2005年12月30日 上午5點24分19秒BBQ with EF 1229

12月29日 (星期四) 早起，去大埔墟拎回鄉咭，但太多人…最後都等唔到無拎到!~之後行哂成個墟，搵左幾間終於搵到夫人想食既野，滿心歡喜咁買左!~亦買左其他我覺得好食既野，幫夫人打打氣!~唔准偷懶呀! 因為我早左，搞到夫人又要早d起身出黎~唔好意思呢，補償返補償返!~行左陣，去睇MP3同Ipod nano，再去雲貴川食美味酸辣米線~正!食完去左睇銀包&買碟!...之後就行去荃灣廣場買飛，點知無得買31既飛law，時間表未出!!~跟住兩個人去宜家家俬行街街…好正，我地兩個都好like一齊行宜家家俬ga!!續張續張sofa試，夫人話無一張舒服過我屋企個張…哈哈!行完去左茶軒飲野!~不過好一般law，我地都係想坐低下姐! 4:15行過西鐵站，我要走人喇!~夫人亦要去搵fd…而我就約左somie，candy & emily去BBQ!先去到市中心買野，then再搭巴士去somie家!!!大家夾手夾腳準備一切，6:30便落去club house BBQ lu!!!環境真的不錯，不過唔係炭爐燒law!~當我整香蕉朱古力既時候個個都話ugly嘔心，食落個個就話好味，仲要爭添!~哩個係BBQ既最佳甜品呀，仲正過棉花糖呀! 雖然得四個人，但已經開心到爆喇，好夠喇~一邊食一邊吹水..又影下d白痴相!~燒完齊齊執好d野就過黃金海岸行下散下步喇!!~玩到咁上下大家就閃lu!~同emily齊齊搭車走傾左好多野，好似又更更更close喇!

2005年12月29日 下午5點52分10秒05 x'mas

12月25日 (星期六) ─ 聖誕節 MERRY CHRISTMAS!!! 7:00起身，食過早餐，開始拖地兼照顧三隻狗!搞到差不多9:00就出左去太子喇!出到去人地都係剛剛開門咋，好彩!搵左幾個月既野終於搵到，真係搵得你幾苦，當然要多謝幫過我搵既人!不過最終俾我預期貴，但都算啦…老板話可以keep到4，5日既，咁就信佢啦，幾貴都殺啦!因為有一個實在太大喇，所以要搵黑膠袋“粒”住走，好似拎住兩個人頭周街走，極樣衰!不過無計啦，要你開心點都要做d野既，送野都要有d誠意啦!~搞掂完又唔可以坐KCR返屋企wor，因為唔入得ga ma，唯有行去搭巴士啦，耐d都要ga喇!來來回回都用左我兩個幾鐘…返到屋企好彩可以訓半鐘先，到到12:30就出去接夫人喇!~wah…鬼死咁多野拎呀!...返到屋企，要夫人自己開門，一開門就見到兩個氣球飄左係面前，見你無反應唔知你鐘唔鐘意，anyway我付出左心機ga喇!~跟住再拎埋個自製music box出黎~哈…竟然讚靚，但我覺得好醜wor!......見到你開心就得喇!~hea左陣我地就出去食野喇，因為我根本無時間食野…去吉野家食下午茶，跟住行左陣就去買菜!~買完返屋企，夫人負責洗菜，我負責搬下桌子椅子落下面花園!其實我已經攰攰地喇，今朝咁早起身…今晚希望捱到啦!~好眼訓，所以同夫人入房覺覺豬!訓左一陣，正訓得甜既時候paper竟然打黎~妖!最後夫人繼續訓，而我就出祠堂接大家入黎喇!大家搞下哩樣個樣就開始打邊爐喇，激多野食!而朱朱過左無耐六都黎埋…好!正式開餐~大家一齊又恭喜雙料冠軍既夫人同埋亞軍兼季軍既上葵紅牌阿姑wanlee!!!~大佬甄又俾左名份四位阿姐…3t─妻，溥溥─妾，wanlee─妓，paper─偷!!!大家食到好好好飽咁收場，但依然淨爆多野食…我諗我同夫人哩兩日都係要食返哩d惡夢ga喇!~大家分工合作洗野and執野…最勤力係3t同溥溥，真係唔該哂!跟住我同paper就送大佬甄出去…過左無耐阿ca又話到，又要再出，攰到死喇…叫阿才出，但最後決定5個女仔出，俾阿ca知道班男仔幾無用~哈哈!而淨低既wanlee係無出，係屋入面同d男仔……陪坐! 阿ca黎到wanlee負責煮野食，而ca就出露台自閉地整埋份禮!派禮物既時間又到喇(即係我收禮物既時間都到~呵!)