網誌
2006年1月19日 下午4點29分05秒祝妳生日快樂!
1月15日 (星期日)
今日做乖孩子啦!同媽子食完lunch，去街市買野…再入元朗睇媽子想買好耐既吸塵機，當然順路拉埋佢去睇我隻dream watch!仲俾我地發現左震撼價，抵…但無買~哈哈!臨走既時候諗住去泛后買榴槤布甸，點知無!又走埋過B仔記，點知都無~氣死我了!最後返返去大埔買榴槤紅豆撈，係無布甸咁好食ga喇，但都頂住先啦!返到屋企沖涼睇電視……媽子終於都係屋企煮餐飯喇~正!薯仔炆排骨&炒芥蘭已經覺得好好味~
睇到HOCC拎卓越表現獎已經好開心喇…頒到咁上下亦都估佢無十大金曲獎啦，點知最後一首竟然係勞斯萊斯呀~興奮呀，替佢高興!今晚阿詩好正呀…露了小麻腰!
開夜車!
1月16日 (星期一)
9:30已經起左身lu…難得我咁早，因為今日行程緊密兼重要!首先去青衣睇醫生…哈!真係中招~氣管又黎料…好快睇完再過青衣城搭車到3T家做車衣工人!真係時間無多好鬼趕，又阻住譚老師溫書，過意不去!不過我娛樂左3T成個下午，因為佢成日都笑我話我手工差，又話我求其!車完又拆車完又拆，好多次，有d憫…不過3T係到所以無憫出黎!一邊車我地又一邊播返梁祝，兩個唔知咩事，好似背哂d對白咁…3T我地兩個可以去演再續梁祝情緣喇~哈哈!
時間不多，只逗留了4個鐘便趕住走!
今晚去大酒店同德利大車行四大才子(四位老闆)食飯…感覺比想像中好，不是那麼很應酬式的飯局…可能有些人係識既，所以好d!!!
又開夜車了!
1月17日 (星期二)
全日哩係屋企趕工，由早上等人黎收返個舊機之後就開始整…整到5:57pm完工!嘩……又再一次好想大嗌 “我搞掂喇”!!搞掂後食返粒金莎獎勵下自己先…夜晚去了姨媽屋企食飯!
最後一晚開夜車了!~雖然係好眼訓好眼訓，但卻又樂在其中，因為覺得你好幸福!
1月18日 (星期三)
HappyBirthday to my Wife
朝早電話不停，好早便嘈醒了我!幫媽子待在家中等候吸塵機送到黎就趕到荔景接埋我的夫人齊齊去飲茶，讓她過著少奶奶的生活!去到青衣城稻香看似多人，但等得好快就有位喇…食得飽飽咁走都係五十幾蚊，好抵!~食完去左三聯睇書，睇中左想買ga喇，但唔想成日拎住所以打算遲d再黎買!~跟住就搭MTR過中環，我覺得自己非常之叻…只係細個個陣去過纜車站而家都仲記得點去!第一次同夫人搭纜線多好呢，但略嫌旅途短左d!!!本身諗住上山頂睇日落的，點知我…頂!上到去極極極大霧，濕度係100%，能見度深信只得10公尺，咩都睇唔到!~咁大霧唯有去山頂廣場行一行先，見到d香港野想買返去俾我host ga…但最後budget問題無買~哈哈!行行下見到架麵包超人車呀，好得意…影了相!仲見到威風凜凜既bad man添!行完廣場決定去行山頂唔知咩徑，全程2700米!…其實原意係行，但太大霧所以我自己都猶豫左一陣，因為咩都睇唔到…有d危，不過都有人行既但唔多!入到去真係好似入左森林咁，夫人話似入左仙景，我話似搭緊飛機…係高空中同d雲好近~於是我扮飛機同夫人一齊傲翔，又要扮預到氣流…無氣就快死~兩個好低B，不過好好好開心!
行到咁上下我哩個麻煩的病人要坐低食藥…咁我就襯哩個機會將我精心炮製既生日禮物送俾夫人啦~暖水袋，card & 波波!!我諗哩次係咁多次以黎我見你收禮物收得最開心既一次，我諗你真係好鍾意…一句多謝已經好窩心了!!(yeah~夫人鍾意，我都好開心呀~送禮物送得最自豪既一次!)~以後你都有寶貝陪你覺覺豬喇!
休息過後繼續起程行行下發覺頭髮濕濕地，仲有滴水既跡象…跟住發覺原來兩個多係咁……係濕度太太太高既問題啦!咁arm我今日Gel左頭，d泥同d水溶埋一齊真係幾嘔!~
最後兩隻濕水雞好叻，唔知用左幾耐行完全程!
