網誌
2004年8月31日 下午3點11分29秒今日本巡L咩特別野寫ga，但係睇電視
今日本身無咩特別野寫ga，但係睇電視當中感受到一d野!!!
香港乒乓孖寶今日係雅典凱旋回歸，電視就由朝播到晚都係播佢地..當佢地如珠如寶~其實我又唔係覺得佢地唔叻，只不過我覺得哩個世界真係好現實~李麗珊今次拎唔到牌就完全無人彩佢，完全無高官支持佢...正一打完x唔要和尚呀!!...人地假假地都為香港出過一分力ga ma~唉......我覺得珊珊好慘law!!!~
等我同大家睇下一d我鍾意既運動員啦~
(暫時未搵到科比)
2004年8月31日 上午4點06分51秒昨天 多謝陳頭大的一頓美味午餐~上年
昨天
多謝陳頭大的一頓美味午餐~上年係我請，但今年就係你請!!!記得我地既promise呀~兩年之後...我地要係同一間餐廳食你個餐，而我既目標係去Hard Rock Cafe!真係好想去，但一直都未有機會去
夜晚無得睇奧運...好似有種失落感添~所以12:00就死左去訓喇!!!
2004年8月30日 上午11點26分51秒2004繞簧穡疇繞繪繒B簡��穢籀糧瞿禮
2004雅典奧運終於都完滿結束喇~尋晚睇閉幕睇到成4:00添~我一直都覺得開幕呀..閉幕呀..係無咩好睇，睇來睇去都係睇d人係到唱下歌、跳下舞...我又唔識聽佢地唱咩，又唔識欣賞佢地d咩民族舞藝~但今年好唔同，因為下屆奧運會係北京舉行，所以會升起中國國旗...仲有奧運五環旗移交中國添...可能係哩個原因，所以我特別想睇!!真係好感動~當國歌奏起兼國旗升起，再加上北京市長接過五環旗既時候，自己都覺得好自豪~好似無可能既野都變得有可能...Impossible is Nothing!!!
其實成個show既主題係雖然係雅典既火炬已經熄滅．．但係佢依然會存留響所有人既心入面，等到2008年既時候．．火炬將會響中國北京再次被燃點起．．．嘩~講得好!!!
嗱!有一幕真係唔講唔得，到到中國表現既時候，有個小妹妹企響個大紅燈籠上面，一路拎住個小紅燈籠一路唱住"沒"梨花呢首歌架～當果個小妹妹唱完果陣．．大會就響個燈籠附近爆煙花啦．．點知小妹妹竟然當場嚇親喎！仲要俾大會個鏡頭影倒添呀~唉...真係又慘又好笑!
真係好期待2008年北京奧運呀~唔好話入去睇比賽啦，入去做義工我都制呀!!~不過4年後大家都唔知會發生d咩~...到時再算啦...不過如果一生人可以去睇一次奧運的話，真係perfect到震呀!!!
2008北京奧運...我等緊你呀~yOyoYO
*ps:(由於慳時間既關係，所以我問准左wanlee copy佢少少~哈哈~)
2004年8月29日 下午12點29分22秒我話過誓死n睇女排決賽ga，所以尋晚
我話過誓死要睇女排決賽ga，所以尋晚無死去訓!!!好喇~開波喇~真係好緊張，因為頭兩局中國以28:30同23:25輸左俾俄人...唉唉唉!好危呀~中國隊要加油呀!!!~第三局中國開始發威喇(佢地心諗:我唔發火你當我病貓)~最後以25:20追返一局~嘩!!勁~第四局以25:23追成平手..局數2:2....好緊張呀!!!最後生死局喇~正當打到14:12既時候我個心真係離一離呀~本身個天係落住毛毛雨ga咋，無啦啦落到鬼屎咁大wor...連個天都為中國女排而興奮呀~yeah...15:12呀!!!我跳起身大嗌呀~睇見中國隊d人即刻開心到喊~好感動...20年喇~等左20年喇~金牌終於都返返黎喇!!!佢地用左20年既青春就係為左哩個金牌咋~真係得來不易....另一邊，俄人就傷心都喊~尤其係11號高莫娃呀...喊到眼都腫~不過我好心涼wor!!!當你睇到佢第一二局個個死人高傲樣真係好想打佢ga~打到第三局佢個樣簡直由高傲變失落呀!!!除左佢之外，俄人2號都好黑人憎呀...不過我唔記得佢叫咩名!!!~講返中國隊...我當然最鍾意18號既張萍啦...雖然佢係主攻手，但無乜人留意佢ga，因為佢係代蕊蕊出場ga ma~但我好鍾意佢呀，佢打得好好~反而今場黃麗娜打得唔係幾好，連教練都好少俾佢落場~...哈...個個以為中國落後兩局實無希望~錯...因為中國既長城係好堅固既，無咁容易俾人打沉既!!
睇完排球都差不多4:00喇~唔差在睇埋男子10米高台跳水啦~田亮實在太過輕敵喇...每一跳佢都好似唔諗就咁就跳落去，企都唔企下...所以最終都係拎到面銅牌咋，不過小師弟胡佳好野wor~第六跳簡直係完美既一跳...五個評判都俾10分呀..真係嘩一聲!!!最終當然係眾望所歸拎左金牌啦!!!田亮今次真係買左個好好既教訓呀!!!
睇完跳水都成5:00喇~終於都可以訓喇...今朝1:00就起左身喇~因為3:00要去學結他ma~如果唔洗學，我一定訓到成3:00....去到見到阿sir，我地又一齊講起女排喇~佢話中國隊成日都係係亦境中可以求勝，反而係順境既時候次次都係落敗~咁樣証明中國女排係一隊毅力突強既ball team!
2004年8月27日 上午3點28分49秒�....尋晚12:45就死去訓，因為諗住2:30
唉....尋晚12:45就死去訓，因為諗住2:30起身睇郭晶晶跳水、睇中國女排vs古巴~我知阿ling都睇呀，所以叫左佢到時打黎叫醒我睇!!!~最後個結果係阿ling打左黎兩次我都聽唔到...我一覺就訓到今朝10:00喇!!!唉...真係失敗~都唔知點解自己可以訓得咁淋，個電話已經係擺係床頭ga喇~近到爆!!!
唯有今朝起身上網睇新聞啦...yeah~郭晶晶勁~金牌呀!!!吳敏霞都勁~銀牌!!!中國女排好得呀....打抵古巴~打破古巴既美夢~yOYoyo(唉...我feel到尋晚阿ling會睇得好開心好緊張啦!)
希望今日有得從播啦!~