…首先係3t派，每人有張靚靚x’mas card!! 我同夫人收到包心型pasta~靚靚，多謝ttt!!跟住再收埋老朱送俾我地既小鴨子一籮，好得意呀!(佢既用意係一齊沖涼既時候用，真吹脹)~多謝朱朱!~大家齊齊收哂禮物喇!拆拆下快樂不知時日過喇，原來已過左12:00…夫人叫左Paper去拎蛋糕，許願，吹蠟燭，切蛋糕 & 續個影相……個蛋糕好好味呀!~正 到全晚高潮喇…就係Abracadabra變態抽禮物! 遊戲規則： 每人需買一份$10-$20既禮物 禮物不可以是食物 必須用報紙or雜誌紙作包裝 絕不可透露自己所買的東西與其他成員知道 即場選出最佳禮物，得獎者將額外獲精美禮物一份 即場選出最差禮物，不幸者需接受大懲罰!將手申入有料(有尿)馬桶5秒 而抽中該份最差禮物者亦無奈地需接受小懲罰! 將手申入無料馬桶5秒 遊戲開始，大家先抽出number..由1-11排好後，由第一個人揀一個人幫佢揀一份禮物!!本人好彩，抽到第二!~大家都好識揀，揀d有危機既人幫自己揀，因為佢地唔可以揀返自己份禮物俾人地，咁樣大家受害既機會亦減低!~ 大家齊齊拆禮物，嘩!~有d真係意想不到呀下!...yeah!最後我既Q版暖水袋成為左最佳禮物，而阿才就於佢支Lip Ice到…成為最差禮物!~好不幸paper抽中佢份禮物，所以亦到要接受大懲罰!~paper一定要多謝朱朱，係朱朱幫佢揀哩份禮物既，令佢有前所未有，唔係人人都有機會得到咁既感覺!~唔知點解paper好似總痛苦過阿才咁，但其實應該阿才慘d ga…有料wor，你估少野呀?!而我係winner，所以d有料就由我負責…正~剛好尿尿駕到! 玩完d咁嘔心既野當然係排隊洗白白啦，不過有兩個bath rooms所以都好快姐!沖完大家一齊玩MC Killer…成晚阿才都煩到死，成日俾人殺!我又成日俾人話我個樣姦~似殺手，成日害死我哩個無姑既平民!~一玩大家就停唔到，可以玩足成晚!

* * * * * 過了一個深宵喇 * * * * * 12月26日 ─ happy birthday for myself 玩左成晚killer阿ca開始頂唔住喇，訓左!之後Fish都係sofa訓埋!~夫人的肚子也不是太好，所以入房訓一訓!~得返我，paper，wanlee，溥溥，朱朱，阿才，馬騮玩扭扭樂，而3t負責做MC!!!~玩到8點幾9點…大家d睡已經飄緊出黎喇，所以決意歸家訓~我等到大家就哂後就入房同夫人一齊訓lu~訓到4:00左右決定要起身執屋，打算夫人負責抹sofa同拖地，我就負責吸地，收衫同埋搞掂3隻狗~點知有人爛訓豬抹完sofa就係sofa到訓著左喇…咁我唯有自己搞掂一切啦!~搞掂完再叫夫人起身一齊睇sing con movie，昨晚大懲罰既movie同埋我d相…睇完一齊煮3t送既心心pasta…好味 + 靚! 食完睇東張西望…睇完無野好睇，兩條友又入返房訓過…訓到10:00起身追電視，仲有夫人既橙橙~正!thank you~ 睇完齊齊沖涼!(大家唔好諗衰野，係分廁所同時間沖姐)，沖完上網，一齊睇返我寫過既野，剪下貼貼咁就訓喇~ 總括黎講今日大家都係一隻豬，激訓! 12月27日 2:00幾先起，起身我搞掂d狗，夫人負責煮野食!煮我地既惡夢…食完齊齊包禮物，我地包得好有心機ga!~今日都係hea既多law，不過hea得開心幸福…搞搞下7:30換好哂衫一齊出荃灣…一來幫夫人拎野出去啦，二來佢d朋友話想見我，叫埋我一齊食飯law!!~去元氣…大家唔係食左好多咋，原來佢地3個真係癲ga law…激爆嘈，不過好好玩……唔係唔玩得個d扮怕羞既女仔!食完去影貼貼，不過我無畫就走走左喇，因為趕尾班車law! 12月28日 無出街，係屋企休息下!~夜晚媽子話出去食飯兼補祝我生日…韓國菜~yummy…食完仲有收穫添!返到屋企幫其中一支guitar換上新的弦線…彈兩彈，彈彈下已經好晚，跟住先洗白白，打電話，訓覺!