山頂之旅完左之後搭返纜車落中環，認夫人要求搭叮叮!~大家跟我讀一次:
電車經過叮一叮，乖客唔該坐定定!......放工時間超多人呀，無左你想要個種叮叮feel添，失察!搭叮叮落銅鑼灣，去左一樣叫Your Home既cafe!!!
氣氛不錯，服務態度得!野食同野飲都ok，但煙味有點重!我太肚餓喇所以極速消滅了整碟飯!我哩d醒目仔當然係訂位既時候留埋蛋糕啦…又係屎橋(橋唔怕舊，最緊要受) ，去廁所順便拎蛋糕，店主好好人仲話可以幫我熄燈但事後夫人話佢唔覺得識左law~呵呵!哈…有人無諗過有蛋糕呢?有人諗住無蛋糕都已經滿足?咁重要既野我點會唔記得呀?有埋蛋糕咩都齊哂啦……影相，仲勾勾手指尾添!
臨走前夫人也給了我東西…surprise!!無諗過我都有野收~多謝!
搭MTR個陣都好頭痛…夫人搭香港線係快d，但要行!我搭紅色係TST落係最快…但大家都唔捨得，最後拎個中間站…搭紅色，但我係MK落!
返到屋企搞掂一齊開始睇野!原來我一直有好多野都唔知唔了解，之前我話有時唔知你諗咩，但原來一直都有俾機會我去了解而我無咁做!!!諗返起覺得自己好疏忽，無理你感受!!原來我把口唔係咁叻ga咋，原來我既說話係咁難聽，我既語氣係咁差!!其實真係仲有好多好多野想話你知亦都需要還你一個道歉，好想補償返!但我決定唔會係哩到，或者email，又或者offline msg，又或者寫信，又或者電話同你講……因為我想親口同你講個3個字，而且想用行動去補償返一切並唔係用文字咁被動!
1月19日 (星期四)
今日就好似二人既覆診日咁!~朝早好乖咁出去接麻麻同佢食lunch….她看來又老了一點!食完送佢返老人中心後就搭車去接夫人覆診…時間有點早，但有點兒係我突登既~哈!我想解決左先，令你安心點先行既，可惜夫人話附近多線眼所以我做唔到我想做既野…最後上到車我才出口，但我發覺個一刻原來好多野都漏左無講，可唔可以俾多次機會我呀?
到了瑪家烈，上六樓…我左唔係好耐就到喇，真好!夫人入左去5mins都無就出返黎喇，政府錢真易賺…錢都唔係問題，問題係time cost大!睇完之後搭小巴過青衣，到我去覆診喇~哈哈~輪住黎!係長發行海旁一直剷到過碼頭那邊……
順應我要求醫生大哥唔再開pink的藥水給我，太好了!睇完行返去青衣城…去仙跡岩食我想食好耐既脆蘿白糕，食完去左三聯買左兩本書!~有書?所以覺得好抵!...仲有仲有，今日同夫人一齊去買左ipod nano喇~一齊唔知點解感覺特別開心!不過個職員態度極劣law!滿載而歸lu…送夫人到荔景後又再去找令一重要女人，我媽子!
P.S今晚開始轉涼了，好彩趕得切，寶貝就快可能出場lu!
2006年1月14日 下午3點41分59秒我的小胃子你在幹什麼?
精神欠佳，日記從簡!
1月10日 (星期二)
夜晚約左珊姐(Grace)去tst食飯，好耐無見喇!~出到去有時間，自己去左TomLee走一轉先，幸好無咩驚喜，如果唔係我又想買ga喇!夠鐘行返轉頭等grace…真係嘩!嘩!嘩!聲，差點唔認得，OL???
兩條友傻下傻下求其上左間café到坐!點知間café又幾靚幾好feel，仲有露天位添，但太大風無坐到!~想影相，點知一拎部DC出黎，我頂……尋晚過完相唔記得插返張card落去!
簡簡單單一餐飯，吹下水都幾開心呀!
1月11日 (星期三)
下午約左Emily係大埔中心拎野，thank you so much!出黎個陣係小巴到見到鼓佬ming，哈哈，打個突添!
同emily兩個去左和民食下午茶兼教我用佢d野!食完齊齊去買野然後各自返屋企lu!
1月12日 (星期四)
煲埋隻梁祝幕後花絮就出去整回鄉card喇!~太好喇無咩人，好快搞掂!去埋租碟都係好快，唔得喇~決定要cal朱朱叫佢早d!原本約佢係大埔墟KCR等，但最終我決定出去ma，咁咪叫佢唔洗去大埔墟咁煩，我去大學站搵佢咪得law!條友隻眼真係細到咩都睇錯…最後sms講好左係大學站，但最終我到左大學站個陣call佢佢話係大埔墟站~真吹脹，醒到震!~結果係等佢搭返黎大學站拎個腳架就閃人喇，因為係我趕時間!
