網誌
2005年10月30日 上午8點08分44秒Esol BBQ & Jo's B-day
10月29日
訓得五粒鐘好辛苦，勁攰!!十一點幾出到town買左個食團食就去Iris屋企剪頭髮喇，但沿途都係未夠飽，買多$1 chip食!......有兩個人要剪，所以我係第二個!!~Jason簡直就係想殺左我，佢太眼訓，所以狂插我耳仔..好彩無事!Anyway Thanks!...剪完吹下水，4:45走人…行行下落雨，唔掂，唯有call host dad黎車我!其實我搞到成身頭髮唔多舒服，想歸家沖涼ga!點知…我好似上左劫車咁，俾佢地捉左去幫手整報置!!因為Gary & Tina既父母結婚40周年，夜晚有個party…我地義務幫佢報置law!~係咁吹氣球，掛燈，痴哩樣痴個樣!!其實已經好攰ga喇，而且肚餓…最後搞到8:30先返屋企，仲要等佢地order pizza 返黎!
很累很累的一天，十點幾就死去訓喇!
10月30日
Happy Birthday to JoJo!
9:30起身，倒屎咁早，真係想死!約左jojo 10:30落town陪佢買排球!我當然扮哂唔記得佢生日，生日快樂又唔講，咩都無反應!11:00返學校BBQ，for international students & host families!!非常之好，我哩d…人前人後都招呼周到ga ma，識做呢!我陪DC好耐無出動過喇，係時候出激啦(uploaded already)!到咁上下，我host成家黎哂…真係齊人到爆!本來唔想玩dodge ball既我都唯有陪細女玩啦，都幾開心既!
點幾鐘走人，開始我地既秘密行動!!!我家的德國妹(Anka)先把jojo帶回家，困佢係房玩大富翁!!除後我就同我校四個日本妹，兩個HK人去買野，再靜靜雞返到我屋企，靜靜雞點哂蠟燭，我就扮哂無野話我買左野俾大家食，叫佢出廳食野!點知一打開門，十個人企哂係到同佢唱生日歌，呆左…唔識反應，應該係surprise過頭喇!!~切完蛋糕拆禮物……一邊拆一邊喊左，因為哩個係佢17年來第一個b-day party，第一次咁多朋友同佢慶祝!!跟住佢真係勁感動咁同我擁抱，我就係知哩個係佢第一個生日party，所以安排所有野俾個大surprise佢~(死喇!我又整喊人喇)…
跟住大家食下野，玩下Jarga，Uno，cards等等(好多)……咁就過左一個開心既星期日喇!!~夜晚做功課，打日記，upload相!媽子打黎，差d又為左同一個問題開火!不過我都係做返似乖女啦，無奈地答應左佢…唉!真係十萬個唉呀~
後記: 夜晚jojo sms我，多謝我!佢話佢覺得我無奶油會唔記得佢生日，好奇怪點解今朝我可以咁冷酷唔同佢講生日快樂(我自己覺得好好笑)!!after BBQ又唔知我去左邊，以為我真係咁衰(哈哈)!但佢話原來最終得到既，更大!
我都好開心可以成功咁令一個人開心，感動!識左jojo只係兩個月姐，但係佢身上感受到一d野ga!原來一個講野唔叻既人係會好鍾意我，會問我點樣先可以同人講到野!一個朋友多既人同一個無咩朋友既人走埋一齊，我明白朋友唔係必然有，請大家珍惜!!不過死啦，我已經重朋友ga啦，再重多d…媽子殺我都似!
2005年10月28日 上午10點12分39秒開心
10月28日
今日好開心呀，不過好攰!
今日返學係完全無上過堂law!
第一堂Eng睇movie，我無咩點睇，自己係到做數!
第二堂Eng again!!!好忙咁幫大家貼價錢，因為lunch time有 international sayonara sale …俾international拎d唔要既野返學校低價賣出，清貨一樣!d日本妹真犀利，幾廿袋野可以sale，佢地黎個陣係咪搬哂成個屋企黎呀?
Interval無時間食野，買左個pie食就算喇!
第三堂本來要入hall唱歌的，但留係Esol room幫手打點一切好過啦!而且我當然做內部認購啦~呵呵~
超級抵，用左$3.10買左一個極green既日本筆袋，日本pooh仔筆， Marker & 毛毛拖鞋一對……即係港幣$17.05買哂四樣野，wah~正!
Lunch time，嘩!d人瘋湧而黎咁買野，不過有d學生都真係痴痴地ga!一個Roxy斜咩袋，澳洲貨，我地已經賤價賣$7 ga啦…夠膽死問我地$1賣唔賣~
我自己無野要sale，當當都係我既朋友…無計……周圍走幫每一檔做 supervisor and promoter …哈哈!最衰今日唔記得帶DC，無相睇!~好好玩，狂叫人買，又讚下d客仔靚呀，襯佢呀……周圍social，企左好耐，又走來走去，好攰但開心!!
第四堂本身Econ，但international又要去library聽講座，介紹下polytechnic有咩課程俾我地讀等等……咁就走左大半堂喇，最後只係上左15mins既Econ!