2005年12月28日 上午8點18分25秒。。在香港的生活。。

由今日開始，我希望有恆心同盡我所能打返哂我返黎HK咁耐既所以日記，亦希望我盡記發生過d咩啦，有野漏左記得提返我!我打得咁辛苦亦都希望大家會睇哂!!!好…由雞場講起…… 12月2日 (星期五) 經過25小時既旅程，終於返到我既家─香港!好記得朱朱係Today入面唱過“某一天某地點『香港』再見”…yeah! 一過關就見到媽子，uncle，表姐同細舅父!無特別多野同媽子講，可能平時長途都講左好多喇，但佢就不停有野同我講law!!不過唔好講咁多，第一時間去醫肚先─打邊爐!正…依到好飽咁返屋企，係新屋呀!有d緊張添!入到屋，的確幾鍾意，但入到自己間房不出我所料，唔係我想要既，不過都算啦，有新房已經係好幸福既事!搞完一輪，送埋野俾媽子就沖涼喇，睇陣電視就訓lu…好掛住夫人，但唔打得電話，要忍手!明明很近，但咩都唔做得……呀!好想大嗌~ 12月3日 (星期六) 都係無得搵夫人住，因為promise左要同屋企人食飯先!下午去左我最鍾意個間茶餐廳食野，依然咁好味!食完當然係去搵Rock哥整返個靚頭先啦，哩個死人頭點見人呀!本來諗住剪ga咋，最後染埋…好睇!型左dd咁多多啦~哈哈!剪完頭就出去同屋企人食飯喇! 12月4日 (星期日) 起身同舅父食lunch，跟住去舊屋執左陣野就出去展開我既大計喇! 首先出去太子搵埋大恩人3T一齊去拎花先，最後3T決定跟埋我上荔景!去到周圍視察下環境，睇下可以收埋自己係邊!跟住3T就打電話俾夫人，十分鐘後真係見到夫人落左，老實講心都亂埋，真係好想即刻一野衝出去，當然最後都無咁做啦!3T突登行慢d俾我從後追上，跑過去終於追到喇…當夫人令過黎望到我既時候，個一刻真係唔識形容…我知有人想喊，最後好叻女忍得住!!唔洗講野我地兩個都feel到哂!將手上既花送俾夫人，再決定拎埋出去行，再送3T去搭車!兩個人去左MK行一轉，影貼貼，食飯!唔係特別多野講，但感覺好warm! 天……我等左哩日好耐喇，終於俾我地等到! 12月5日 (星期一) 無咩特別，無出去!新屋執野! 12月6日 (星期二) 第一次自己去排隊買演唱會飛!我知夫人鍾意，排都係值得既!以前買飛一係搵舅父內部幫手，一係用credit card訂!咁親力親為都係第一次! 為左買飛所以約左媽子食飯遲到……食完行左陣，終於買左套廁所用� ~! 12月7日 (星期三) 一早起身…就係為左街市婆paper!因為神推鬼x既情況下要預先俾surprise paper小姐!俾原定時間早出門口，先去夫人到送上朱古力同柑桔，最緊要係DV!跟住搭返車落石蔭!又係以3T既名義約paper……最後當然係3T無出現，只有我!嚇到佢哈哈…興奮!去石蔭既主要目的係食米線，真係好滿足，食哂都唔覺得超級飽!食完兩個無啦啦走左去太子行…點知真係賴哂野啦，去到聯合見到stephanie!唉…失敗哂，亦都搞到唔開心!最後買左件衫仲搵到d我想搵既野!~搞到咁上下等埋3T同夫人黎影貼貼! 影完paper同3T就走lu，咁我就同夫人食埋返先喇!食完行左一行就齊齊搭36B喇!有人訓得好甜啦… 12月8日 (星期四) 又係一個俾surprise既日子!朝早無咩特別，下午約了頭兒先出tst!yeah…好耐無掃街喇，好好味!如果有埋臭豆腐就好喇，不過tst係無ga!跟住去tst sogo，頭兒不幸買了一枝藥水味既飲料，真係好嘔!行行下收到電話，好開心呀，亦都恭喜哂，好叻入到決賽!跟住就落mk搵埋stephanie影貼貼喇~影完行動差不多要開始喇!頭兒先行告退，去MTR meet其他人，再帶佢地入廟街食煲仔飯!而我就同7~ly遲d去!wah…帶住佢入廟街好大壓力!