網誌
2004年7月29日 上午10點48分16秒今日十幾條友去左SCMP參觀，起初我覺
今日十幾條友去左SCMP參觀，起初我覺得會好悶無乜野睇ga~但點知去到又唔係我想像中咁悶law!!!SCMP座大廈都幾靚ga...好似harry potter霍格華茲~
我地睇左印製報紙既成個過程......由印飛林、到印板、再到開機印報紙既過程我地都睇到呀!!!印既速度同運送既速度都好快...好似玩過山車咁，好刺激~
參觀完之後，我、金字玲、阿ca、廢紙 & 阿才去左大埔中心食tea!!!好抵呀~$20有一碟飯or意粉，仲有埋野飲添!!!我地坐左勁耐，又勁傾計~呵呵!!!成日既高潮其實係哩一刻先開始﹕食完tea之後，我帶4個白痴去搭73X...好快就有車啦，咁我任務完成就當然走ga啦~點知幾秒之後聽到一大班人叫我，我另轉頭望......好神奇呀~點解佢地無上到車ga???十萬個問號~原來佢地前面企左個師奶，佢地以為個師奶係等緊上車，點知原來個師奶係企係到唔上車ga，搞到架巴士開走左佢地都唔知咩事~就係咁...4個白痴又要等下班車先走得喇~我諗我要封佢地為「四大金字」喇!!!
2004年7月27日 下午4點26分10秒今日我地六姊妹有見掖漊點解係六曮Y
今日我地六姊妹有見面喇~點解係六唔係七???因為szeto無黎law~佢地又再一次衝上黎我屋企燒野食喇!!!
去到我屋企梗係拆哂Fish & Stephanie去完旅行既手信啦~食飽就梗係打返4圈先啦~不過我地唔係賭錢，目的係要教識stephanie!!!佢識左少少之後就開始上癮喇，係咁叫人同佢打~打打下，阿ning打電話黎問我佢係咪落錯車wor?!咁我第一時間當然係笑左佢先啦!我講得好清楚叫佢係"較寮下"落車ga ma，佢搭到去樹願樹個到先問我係咪過左wor，真係俾佢激死!後尾先知原來係個巴士佬玩佢，個顯示屏跳左較寮下個幾隻字，所以就搞到佢唔識落車~真係陰公~
到左6:00，我同大頭陳上去天台透爐law，而另外個4個爛賭鬼就繼續打牌law!!!燒燒下我地又玩扮model...第二次玩喇，都依然咁好笑~我就唔好彩喇，抽中左張核突野黎扮......唉!~燒綿花糖個陣，阿寶個一絲綿花糖跌左落地下wor，好似佢d鼻涕咁!!!~好喇!走喇~魚爸爸渣架Benz黎接魚囡囡，咁當然順路車埋荃灣區既阿寶同stephanie啦~香車美人就係咁解g ma!!!另外兩位石陰區同青衣區既朋友就無咁好彩喇，要自己搭車走lu~兩個相依為命!!!
2004年7月22日 下午5點40分29秒今晚好開心呀~同左monkey，阿Ca，朱朱
今晚好開心呀~同左monkey，阿Ca，朱朱，金字ling，wanlee & 廢紙去食巴西燒烤!~野食ok一般啦~有兩個唔知咩人會即埸拎住支guitar唱歌ga，又可以點歌wor，咁我地問佢識唔識hey jude，佢地真係即刻彈到呀!個埸面好正，好有我地夾歌既feel...呵呵~wanlee同ah ling做左成晚既主腳......哈哈~
跟住我地去左海旁影相，沿途我地係天橋到跳，勁跳，勁影相...好搞笑!!!去到文化中心就精彩喇~我地訓哂係流梯到影相wor，最激係我地"琴"哂上條柱到影相，朱朱同monkey真係"琴"到好高ga,好西利~連途人都拍手掌呀...勁!我地簡直係再創高峰呀~影左百幾張相，真係影得好暢快~
我地哩個組合真係唔錯，有機會下次再玩過~下次wanlee記得唔好著裙喇!好慘ga~
2004年7月20日 下午5點36分32秒5C gathering 瞻繕瞻矇瞼h瞼穠穠��穠L
5C gathering
今日去左肥林屋企打邊爐......幾好呀!乜都係佢工人做哂!好耐無見過大家喇~
我地去街市買野，俾個街市婆偷聽到阿kit話fish似"富貴人家去買餸"，跟住街市婆竟然好大聽咁將哩句說話重覆一次，笑到我地死~
肥林個頭真係嚇親我~好似做左青衣大佬咁，藍色+金色...好好笑!仲有呀...原來碧咸個髮型係跟阿kit ga~哈哈~佢地兩個既髮型真係好似!
最好笑係我地搵本雜誌隨意打開一頁，跟住輪流扮個d人既post~笑爆肚~如果要我簡今晚既最佳model一定係Grace啦...連風扇都出埋~我地認輸喇!!!
2004年7月18日 下午3點14分22秒今日去尖咀參加左勁無聊勁虛渡光陰o
今日去尖咀參加左勁無聊勁虛渡光陰o既"成人節"~學咩校代表呀，根本無我地都得law~最抵死係2R遲到law，搞到成個儀式要推遲，直接影響我地遲走~不過d司儀都好無保留咁暗串佢地!......完左之後，我地6條友好有藝術氣質去左tom lee，我同朱朱都ok開心呀，佢睇鼓棍，我睇guitar...不過其他人就悶d喇~最後去左仙跡岩飲野，食左大家都好鍾意食o既脆蘿蔔糕~真係好好味ga~
尖沙咀文化中心的上空...嘩!真係好靚呀~
成人節......(件衫唔多掂)~