網誌
2005年5月30日 上午11點20分22秒中文水平唔好，但又想寫野...而且愈
5月30日 每天早上雖有homestay駛車送我回校，但為了方便去路…我並不是在校門外下車的!!!雖要走路，但其實我蠻喜歡的……本是五分鐘的路程，我卻願意花上十分鐘去完成!!完成兩個字也未免不太恰當了，我相信可以用上享受來形容吧!!! 早上的天氣的確清涼，落雨就更令人凍得入心…帶著寶貝感覺溫暖，幸福!抬頭望著和我一樣剛睡醒的太陽伯伯，感覺舒服…加上四周飄來的草青味，難以叫人不清醒起來!在這環境下，正給了我一個思量，回想，做白日發的好機會……這感覺真好，至少一定是整天以來令我感到最舒服最無憂無慮的一刻……這樣走著，真的一時忘了書包的重量，忘了刺骨的風，忘了路途有多遠! 歌也唱著‘夕陽無限好……下，下，下…’那不知道有沒有歌可以讚揚這美好的早上呢?我…暫時想不起，或許真的沒有這首歌，又或許要留待阿siu成為一個出色的作曲家才有一首這樣的歌存在吧!
2005年5月29日 上午11點33分25秒nothing special
5月29日
Happy Birthday to 3ttt
2005年5月28日 上午11點37分51秒俾我發下up風啦......
5月29日 睇完3tttttt個板之後又勾起左我條引，勾起左我對何韻詩既狂熱!無錯……係可以用狂熱哩兩個字黎形容我對何韻詩既著迷，什至用得上瘋癲一詞添!以後會有好多HOCC圍繞住大家ga喇，去到3t既zorpia，而我既zorpia就更不在話下!係搜尋HOCC既野黎粉飾我個journal之際，俾我搵到一段百看一厭既movie仔……最後做左衰仔偷左人地條片放落黎俾大家睇(真係唔好意思，我都係因為欣賞才借來一用姐)，請大家俾d耐性睇下佢!真係愈睇愈令我著迷!每一個鏡頭都感到熟識，每一個造型都令人傾倒!無錯…我係鍾意佢以前個look多d，但唔代表我而家唔鍾意佢呀! 一開始奏起艷光四射(美艷到不行version)真係好有feel!何韻詩你唔係大美人，要數到唱歌最好聽既..你亦都唔會係排第一，結他技倆稱得上識..但唔叻，身材更加唔會係大家所追求個隻……但篇篇你就係有一種魅力，俾人一種艷光四射既感覺!哩首歌出至你把口完全係襯得起，配得上……再睇落去，去到尾尾一段~真係感動……奏起絕對再加埋叱吒哩個場面，wah!何韻詩，你真係得左喇~仲記得個年既叱吒..我係聽完收音機，再煲埋電視轉播先訓ga!為既就係睇哩一刻…正正正!突然諗返起…自己追隨左HOCC都多年咯，由出道到而家…都無變過!~都夠膽講句自己都幾長情!
因為改靚左個板，所以有心機上黎寫下野清理下d毛菌!如果我再唔上黎既話，大家可能以為我遺忘左zorpia，什至死左!有時會諗……zorpia究竟係一個咩地方呢?相信應該係一個代替日記簿既地方吧!因為我懶，而且現實當中我對手放係keyboard上面既時間遠遠比拎起枝筆既時間多……所以日記簿無辜地被我逐出左我生活既一部份!~有時自己都唔知日記從何打起，或者去到那裡先至係終結!!日記真係無需要要同任何人交代，所以有d野無需要打出黎!但日記的確係俾自己抒發情感，記載回憶既好工具…試問有d野又點可以唔打呢?唔打…終有一日會忘記!唔打…又點叫做日記!!......真係開始有少少唔識對待zorpia哩個地方，見我少打左咁多就知，但少打左亦都相對地將自己收埋左係一個連自己都觸摸唔到既深處!
不得不承認，近排既心情就好似恆生指數咁，有起有跌，有開心有唔開心!好亂，都唔知自己想點!可能係哩幾個月黎既一堆堆‘益’壓…要係哩個時候火山爆發吧!返學，真係輕鬆過HK極多，但唔代表真正開心!...就黎考試lu，書…溫唔到乜制，總係提唔起勁來!~ 媽子……離開左HK反而講多左電話，但請不要再迷信下去…一次又一次既迷信，無疑增大左我既壓力，亦都增加左我覺得自己係衰女既程度!無錯，有d野好難叫你唔好信佢地講，但如果佢地算得我咁好既話，咁佢地有無算到我會帶俾你一個你估唔到既事實?有無算到我會做d可能你唔會鍾意既野?有無算到我會係衰女激死你?...有無呀?答唔出呀?答我呀….!!睇相佬真係咁勁咩?咁勁唔係應該咩都睇得出ga咩?定係佢地睇到而瞞騙你咋?如果有一日有一個睇相佬or風水佬話你知以上一切，話你知我無可能帶過鬼仔返黎，請你要相信!電話中講過無數次“好煩呀，可唔可以唔好講哩d呀!”…其實係一個警號，當有一日我唔再同你講哩句說話既時候，可能我已經去到頂唔順既地步!請唔好係仲有得救既時候迫我講“我唔會為左任何野任何人而放棄，因為我知我失去左佢我會崩潰”……因為我唔想hurt你，亦唔想做一個澈底既衰女!~雖然我未必夠膽講到出口，但其實心已經係咁諗……please，唔好將我哩把火拎出黎好嗎?
以前既我，如果對方同人講我地只係朋友…我真係會唔開心，會無野好講!但而家對住你，阿siu真係咩火都收哂，唔會嬲得出，亦唔捨得去鬧……或許我太錫你吧!......好認真好認真咁講，我無怪過你對一d唔多成日見..唔多熟既朋友咁講，根本都唔需要同佢地講咩!我明ga……唔洗講對唔住喇!淨係你講一句“唔肯定既我係唔會帶”已經心滿意足，已經覺得好好…知道自己付出左，無白費到，亦都俾我睇得出我有多重要! 中文差既我係到up左一大埋費話，都係時候收口喇…… 一係就唔打journal，一打就大大篇!
2005年5月22日 上午5點34分05秒傾到口水都乾都係唔夠ga
5月21日
一早收到細佬朱寄黎既野……yoyoyo!你好諗定要咩獎賞喇，機會過左就無ga喇~哈!
起身做左少少野…係真係少少ga咋!跟住就見到你online喇，開mic傾!!!
哈哈~一傾就傾左8個鐘…好爽好痛快…好開心…真係唔願cut線，不過無計喇，三小姐返左!~差半個鐘咋，不過算啦!
5月22日
8個月…245日~真係好好，非常好，好得!
2005年5月18日 下午12點50分22秒傾得開心既一天
5月18日
放學即刻返屋企，訓覺...訓左個幾鐘，爽呀!...再做功課，今日好鬼死快手~
時間配合得armarm好!
好耐未試過傾得咁痛快喇，好good呀!~好開心......我鍾意!
傾完仲可以study左兩粒鐘...wah!今晚覺得自己好叻呀，多野做得黎又好快搞掂兼滿意~
PS.唔知‘阿嫂’哩出戲幾時拍完&幾時上呢??哈哈~