到左間野我叫7~ly入去先，我就從後突然彈出!果然俾到surprise呀下~呵呵!Fish即刻趕就Natalie同我坐~wahkaka!嘩…好似食得好豪咁，超多野食，但都係極平law!食完仲驚，帶住幾個靚女走出哩個廟街，係幾個law!~行行下又有人叫哩樣個樣真係嚇一嚇呀!~行返出mk又再去影貼貼，係為Natalie同Fish而影ga!好開心呀，大家唔該拾回返聚埋一齊既個仲白痴吖!影完我地哩班唔怕肥既人去石磨坊食糖水~正正正!食完各自返屋企lu! 12月9日 (星期五) surprise第三激，目標人物─Abracadabra 五點去到荔景接夫人，陪佢出旺角拎野俾人!出門口之前我都睇過下map ga喇，但最終我都好無用咁搵唔到條街，失敗!仲要搞到我出哂汗，最後都係搭的士!搞掂哂之後就去睇cake啦，睇左幾間…最後都係東海棠買左個藍莓cake!!幾經辛苦終於都搭MTR去佐敦，但時間還早(其實唔係早ga，只係一日人未齊我一日都唔上得去)…同夫人搵到附近有M記，坐低整埋阿ca份禮物!整到咁上下夫人就跟3T上去先喇，而我就過多10mins自己搵那間Paris café出黎喇!!上去之前問過3T，佢話張枱望唔到門口ga ma，咁我咪一野就入去law，但原來都幾覺眼ga，要即刻哩埋，個陣個心已經好驚有人見到我ga喇!!點好蠟燭，拎住個cake行到阿ca面前…眼淺的她喊了!哈哈~而我六都好成功咁俾到surprise大家，厄到大家!當然成件事都要多謝返3T!!坐定定之後就分派朱古力喇，好得…用筷子食朱古力我都係第一次，無計啦，因為溶溶地!大家食得好開心，又吹下水咁…成晚全場大家都係到玩wanlee，無計…鬼叫佢成日都話夠鐘要梳頭，好討厭! 食完行左過海旁影相，但大家都好似無mood咁…算啦，咁就走啦!行到去MTR station既時候，朱朱成功搶奪wanlee把死人梳…我地決定寄返俾佢~哈哈! P.S 所有surprise都俾得七七八八喇，終於唔洗出街驚餐死驚見到熟人!不過經過今次一連串既surprise之後，我有諗過不如收山唔好再俾surprise人lu……唔知呢! 12月10日 (星期六) & 12月11日 (星期日) 在家扮乖，無咩特別! 12月12日 (星期一) 死喇唔知醒添，今次實遲到!~拿拿聲出門口，本來約左頭兒，誠誠，Natalie，ning，7~ly & 小敏12:15食米線ga，但我最終係12:35先到!食得非常之趕，跟住Natalie跟左我返wyy!其實我係冒極大險同佢返ga，我驚到時成班人圍住佢救唔到佢咋!返到去果然好多人望住哂，返咁多次都未試過有咁多目光既，就係因為廖寶寶!入到一樓staff room聽到一個極八掛既miss同另一個同樣八掛既miss講“xxx返左黎wor，嘩!靚左好鬼多呀”~我真係好想笑ga!!一有人同佢傾計就問佢係咪做緊model，哈哈~佢地d風係邊到收返黎ga?...而我就周圍派下朱古力啦，各人亦係例牌問我係個邊讀成點啦!~最後同肥lam傾左兩堂，傾到放學等埋paper同溥溥…不過我足足係等左連我自己都唔知幾耐喇~跟住三條友落m記吹水兼食野，最後夫人都黎埋添呀! 12月13日 (星期二) 記憶開始愈來愈薄弱，記得好少! 今天去了拜婆婆，跟住一家人去左宜家家俬行!本身入去諗住睇下椅子ga咋，睇睇下有話哩樣襯個樣又襯間屋，足足行左兩個幾鐘，腳都斷呀! 12月15日 (星期三) 上午係家中發呆，到咁上下自己一個去奧海城買飛先，睇《如果愛》!買完落返荔景接夫人!!我地睇個場一d都唔爆呀，可能係平日既關係啦!成套$導既畫面都好full，好多歌劇，視覺同聽覺效果都不錯，淨係聽張學友唱歌都抵返哂啦!不過個story較為無驚喜law，都係個d love story!