第五堂music，今日俾我地自己練習，唔洗聽theory，即係可以講話無堂上…仲要最後10mins改左做form time拎sch result添!......yeah~我ok滿意啦!最開心你做左我成個月既Econ research + survey + report最終係 pass ，幾驚唔pass呀，因為個report都唔知自己寫咩，但又放左好多時間落去wor!~而家真係thanks god!計計下年尾應該拎到cert既，如果我溫書既話~哈哈!
放學飛快返屋企換衫，落town搵Mitsuko!...今晚好早就食晚餐，因為7:00要返學校打波!5:15就去noodle house食野喇，其實好肚餓，成日咁長只係食左個pie咋!......食完麵仲去食ice-cream，嘩哈哈!肥死，但好滿足!跟住行返學校打排球，好耐無打過硬哂，但又過癮!
打完波大家都miss左Bus，咁我就陪佢你等車兼吹水啦!~ 教泰妹唱愛與誠笑到我死!Mitsuko成晚都好似癲左咁…she made me crazy tonight!不過佢下星期就返日本考大學試喇…之後會返黎兩星期，但到時我又要返HK，只係得返三日咋!!~下年佢好大機會唔返黎讀喇……突然間好唔捨得佢添!
2005年10月27日 上午9點56分30秒大揭秘
10月27日 尋晚發惡夢，但記得個結局係好笑ga!!發夢發醒左，再訓，再發……哩排成日都係咁!Help~ 今日又入hall練歌，好明顯有兩首大家熟好多，唱得大聲好多!其他個d唔熟而且爆高聲，我哩d老牛聲係上唔到ga!!其實我都幾想正正經經咁學下唱歌，一個結仔手唱歌五音不全真係幾可笑，因為根本自己聲準有問題!林一峰，側田……都係要手口併用啦! 放學好早返到屋企喇，鬼咩…無野做，唯有歸家訓一訓溫書!~不過最後無訓到，顧住ICQ!!OHOHOH…..一個天大既秘密呀，點解我會而家先知!?我之前真係全不知情成個傻仔咁law，但其實我興幸而家先知!如果我當時已知道的話，可能今天好多野都唔同哂lu!! Anyway，所有野都過去左喇，而且我而家極滿意……只係俾我知道後諗起都笑姐~哈哈! 夜晚心血來潮拎起支廢既木結彈兩野…其實都唔係兩野喇，都有成粒鐘!!唉…好耐無練過，差哂，好差!彈彈下滿足唔到自己，以為指甲長頂住彈唔到啦，走去拎個指甲鉗剪左左手食指，中指，無名指…三隻手指既指甲!無錯…係only剪個三隻，唔係因為fashion，係因為我懶!嘩哈哈~ 剪完好dd咁多多啦，但面對現實係我太耐無同支結仔溝通喇，所以……風光不再!手指靈活度退步了!我諗我要練返喇…… 聽日好似派成績表，係好似姐，我都唔sure!!!有d驚添，不過又唔知驚咩wor!因為founda都收左我啦，都唔洗再用任何result咯…但總之就驚達唔到自己想要既level啦!
2005年10月26日 上午10點45分08秒日唱夜唱的日子
10月26日 要溫書既日子，日記係會短d ga喇….1116考第一科!係真正既public exam，唔係sch exam! 而家日日返學都係唱歌呀，下星期二就係celebration喇…所以日日都入hall狂唱!其實幾好feel ga，成校一齊唱，但唔係唱校歌!大家亦都會肯去唱，如果換轉係香港，我諗搵螺絲批都未必 “喬”得開大家把口呀!不過練左咁多次歌我都唔係次次專心唱ga，因為我通常都會俾個drum & guitar吸引住!結他手絕對唔洗懷疑啦…穩陣兼彈得，我欣賞!(加拿大籍，有d Avril feel)…今日終於換左鼓手，早就應該換啦，之前個個打d雞仔野，任何fill in都無，我都一定打得好過佢，而且你係會感覺到佢個鼓係悶ga!今日哩個好好多，會玩下野，有fill in! 唉…不過每次睇到哩d場面都好掛住練歌出show既日子!
2005年10月25日 上午12點22分00秒臨訓前爆血管
10月24日(補打的一篇日記) zorpia好返，今日開始係到打返日記!本來今日無咩好打的，但到最後還是有野俾我打!!! 其實我知都唔應該嬲你，因為你都知自己衰左……不過你講俾我知個陣真係好嬲好嬲，覺得你好蠢，完全咁俾你激死!平時我憫，我激氣都只係一刻既事，而且個d都係好少好少既事，係生活既少少點綴!不過今次係咁多次中認真激心激氣激死既一次，亦都唔係一刻既事，但明顯開mic個陣又唔捨得鬧你，只係話算數!熄左mic之後忍唔住話左幾句，好狠心咁話左你一句「你講之前有無用腦諗過ga?」……對唔住我知hurt左!...或許我過份緊張你，所以先咁嬲……我學習緊忘記ga喇!算啦…我申完無野，嬲完都無野喇……唔想你再自己話自己，你記得應承過我咩就夠喇!