2007年7月30日 上午7點55分26秒30.07

琴日同屋企人,表姐佢地去咗Ocean Park,真係好曬.好曬,好曬..................

帶唒cap 帽,擔埋傘,都覺得好熱 熱 熱 熱 熱  熱  熱 ..............

第一站我地就去咗玩"滑浪飛船",排咗成個幾鐘,真係人都癲,個"滑浪飛船"都唔太刺激,排咁耐覺得唔係好抵

之後就走去排"越礦飛車",之前都未玩過lee 個,排咗半個鐘就有得玩,感覺都幾刺激,有D離心力,排咗半個鐘都抵既

跟著就去咗水母館,唔講排咗幾耐la.....因為去度度地方都要排隊.水母館給我的感覺好正,D水母係燈光下真係好靚,加埋d音樂,真的不俗啊....

 

睇完水母館就去咗"海洋館",D深海大魚真係百看不厭

(Lee 隻就係海天使,好得意)

Then又去咗玩海盜船,都係咁la

玩完海盜船就去咗玩跳樓機,高過AIA玩個部,但係冇乜感覺..........

之後就去咗睇海洋劇場la,個d海獅,海豚,真係睇咁多次都好好睇,勁聽話,勁得意!!

睇完之後大約七點,就撘纜車落山,D海風吹埋黎真係幾舒服

落到山即刻走去大熊貓館睇盈盈同樂樂,但睇唔到.... 佢地返番入面訓覺.我地凈係見到佳佳,仲比我地見到佳佳去大便時的美姿,真係好搞笑

(佳佳正在解決中)

(整多張snap shot 先)

睇完熊貓就完成我地今日的Ocean Park 之旅,撘車去咗深井裕記個度食飯,我食咗好多燒鵝,真係熱氣死我

食完飯就撘車返屋企lu,返到去真係好攰,成身散唒