2006年4月18日 下午5點08分18秒珠海三天之旅

• 

  珠海之旅 14-...

  (53照片)

旅行o既第一日行程:

前一晚我真係通宵冇訓過覺,六點就出門口去碼頭搭船.向導遊拎o左團章之後就過關等上船...因為我一早就知隻船會好拋,一定會暈船浪,所以我就o係船訓,我一訓就咩知覺都冇咁.當去到斗門碼頭,好多人都拎住個袋嘔,我就冇事.跟住join埋o個面導遊就帶我o地上旅遊車,開始第一日行程了!!!

第一站就去"哈利波特魔法世界",入o左一間房睇表演.第一時間比人拉o左上台玩,我仲諗住揭穿.點知都係失敗,魔術係抽一張牌,大家都唔知的.然後佢就估到我找咩牌,o係張紙度畫出o黎.第一次比人睇係錯的,之後佢一拍一下手,張真o既牌就唔知幾時畫o左出o黎....好勁呀!!!仲有其他魔術,唔講太多了....

跟住就去食飯"健康蘆薈宴",都幾好多...最正係煲唔知叫咩o既湯同埋避風塘蝦.

第二站去"西子蘆薈園",介紹蘆薈有咩功效等...之後叫我o地買佢D產品.又可以比錢食佢o地o既蘆薈雪蛤膏,好味....

第三站去"龍井坊鴿子情緣天地",o個度有得騎馬,不過$40一次,有十五分鐘騎.o個個拉馬男人只係識講普通話,又多多o野講,多多o野問...好彩我宜家識聽識講普通話,所以都唔係問題.之後就去食燒乳鴿同豆腐花,好正!!第一次食咁滑豆腐花.....

第四站係去"雲錦布衣民族村",o個度D人講o野好好笑....條村講人唔係叫一個個,係叫一隻隻的.當我同佢講o野都要用返佢D音o黎講.條村D人好風趣,尤其係位亞依瑪呀!!比o左好多不同o既茶我地飲,搞到個個去toilet.佢o地toilet又冇門,又冇沖廁.好恐怖,又大味lor!!!佢個廁所真係令我好難忘,諗起都想嘔!!!真係給你一個五星級的厠所!!!哈哈....o個度D人o既稱呼

第五站去"SNOOPY主題公園",o個度唔係叫公園,係一個室內地方,有幾個公仔比人影相咁....之後出到去又食燉奶,好味好滑.....

再坐車去食飯,基本上我o地當時冇人覺得餓,但係又食.......

跟住住一個鐘車去第六站的"古兜山溫泉渡假村",亦都係我o地今晚o係度住o既溫泉渡假村.去到都八點了.入夜好凍呀!!分o左別墅之後,我o地係同兩個家庭團友住同一座別墅...首先入o左去沖涼,再去換泳衣咁...好搞笑,另外同我o地住同一別墅o既家庭一見到我就話"亞妹,入o黎飲杯茶啦!!歡迎光臨!!"去o左個別墅廳等齊人就一齊行過去溫泉區濕溫泉.今次係我第二次濕.o個度有分三個區,分別係歐日中.第一去o左浸歐式,再去濕日式....日式有42度!!簡直好似浸自己落去煲湯...沿途有人招待,遞水比你飲...之後去小食亨,有免費o野食食,都係汽水生果.一次過食o左半打蘋果!!!好勁係!!之後就去再浸中式溫泉,有中藥成份的,其中有一個係叫減肥溫泉,哈哈....我浸到暈先上o黎.

浸完就返去別墅,覺得好餓...o係會所又冇餐廳.杯麵賣....買o左返別墅食.o係個廳上上落落,其他團友又唔出o黎,所以成座別墅都係我,哈哈....不過睇電視睇到o左三點半就訓lu....

第二天行程:

朝早7:15 morning call行出去會所對面食早餐,之後一個鐘自由活動,本來係比我o地再去濕多次溫泉,但都唔夠時間啦...我都係返別墅訓覺....之後就拎埋行理上車.

第一站係去"橫琴蠔皇生態基地",又各種煮法o既蠔食,不過對於我唔中意食蠔,去到都係影相.

第二站去"楊氏大宅門",o個度好悶...冇o野睇

之後又去食"蠔情風味宴",好彩有D唔係蠔,所以我都有得食....

