網誌
2006年1月31日 上午11點36分02秒初三
一月三十一日 星期二
今日唔洗拜年~成家係家企開枱打麻雀^皿^^
打左8圈..1蚊番輸左5蚊雞俾阿ba,阿哥嬴得最多...
夜晚開電腦玩左陣...都冇乜野做
聽日約miki去唱k.....唔知阿七佢地去唔去呢~
2006年1月30日 下午4點26分00秒年初二
一月三十日 星期一
今日係屋企等到5點靚6點先出門去婆婆屋企,
食完飯就同表姐表哥表弟表妹等等七八個人玩大富翁豪華版
=3=玩完淨番萬靚蚊....展哥係大WINNER!!!
之後以諾個d走先...我地就同表姐玩德國式橋牌(簡單個隻)
好好玩...>_<我初初係大嬴家黎架...衰後尾之ma!!!
之後玩到12點左右就番歸lu~^_^
2006年1月29日 下午3點27分01秒諗
哩兩日我都諗起哩位男士.....
其實佢都幾衰,點解我仲要對佢咁好,
初初我地都係好朋友,但係之後佢話鐘意我
然後又因為其他人特別係一個女仔又同我講,
佢好憎我,我地唔係朋友諸如似類等等
後來仲鐘意埋個個女仔
到最後發現原來個個女仔好衰
而家又當冇野咁對住我
雖然有時我都feel你有d避忌我,咁我都冇咩野~~
但係避個個唔係應該係我咩!?
而家諗番真係覺得自己好傻,
點解可以當冇事發生,去忍你地以前點樣對我,
根本好多野都係個個女仔作出黎既,好多野都係屈我架囉""
唔係話佢咁講,你諗落又覺得好似係咁樣...
而係人地咁樣講,你潛意識就咁係咁樣,,好自然你就會咁覺得!!
以前我唔理你地點講係因為我覺得你地好白痴好幼稚
而家諗番就覺得好唔抵..俾人咁屈都唔理唔出聲~
不過算啦~唔理都岩既~
清者自清
不過我好睇唔起哩位男仔....佷抱歉..........
2006年1月29日 下午3點00分33秒年初一(好黑)
一月二十九日 星期日
今日訓到好晏先起身..
起身冇耐就食野,食完就換衫出阿麻到~
我個嘴唇依然係咁腫....
去到阿麻到好似係3點左右...到4點幾就歸家lu~
臨走個陣先發現唔見左隻公仔..(我掛係身)
好得意架,我勁鐘意!!
之後都搵唔番~係回程個陣,隻鞋踭又爛左..x下x下咁行~
番到上水阿ba話買對鞋俾我...點知最後變左阿哥俾錢..= ="(預左)
買完去PIZZA HUT食..之後番屋企整電腦個d
睇行運超人^_^
我係勁黑囉今年...明明係行好運架ma!!!!!!!!!!!!!
2006年1月28日 上午11點31分03秒沙田
一月二十八日 星期六
今日神咁早約左阿七佢地去睇賊壇新人王..
點知我唔知醒~可能因為琴晚幫阿哥整野整到好晏,
訓到十點半左右先起身,搞到佢地冇得睇早場..
之後仲搞出左個誤會 真係對唔住＞^< 冇下次....>
之後番到屋企,個嘴唇腫左...阿ma話我食個d咳藥水食得多得制
之後食左d野就訓大教lu
訓醒阿麻已經黎到....仲夠鐘食飯添=3=
食野個陣個嘴唇好似要爆裂咁..痛痛的
之後睇頒獎典禮^_^"
恭喜發財+新年快樂!~