非常好，預期中既5:00出到荔景!~希望無嚇親你啦……見完夫人就去接媽子放工lu!
1月13日 (星期五)
咩事呀…搭小巴個陣有見到鼓佬ming!咁岩今日有帶野，順便俾埋佢…仲要多謝佢幫我去還碟，咁我就唔洗兜路喇!準時出到沙田，同夫人上左和民食tea…但我真係好攰無咩心機添，sorry呀!食完去左Muji買筆&簿…再去埋宜家睇燈，我發覺我地真係好鍾意一齊行宜家ga~呵呵!~之後去埋我like既Quiksilver…終於睇岩belt喇，愈諗愈覺得ok!可惜無錢買，真係好慘…等遲d有錢先啦!~hea多陣就送夫人去搭車lu，而我就去粉嶺食年飯!二舅父每人送左隻2008奧運福娃俾我地呀，嘩!無諗過咁快就有呀~多謝!我拎左隻燕子~叫妮妮!
食完飯回家開始胃痛…
1月14日 (星期六)
起身胃痛again!!食粒藥之後都要做乖孩子同媽子去飲茶，買野，行下等等!~本來諗住下午有得返去訓下，點知一行就行到6:00多先返屋企，無得訓啦!~夜晚三條友上天台打邊爐，我就黎有打邊爐恐懼症ga喇!~不過我只係食左好少咋，因為一食野落肚個胃又好似有d野咁喇…唉!
唔該唔好再胃痛，唔好再咳…凡唔要再食d令人神智不清既藥~我時間無多喇，俾返d時間我呀~妖!
2006年1月9日 下午3點03分43秒有排都唔洗見喇........
1月7日 (星期六)
下午同媽子食lunch再同佢一齊買野準備聽日既BBQ!到咁上下5:00pm我就閃人先喇，因為約左夫人拎野兼dinner!~不過我5:45pm就到左葵芳喇，都唔知點解咁快law，最後我等左四十五分鐘夫人先到!首先兜左個圈，夠鐘去拎埋相就踩過去spaghetti house食飯兼搵阿ca!!入到去好容易就望到佢啦，凝望佢一兩秒之後佢都望到我地啦!~有阿ca係到真係換張好d既枱都易d呀!有個waiter拎左兩杯水俾我地，阿ca轉頭拎返坎…自己拎過俾我地，隻杯仲要靚d添!睇左好耐先揀到食咩，最後叫左蟹肉南瓜湯、芝帆士焗立貝薯角 & 煙肉蛋芝士螺絲粉…仲有ca waitress 送既一客蒜蓉包 & 兩杯特飲!真係thank you so much~
食飽飽坐多陣就走喇，臨坎前我地兩個仲要彈ca waitress 條吊帶，用意係彈佢個胸…真係笑爆，最後搞到甩甩地添!~埋單後去toilet遇見ca waitress咁岩又係toilet蛇王，又爹多幾句先走!之後去左三聯，馬拉松，運動家等等…
夠鐘喇，好唔捨得咁同夫人一齊返屋企!!今日我終於都知點樣用第二條路行去喇，而家唔係傻仔喇，我識喇~呵呵!護送完畢我就自己返屋企lu，歸家途中睇左夫人俾我既野…真係有好多野想同你講，不過無需係哩到交代!(我已親自表達左了)
1月8日 (星期日)
俾媽子嘈醒…無計，今日下午有人黎BBQ!平時大埔d車係亂咁泊都唔會有人抄牌ga ma，今日去到邊都見到police…去哩到又有，個到又有，真頂隱!玩到我地死，好驚險先買哂野!買完媽子返去先，我就自己去快圖美幫夫人&自己哂大相!~再去百佳買麵包，去到百佳門口見到人山人海，好似入都有困難，咁我無奶油咁豬為左一條麵包而排30mins隊ga…於是行遠dd去惠康，wah!少人好多…不過如果買我想食個隻麵包係要拎開十幾個裝滿麵包既麵包盆先拎到ga!猶豫左一陣又無staff wor，決定自己郁手…最後成功~yeah!剛好買完媽子又打黎叫我買多少少野，我真係…xyz吖，又要行返轉頭!~返到屋企d人都差不多到齊喇，燒燒燒，燒到9:00收擋!
如果女朋友問你：你係咪因為我可愛活潑所以先鍾意我呀?咁如果我老左咁點算呀?你唔要我呀?
