下午到了表姐家與舅父，舅母，姨媽，表子們一起開年!d大人當然係打牌啦…得就同最錫的表妹玩，同佢玩砌圖…砌到最後差一塊，大家係咁搵，到最後係姨媽坐住左，煒煒就話姨媽偷野，要打9999報警搵佢!!我同老師都笑嘩law…人地係打3條9 ga ma，佢係話4條9 law!玩到咁上下同表哥表姐佢地打算玩uno，為左唔想煒煒倒亂我地極速哩埋入房玩…好笑，仁佢亦都慘!哈~跟住又玩master mind啦，好犀利呀我，最高紀錄4行咋!表哥玩哩個game真係好豬，難怪佢姓朱!

開飯喇，食盆茶，嘩…好豐富呀!姨媽仲額外煮左幾碟添…今晚共有15人開飯呀!食完就緊係食下生果，派利是，交換下禮物，影下全家幅咁啦!!11:00多才回家呢!