睇完兩個人去左元氣食壽司，好味，不過有人肚仔好似唔多舒服wor!走既時候狠心唔送夫人歸家，因為我要睇下旺角邊到有位搭巴士返tai po，準備25號之用! 12月16日 (星期四) 下午係屋企hea，夜晚出左去同somie，candy & emily食飯，可惜rainbow又甩左底，真係唔多er!本來去café既，不過投票後大家想食日本野多d，咁就去左和民啦!大家都好癲law，因為實在太耐無見喇，好開心!食完行過銀城影貼貼，嘩!新機影得好靚呀，閃閃的!!~ 本身打算玩盡佢，去食埋糖水先ga，不過已經飽得要命喇!~跟住我就坎先喇，因為有人好唔開心，而candy同emily就去左花園街掃貨!搭MTR去到TSUEN WAN，等埋罰樹俾野佢…再去吉野家!!~有人大數苦水呀，咁我又樂意聽既!~開心返啦! 12月17日 (星期六) 無咩特別 (其實有d係唔記得ga，哈哈) 12月18日 (星期日) 今日一家人係屋企整早餐食，好正呀!~我鐘意! 夜晚同大舅父，二舅父&姨媽去食自助餐做冬~可惜細舅父無黎!!~好耐無見煒煒(我最鍾意既表妹)喇，佢見到我都飛撲過黎呀!又猛咁捉我出去拎野食同埋去x’mas tree到影相wor!食完仲唔肯跟阿爸走，死都要跟我wor~呵呵~你睇我d吸引力，哈哈哈哈! 12月19日 (星期一) 得起心肝出去買那份好得人驚既禮物，行左無幾耐終於俾我俾到我心目中想甿既禮物，開頭諗住好貴一定買唔到啦，點知俾我咁好彩搵到，不過係迷你版~價值$15!行行下又有d驚wor，咁我又見到份好似好d wor…唉!買埋先啦，無死，返去再決定要邊份!突然收到夫人電話，又話好肚痛仲想嘔!氹左勁耐先肯去睇醫生，出黎陪你睇又話我係到你會唔睇…最後搵左duck duck陪，咁我都安心d!最後懷著擔心同無心機既心情返屋企全棟樓一齊BBQ! 12月20日 (星期二) 有人好醒，做左雙料冠軍!~yeah 今日同夫人去左奧海成睇King Kong!!~好好睇呀，開頭一個鐘雖然係未見到king kong 堵，但都好好睇!睇完兩個人傻左咁行落旺角食野，影貼貼~跟住就齊齊搭車返屋企lu! 12月21日 (星期三) 今日wyy x’mas show，本來都唔打算返ga喇，因為都知今年唔會有驚喜!不過有小朱同二佬表演，加上阿ca同朱朱又返咁我都返啦!7:30起身真要命!返到去果然無咩驚喜，不過見到小朱同二佬好搞笑law!睇完show約左媽子去apm，佢話想行下wor!而我竟然有收穫，買左件衫，唔洗自己俾~呵呵! 12月22日 (星期四) 9:00夫人好好叫醒我，不過我都係要賴下床先起…11:00約左夫人，paper，3t，阿ca，溥溥 & 朱朱去mk唱k lunch!可惜朱大少昨晚通了頂，未能起身出席!有d釋放既感覺，因為我真伙好耐無唱過喇，但唱得一d都唔夠喉law!唱完去左影貼貼~好靚呀，因為我地有貼貼專家3t在場，衰極有限啦! 影完3t同paper就走先喇，而我，夫人，阿ca & 溥溥去左double star歎cake!歎完齊齊行落太子聯合行左陣，跟住我就走人…上去新世紀搵埋表姐一齊歸家做冬!今晚食得好呀，不過臨訓個胃又攪攪下咁，我真係唔食得好野ga! 12月23日 (星期五) 訓得ok晏，成個下午去左舊屋執野，係最後一次執喇! 今日無咩發生過! 12月24日 (星期六) ─ 平安夜 今年平安夜做好孩子，留在家中與家人渡過!哩幾年既平安夜我都係出去玩，今年係難得一年我會係屋企!下午忙於去街市為大家甿野準備明天打邊爐，拎到成隻野咁，好彩媽子有車!夜晚在家煮飯兼執屋，咁就過左一個平平淡淡既平安夜喇! P.S太長喇…25號開始開過一篇新日記打，好快就有ga喇~大家唔好吹我啦，睇住先啦!