網誌
2005年7月22日 上午6點05分50秒我返黎喇，再現zorpia!......
7月22日 (星期五) 成個星期無打journal……唔好以為我遺忘左，我無!而且其實都有幾多野可以打，但最後都無打! Whatever……都唔諗住補打返喇，有心唔打又點會有心補返呢??? 10個月喇!! 開心到唔知可以用咩形容詞形容 掛念程度亦無一個字可以用得上 愛…更加唔可能用文字足以表達 雖然大家相隔很遠，但大家知道、明白、了解、體量、付出、珍惜…總括而言係一份愛!
2005年7月15日 上午10點16分49秒病的日子
7月14日 (星期四)
Happy Birthday to Poyi
起身真真正正feel到憾入病既狀態…鼻水直流，喉痛不在話下!食d野，啪粒藥就出左去踩板喇!!~今日好好陽光，又有d風…踩上塊板到好鬼正!~踩踩下係到影相……不經不覺已經玩左3 hours喇，好攰!!!~跟住去左睇snow board…嘩!好正呀，好型呀，好貴呀!~不過都唔係成日有得滑雪，買黎真係得個擺!
<<<我塊cheap cheap板呀!
返到屋企即刻沖過涼先!!~夜晚傾左唔係好耐就無傾喇…啪粒藥，睇左陣書就訓lu!!
PS.今日好忍口，好聽話，無食朱古力!
病既時候，原來真係好想有你係到照顧我哩個傻仔!
7月15日 (星期五)
都唔知有無搞錯，發埋d咁既夢!發夢見到媽子死左，而我就更加憎我老豆，同時娘子睇住我傷心到自己都喊埋!(大概係咁啦，省略左好多)
訓到8點幾醒左，但唔係因為訓夠，而係耳鼻喉俾口水鼻涕痰張住哂…塞住哂，好唔舒服!起身申完一輪再訓過……一訓已經2:00喇，一心諗住2:00前要打電話，但最後都敵不過病魔+睡魔!~bad…做左陣功課就做下d無聊野啦!......無啦啦大囡好開心咁走過黎，佢話“你屋企又寄禮物俾你喇，開唔開心呀?”…嘩!十個surprise吖唔該!~打開就見到成個Avril同埋4隻碟，加一封信!...即刻睇信…唉! 原來我好蠢，有好多野都唔知，唔識feel，唔醒水!亦都更加感受到你個陣有幾期待我答你一句好或者想，可能因為哩排自己都病，所以更加感受到!...真係仲有好多好多心底話想同你講，不過唔會係到講喇!......
2005年7月13日 上午10點26分56秒今日好多野收呀...
7月12日 (星期二)
本來諗住出去踩板…點知朝早落過雪，地下超滑，所以無得玩lu…成日就留係屋企!~搞guitar pro搞足成日!!~
臨訓前收左兩個email~嘩!! 玉女照呀~正…
7月13日 (星期三)
賴床唔起……最後返language centre遲左dd咁多多!放學去買喉糖…因為發覺好似有d“奶”野…起身有d喉嚨痛兼鼻水!~之後極速行過去uni搵Queenie同Iris…好耐無見過Queenie喇，好掛住佢呀!~返完香港d皮膚果然好左呀下!~
Queenie話我d野好重，真係有d唔好意思~仲話娘子好鬼死客氣好好人~哈哈哈哈!!!去到Queenie屋企…一睇到個盒，嚇死我，完全無諗過!~怪不得佢話重啦…收埋其他野，幫pinky拎埋佢d野，再吹下水就走人喇!今日大家講起究竟平時成日行開兆萬個條係咩街呢?格離信和個條係彌敦道，格離女人街係西洋菜街，波鞋街係洗衣街…但篇篇唔知個條係咩街!~最後佢地交左哩個任務俾我，叫我今晚查查~呵呵!
返到屋企收到媽子寄黎既匯票…哈哈~又有錢用喇，太好!...洗白白，食完飯就真真正正拆禮物喇!~好多野食呀，仲有咩可以講??我只係諗到兩個字『細心』!!~仲有期待左好耐既ca小子禮物…wah!原來係一個風鈴…好得，非常得~多謝阿ca!!