普通人可能只係淡淡然答：梗係唔係啦，我唔係淨係鍾意你可愛活潑ga ma!!
但係Siu公子會答：
你十幾歲既時候可愛活潑，得我鍾意!
你廿幾歲既時候博學多才，所以我同樣愛你
你三十幾歲既時候成熟有女人味，所以我依然會愛你
你四十幾歲既時候賢良淑德，所以我亦會繼續愛你
你五十幾歲既時候都已經同我走過了大半生既路，所以我唔會掉低你，反而更愛你
你六十幾歲既時候我地大家互相扶持，同甘共苦過，到那時候哩一份唔叫愛可以叫咩呀?
今晚講既故事係「毒橙與公主」
1月9日 (星期一)
12:30夫人負責叫醒我，食左碗通粉之後就開工喇!今日既工作係執屋law，搞掂哂之後就整理下d貼紙相，痴返d膠準備帶過去!夜晚去左姨媽屋企食飯，補祝表姐生日law!由於表哥重感冒所以成晚俾人歧視，夾餸都唔俾夾，好慘!依完飯例牌切蛋糕!今次個蛋糕真係好好食呀…正!
因為趕住返屋企睇謎情所以好早就閃人lu!
2006年1月6日 下午4點28分52秒happy birthday to Mona
1月6日 (星期五)
(continued…)
11:30am起身，真係訓得幾粒鐘咋!今日同表姐去元朗，因為佢生日呀，所以一齊出去玩!首先去食我好掛住既king size三文魚壽司，真係好大ga，舊三文魚長到好似條脷咁ga!所以話呢…我唔太見意去元氣or元碌食野就係咁解喇!$120食到兩個人痴哂肺!!~一直食既時候我仲好記得自己有一個promise還未兌現，我會找個機會ga喇!
食完由於飽得制唔可以即刻去唱K，唯有行一行先啦!!!WAH…不得了喇!~Focus新出個隻黑鋼錶靚到不得之料呀，全黑~型爆，一見鍾情呀!~不過我都唔好妄想啦，而家仙都唔仙下，下世吧啦!行完一輪就去左唱k喇，抵到嘔白泡…出學生証，人頭費只係19十元正，嚇到我地死!仲有個問題係我表姐一睇就知唔係學生啦，都計埋做學生!兩條友狂唱狂唱，唱了4粒半鐘就黎聲都無!埋單只係$80兩個人咋，真係抵到趴係到~唱左咁耐，唱左好多唔開心出黎，開心返哂啦!~唱完去左買何韻詩梁祝下世傳奇DVD，終於買埋DVD喇，無錢都要買~呵呵!夜晚同二舅父，姨媽 & 細舅父打邊爐，打完邊爐仲去左彩虹食糖水，好味!
返到屋企收到Alana寄來的東西，yo!~
P.S.今日多得表姐出錢，如果唔係我連仙都無得仙(屋企慣例，有出黎搵錢既，要pay，無搵錢既唔洗pay!)~thank you so much!
今日唱完命硬愛上了哩首歌!
命硬
曲:側田(On Your Mark) 詞:黃偉文 編曲:Ted Lo監製:雷頌德
她反對就反對 亦都跟你愛下去
猶如在大戰炮火裡 毫無懼色衝過去
誰狂怒 誰攔路 誰話我共誰 不登對
無能力與霸權比賽 還是可 比他多老幾歲
「二百年後再一起 應該不怕旁人不服氣
團圓或者晚了廿個十年 仍然未捨棄
換個時代再一起 等荊棘滿途全枯死
這盼忙很悠長 亦決心等到你 等得起」
先 殉了情不對 未反擊過已後退
寧憑著 耐性與骨氣 維持自尊 撐過去
誰強韌 誰長壽 誰便算勝利 擊不碎
仍然共你企在這裡 挨著當身邊指控死去
「二百年後再一起 應該不怕旁人不服氣
誰人又可控訴廿個十年 仍然未捨棄
換個時代再一起 等荊棘滿途全枯死
這盼忙很悠長 撐到尾」
就算貧病或失憶 都爭口氣從旁保護你
頑強地等再過廿個十年 等整個世界換風氣
歷劫還是再一起 這種堅決無人可比
看戰事多悠長 亦決心打到尾 心不死
* * * 我打不死 * * *
2006年1月5日 下午6點59分07秒心...沉沒了!
1 月6日 (星期五)
3:58am
我......
很累很累，但睡不著，真的令人煩躁!
其實跟你一樣，沒什麼發生，但卻又心情不快!
或許我們真的成了一體，連痛也一起感覺到!