第三站去"保健足浴",濕o左十五分鐘....仲有按摩o左幾o下,都冇咩特別.因為有D人加錢按摩多兩個鐘,本來導遊要我o地等,跟住比D團友嘈,冇o野做點可以等咁耐....跟住導遊先book車比我o地去shopping.經過之前周星馳拍少林足球o既地方,有位團友好搞笑,突然大嗌"嘩!!我見到醬爆呀!!"哈哈...去到shopping地方,已經睇中o左件衫,間o野係o係大公司show出o黎,件衫就係我之前行sogo好想買o個件閃衫.一入去問,價錢平到只係一百蚊,入o左去試出o黎比媽咪睇,有兩個路人行過o黎用普通話問我o係邊度o黎,我話香港.之後佢講o左好多o野,最後一句係"原來香港都有靚o既女生,平時看電視見香港小姐都反胃!!"跟住佢仲同我影相....件衫招牌都未剪就同人影相XDD最後當然買o左件衫啦!!!

之後就去酒樓同一D團友會合,呵呵...我發現自己認路太勁,就連一D差不多o既路都識行返去.D團友跟住我仲話我"亞妹,你認路仲勁過D大人呀"哈哈....呢間酒樓,一隻雞竟然$10一隻!!仲平過食乳鴿XDD

第四站去圓明新園睇表演,先睇"康乾盛世",就係我o地買o左VIP位個show,呢個show最好睇都係有馬係前打仗咁跑,氣氛真係好似o係戰場咁.跟住差不多睇完show,隔離個團友又拉我"亞妹快D跟我走,一齊去霸位"所以就去另一面睇"大清海戰",我最中意睇呢個show,係睇水戰,氣氛比之前一個更好,尤其爆炸o個刻,真係好大聲!!完全模仿古時D女人比賊捉走,之後比D官員救返....我都唔知點講,自己去睇過先會知~

睇完之後就上返車返酒店了....

第二晚唔係住別墅,係去城市住天鵝湖酒店.其實附近都冇咩好行...所以都係去o左Lobby o既餐廳食西餐.位waiter識聽廣東話,不過到佢講廣東話時,講講o下又變o左講普通話,仲要講得好快...間o野D牛排好正,好好食呀!!!

返酒店沖完涼又睇電視食消夜.....食食o下又訓o左lu.....

第三日行程:

朝早7:30 morning call落酒店Lobby食早餐,之後就上車出發了....

第一站去梅溪牌坊,係睇變面同埋蠟像館.現場睇變面都係第一次睇...跟住再去陳氏中袓宗.其實都唔知做咩要去睇==""跟住買o左兩條手鏈.

第二站去漁夫之寶特產店,又係有湯飲....同埋佢o地去捕魚o既o野

第三站去鉅記手信專門店買手信,買o左兩盒杏仁餅...

跟住又去食飯.呢餐係咁多餐最難食o既一餐,有個團友唔舒服嘔......

第四站去菠蘿區,買o左十幾個菠蘿,好甜.....香港都冇咁甜賣.

跟住就去碼頭搭船走lu.......

因為我又預o左坐船又會嘔,所以上o左船食完o野之後見隻船又開始拋,就立即聽歌,聽聽o下就訓覺...點知返到香港,我前後左右D人都拎住個袋嘔....但我訓o左冇知覺,呵呵....好彩我訓o左,如果唔係,我都一定嘔!!今次用o左"e度"過關,真係好快...唔使一分鐘就過o左lu....

117 瀏覽數 | 發表評論 | 與朋友共享 | 推薦

2006年2月6日 下午1點38分50秒新年後第一日返學

今日我正式返學lu....本來上星期三開始返,不過我去o左旅行請o左假,所以今日先係新年第一日返學.起身仲早過o係酒店morning call落去食早餐....唉~

返到去個印尼Miss又比返份Assessment我o地,話上次冇同我o地講要做埋D topic......今日要我o地重做,痴線!上次我o地問o左佢三次係咪sure唔使做,佢仲好大聲話"sure!!"宜家又.....怪我o地冇做.仲有呀!!之前有一個Assessment topic寫住把一個數double,根本係等於X2,佢死都話係square!!我以為我英文咁差... ...

查看更多...

113 瀏覽數 | 發表評論 | 與朋友共享 | 推薦

2006年2月5日 上午9點23分39秒澳門新年2006旅行

哈哈.....真係影o左好多相返o黎呀!!第一次可以影爆o左三張咭,上次去Korea都冇咁利害.

今次去澳門住o左三晚5星級酒店,舒服都呢.....一返到去係咁訓訓訓....o係澳門又日日係咁食,全街又係賣手信地方,佢o地拎住個夾o係咁比杏仁餅+豬肉乾試食,仲係大大件咁比,食到我都唔知咩味lu...食o左一間之後,後面o個間又會拉客又從新試過....再問"好唔好味呀?"我食到第三間就好飽,話唔要,因為我口都未吞完,手又好多o野食,不過佢o地依然會� ...

查看更多...

84 瀏覽數 | 發表評論 | 與朋友共享 | 推薦