拆完禮物食紅豆沙…係pinky第一次煲，我做白老鼠…真係差d做左隻半反肚既白老鼠!~豆就夠多，但完全無味，唔甜…唔似糖水!...之後ICQ time……透過娘子話我知，原來兆萬個條街先係西洋菜街，女人街係通菜街~呵呵!唔該哂~
今晚打算啪粒藥先訓…
2005年7月12日 上午10點40分34秒好多問題呀~
7月11日 (星期一) 尋晚臨訓之前睇左套戲…我係抱住笑片既心態去睇，但有以外既收獲!有d野我地係需要堅持，相信自己能夠做到!~有時輸左，其實只係輸係自己既意志!~無野係可以令我輸，除左我自己之� ~!... 今日下午要返language centre…因為放假關係，d class唔同哂，任d人幾點去都得……點知校長竟然認錯左我做另一個泰國妹!我以為佢純粹將我地兩個個名撈亂左啦，但原來佢話我皮膚黑…生得似泰妹，所以搞錯左!真係激死我…雖然我想黑姐，但我唔想做泰妹呀! 放學就開始去各旅行社進行地毯式格價喇…嘩!12月d雞票真係貴到喊~不過我絕對唔會因為貴而唔返ga~ Impossible!...不過真係好煩，因為要轉機，所以耍check好多班機…叫個staff print左俾我返屋企慢慢計~又要計埋如果改機票要俾幾錢~有d票貴，但改平~有d就票平，但改貴……無計啦，我覺得改機票既機會都幾大，所以要計計喇! 今晚有本香港雜誌到手睇喇…一晚刨哂喇!~有段好普通既八卦新聞，《徐子珊俾阿婆拉相睇》!!本來真係唔多吸引我去睇哩篇報導…你知啦，徐子珊又唔紅又唔靚，真係想唔睇ga喇…點知望真係幅相!嘩嘩嘩~企係徐子珊格離個個老人家係我麻麻黎ga，即刻睇下段野講咩啦!報導如下： 「上個星期徐子珊去左石硤尾一間護老院同一大班老人家玩遊戲兼派禮物，活動結束後成班阿婆上前爭住同佢合照同拎簽名，之後仲唱生日歌補祝佢6月28號生日。期間有個阿婆仲捉住佢隻手死唔放，當正自己個女咁，之後阿婆話：「唔好走，你有無拍拖呀?不如我介紹男仔俾你識啦。」搞到佢好尷尬!無法啦，報紙字咁細隻，阿婆點睇到新聞，更加唔知佢有個緋聞男友黎明ma!」 睇完篇報導我真係得啖笑，有覺得麻麻做左記者既犧牲� ~!~我諗我阿麻要問我拍拖未多過想問徐子珊啦!?~仲有我好好奇如果我阿麻真係要介紹個男仔佢識會係邊個呢?我阿叔?唔會啦…結左婚，仔都生埋!呀……可能係我老豆呀!哈哈~不過我深信徐子珊一定唔會要佢…呵呵!大家幻想下如果佢係我半個阿媽會點???我真係想像唔到law!~好可怕!....諗諗下成個月無打俾麻麻喇，順便問下佢係咪真係有咁問過阿徐小姐先! 刨完magazine就ICQ喇!~就係一條問題搞到幾個人頭都大埋，最後仲要同娘子開mic討論添!~我而家就要係到問大家!!!記得一定要答，唔好俾人影響到你既答案，直覺係咁多就係咁多…如果唔係愈諗就愈多答案飄浮係你個腦到ga喇! 「一天有個年輕人來到王頭家的店裡買了一件禮物，這件禮物成本是18元，標價是21元。 結果是這個年輕人掏出100元要買這件禮物，王頭家當時沒有零錢，用那100元向街坊換了100元的零錢，找給年輕人79元，但是街坊后來發現那100元是假鈔，王頭家無奈還了街坊100元。.現下問題是： 王頭家在這次交易中到底損失了多少錢？」 今晚傾得好開心，傾到成4:15先訓…其實係因為我唔願訓!!!~諗住有真野就訓ga喇，最後因為總總因素所以無…不過唔緊要啦!!~不過有人講過下次會補數ga~呵呵! PS.好耐無報個數喇……有人有24個醒喇!~
2005年7月10日 上午9點44分32秒假期的開始
7月9日 (星期六) 11:45就起身喇…早呢!因為要出去呀~第一站係陪pinky去Asian food shop，買左煲湯要既野!第二站係陪我去warehouse睇板…嘩!果然係靚過尋日睇個d，我地兩個拎哂d板出黎續塊揀，好似想倒亂咁~哈!第三站去Hoyts搵Jill…借我個巨袋俾佢!~第四站去Count Down買肉煲湯…第五站去買野食醫肚!第六站Jill要去買電話card!~第六站去阿婆屋企拎香港magazine睇…第七站(最終目的地)Iris屋企!~放好哂d野跟住pinky負責煲湯，Iris已經趕住要睇鋼之喇…我就謀住左Richard支電結!~嘩…咪睇佢個樣傻下傻下，彈得一手好結他，真係好勁…我都唔知要練多幾多練先有佢咁快!!~之後同左pinky出去試踩板…yo!好爽呀…一踩已經上手喇，不過唔知點解永遠都係則埋一邊撞埋牆!~有次懶醒，懶快……一野撻左落地，不過好彩我patpat多肉~呵呵!~下次要再接再厲，應該係星期二再玩! 夜晚去左金馬食飯……好鬼飽!跟住本來想踩板返屋企ga，但拎住太多野喇…無辦法玩到~噢!最終都同平時一樣行路返去lu! 7月10日 (星期日) 起身食左野之後，成個下晝埋手於 Guitar Pro !!!~係幾粒鐘~搞到夜晚食飯，食完飯剛好見到娘子online… PS.大家記唔記得魚叔叔整俾我個條鏈?大家咪用塗改液寫左名既…但阿siu係會出汗，d汗搞到d塗改液溶哂一patpat好嘔心呀!...d pick一塊張住一塊，好嘔!最嚴重係馬騮個塊，完全溶到唔知寫咩!