2006年1月8日 下午4點27分41秒珍珍的心底話

男人? 男人!

熱戀o既時候，男人抱住女人睡，女人就話：「你抱得我太緊啦，好熱呀! 我就快窒息啦。」 男人笑住咁講：「我鍾意抱住妳呀，如果唔係我睡不著。」 當佢地成為夫妻之後,有一天女人投訴：「你晚上睡覺都無抱著我，咁同我一個人睡有乜野分別喎!」 男人懶洋洋咁講：「晚上抱著人，我點睡覺喎! 抱在一起，大家都睡得唔好，唔通妳唔覺得咩?」

熱戀o既時候，男人會突然係鬧市中將女人抱起，走長長o既一段路。 女人就笑住咁講：「你癡線架?快o的將我放低啦!比人睇到唔好啦!」 男人就話：「怕咩呀?我鍾意抱住妳!」 若干年之後，女人在鬧市中向男人撒嬌:「抱我!」 男人說:「妳癡線架咩?」

熱戀o既時候，女人同男人講：「抱我!」 男人就乖乖彎腰，將女人抱上床。 若干年之後，女人同男人講：「抱我上床!」 男人沒好氣咁講：「妳自己唔會上床咩?」

熱戀o既時候，男人向女人許諾：「即使妳將來變成一個大肥婆，我都要日日咁抱住妳；妳變成老太婆，我都會繼續抱住妳!」 若干年之後，女人肥左亦都老左，想叫個男人抱，男人沒好氣咁話：「妳仲後生咩?」

好難相信，當日抱妳同若干年之後唔抱妳o既，竟係同一個男人，世事往往如此啦。 結婚後，佢抱妳，福氣啦! 佢唔抱妳，正常啦!

270 瀏覽數 | 3 評論 | 與朋友共享 | 推薦