網誌
2005年11月30日 下午2點17分30秒account 測驗
十一月三十日 星期三
今日大部分既時間都唔記得晒發生過既野 =-=
放學個陣囉最記得係..
今日放學個陣要留低測會計 /3\唔識阿 乜都唔記得晒 嗚~~~1/3都冇就交左lu
測完就等ms同我地補課 得六條友 唔錯 得咁少人 嘻嘻!!
本來我仲係蒙下蒙下咁 暈暈地咁 之後做做下突然醒左 勁做勁做
好快咁就做完 =3=其實都唔係好快..係快佢地少少咁咋ma 呵呵
走lu 同之之去行下咁 傾計囉 個個人真係有進一步既行動=-=
哈哈 之之講得好搞笑 『 佢係咁搞d野出黎 但係你(姐係我)唔想郁 』我覺得都講得幾岩架啵
不過始終都係個句啦~90好白痴 搞咁多野 為咩?就係為左證明佢勁過我=-=
但係我又唔在乎哩d野 咁其實佢真係幾多此一舉 right?
夜晚食完飯之後同阿哥一齊玩天堂2新人 哈哈 勁搞笑 阿哥話睇番我個mond角度好怪
都升得好快 唔洗半個鐘就升到22lv又有好多money=-=crazy的 就係咁升lv就有成2百萬左右
之後打到死左 番村個陣因為阿哥個部機load得慢所以都冇玩到lu
跟住就黎寫日記 不過咩都唔記得晒=-=e希記得少少咁 
2005年11月29日 下午1點28分33秒食錯野
十一月二十九日 星期二
今日冇econ堂勁開心
而且又有va上..不過後來知道ms chan冇返 好采都俾我地畫畫~呵呵
不過我進度好慢2堂先畫左一邊耳仔~too bad!!要加油加油
apple今日冇番 海c話佢眼腫 下午先番 番黎上va=-=奸精!!敏敏哩個傻妹胃痛痛到喊左3堂先早退
放學之之吹我走!!我地好快好快咁就出左門口喇..去到粉中定咩個陣見到肥魚係到穿耳 
哩個時候穿分明就係到返
學校顯野啦 ~!!我同之之仲諗住入去睇 點知個老闆娘趕我地出去話係出面等 陣間先睇喎 車~咁咪出去囉..睇左一陣
就走佬lu 之後去惠康逛 因為之之想要野飲 要左2盒硬糖 仲諗住去萬寧搵糖 點知搵唔到~@o@
跟住就踩上去之之屋企 佢講番以前d事 我就講番俾佢聽詳細資料 原來個個人都屈得我幾勁下~呵呵 唔知之之信邊個呢~
唔理lu 都過左咁耐咯..無謂煩啦^_^
之之近排好happy 反而我好唔happy 都係一d感情煩惱姐 我諗都差唔多要解決架喇 因為都拖左好耐 想快d解決
俾心機上堂~因為而家無辦法專心上堂
點算呢 好緊張阿>﹏<
係喎~今日勁準時岩岩好搭正返到hOME 自己都估唔到 食完晚飯之後竟然肚痾 好恐怖阿 痾水 be li ba la
想要一舊屎都冇阿 嗚~頭先係之之屋企個肚仔都已經開始痛痛到架喇~估唔到返到黎咁...樣......
媽媽話我食錯野喎/﹏\但係我好似冇咩點食過野..
十一月二十八日 星期一
完全冇心情 電腦?咪煩我!!
2005年11月27日 上午10點31分53秒冇晒心情
十一月二十七日 星期日
今日朝早訓訓下聽到宮介把聲就即刻起身睇..之後拎之之條頸巾出黎織
唉~5c班新人王做到結局..睇左咁多次咁多次我都會眼濕濕
之後見到媽媽有新書睇
西點個d 都好厚下~之後就梗係整番個黎玩下啦..初初以為失敗左..點知烘完出黎好好味
跟住之之add我話悶 冇估錯!!
佢果然save左我日記~
佢又問2號個d野..我地明明一早講好左2號去架ma~佢又話唔多想去
我原本心情已經唔多好 我根本冇心情去做每一樣野...好"文"
之從我日記知道我剪左頭髮 想睇 跟住就話玩眼仔要睇下..我用部手提電腦同佢玩..
因為得哩部最方便!!但係window msg冇得玩 要裝msn msg 好煩好煩..真係冇咩心情!!
阿七幫我搵歌搵得好快架姐 一陣間就dl到..唔該晒>#<""
跟住之後都不停發皮死!!真係冇晒mood!!好煩好多野都好煩..
今日真係好sorry~發咁多皮死!!
2005年11月26日 下午4點04分04秒織冷
十一月二十六日 星期六
今朝一早就同媽媽落左街 去左大快活食早餐跟住就去剪頭髮喇~
個師父d手法有d怪 令我覺得佢好似係呃錢既咁 ..
雖然出黎效果唔係我心目中既型 但係佢最後用左個個夾黎同我拉直d頭髮直左 好靚>3<好舒服!!
唔知個頭過到日呢? 番到屋企就對住個電腦成個下午..
呵呵~拎左隻眼仔出黎玩影低左而家個樣hehe
阿媽幫我汁左個書枱~ok靚啦...食完飯睇spider man,都幾正~
跟住就拎白色個舊冷出織..激氣!!織極都唔靚..拆完又織 織完又拆 激鬼氣唔織 拆晒佢
跟住就拎之之俾我個舊冷出黎織~呵呵 哩舊織得好靚阿 d色有少少層次感 幾靚~
爸爸用完電腦我就黎寫日言己!!icq好人online阿=-=
過左一陣之之就黎add我問我係咪2號去disney一定唔會啦~2
號要留番黎買禮物呀ma~好重要架
本來以為阿七唔on~點知on左啵~我地就3個條友開msn喇~
hehe討論阿七同阿倫生日慶祝d時間 最衰係我夜晚唔出得街 超~
唔係咩時間都得 唔洗煩
個頭好直好鐘意~真係想長期keep住咁樣~
2005年11月25日 下午12點23分56秒得來全不費功夫
琴晚coco話今朝會早d番到黎~果然下~真係早左返黎 都幾開心
lunch之之同我地一齊去左嘉褔食 唔知點解突然冇晒mood@o@勁唔想講野!!!
可能因為又係個件事啦 搞到我咁心神彷彿
對唔住阿之之coco
放學要留低作文阿
都係因為我上堂個陣係到發夢啦 個個係到作文我就停晒手
coco唔等我走先=3=俾左部柒機我拎住........個個死白痴coco要番學校拎番部電話(之前俾人收左)
真係低低地..點解頭先唔拎左先走呢..而家要行番轉頭!!!仲要最後係搵唔到阿sir添.....激氣!
跟住食完m記就去左上水廣場差電=-=個部柒機!!打落之後都係係彩園
兜兜轉轉(幫coco搵課程個d野)..上上落落4次
係咁俾人點黎點去
又話3樓跟住又地下又上番去3樓來回4次阿搵左成個鐘左右..終於搵到喇~
不過1月先有課程 coco就留低電話名 之後我地就好高興咁走去上水廣場拎番個電話..
真係得來全不費功夫!!
不過我地打俾波蘿個陣..預料之內..佢果然等得唔耐煩
發皮死!!
跟住好快咁就車左我歸家 雖然行左咁多轉好熱出晒汗 但係我都幾開心 ^o^呵呵
今日我認識左波蘿~幾好人阿 不過coco搞到佢好似司機咁 好慘
聽日可能去剪頭髮喔.....@@唔知會剪成點呢~