2008年8月29日 上午6點11分31秒H: It's nice because of you!

29/8/2008

話說Pippen到左台灣打兩場表演賽，hk-kicks主腦H去左做訪問，發生左一件事......

訪問唯一好笑的是我問Pip 有冇看奧運，他說沒有，另外我問ESPN 有一投票大部份人也認為1992 Dream Team 比2008 USAB 强，當我問他意見時佢竟然話我冇講過，係你哋話咋~~ 好搞笑

最後臨走前Pip 竟然指著我對紅Flight 說我留意了你的鞋很久，Nice Shoes! 我也回答他說「it’s nice because of you!」之後道別! 我竟然和我童年偶像交談，雖然短短一句，也勝過千言萬語

練波
http://www.youtube.com/watch?v=4oNocn45mgc
http://www.youtube.com/watch?v=O5ui5N06C6U

嘩...Pip主動同H講野，仲要唔係訪問內容，實在太令人感動...

如果我都有幸同Pip見個面就好咯......

 

對紅flight我都有...真係正鞋一對！

2008年8月15日 上午6點51分18秒Basketball fever!!!

14/8/2008

近排多左打波，Joe's fds(已經係我d fds...搵我多過搵你呀...嘿嘿)慶之所致約打波，不過佢地可能平時都有係sau mau ping打，只係近半年我多左join佢地d節目至約埋我呱~早幾年Frankie會成日約打，但佢轉工後好似無同佢打過lu~

o係觀塘泳池隔離打，行出去都唔使10分鐘，真係好爽~11點打完，返到屋企只係11點3，沖埋涼洗埋頭都唔過12點...比起平時起碼1點先返到屋企，沖涼洗頭要2點先有得訓真係差天共地啊...
不過佢地打好夜，有時成9點半先到球場...

佢地真係好鬼積極，一星期打兩次，逢二、四打！同佢地打，感覺好新鮮，可能因為自己角色完全唔同左...
平時同自己友打，火力好充足，可以講我唔係重心，拎到波亦唔夠信心去攻...畀人lead緊更加唔使我攻，d體力通常都係用左o係做下防守、頂下位、做下檔，有波有空位就座地炮，o岩位就打下背籃~

如今我竟然要分波、剷籃、打籃底...有點似爆石既角色，mark人我要mark人地最高最大隻既，畀人爆到7彩...(顯然對於我來說是吃力的...哈哈)
講開剷籃，自從04年o個次整親，基本上我已經好少好少上籃，一來腳係有dd痛，二來腳上個陰影真係一個陰影......

佢地無爆石波比咁好波，又唔穩定，所以我依家咁打，嘗試多左，信心大左...個feel唔錯...

 

頂...打到兩隻趾公漬晒瘀血...一隻仲離晒甲...痛膠叉到呢...=___=

2008年8月14日 上午6點01分41秒流星

14/8/2008

尋晚一點幾，照樣訓係床睇星星，月亮好光，d星都好光，一直望住o個粒最光既星(應該是金星吧...定係火星...唔記得...)，突然間好似見到流星...係左邊劃去右邊，我即時爬去窗邊，已經唔見左lu...今次應該是流星吧...

即時回想起之前係床睇星時，見到一個不明物體飛過，o個一個一定唔係流星，因為大好多好多，唔岩比例，快好多，一定唔係飛機、流星...

即刻send個sms畀Joe：我見到唔知流星定UFO呀！(當然我知道係流星，只係remind起之前見到UFO才順帶一提---不明飛行物體，唔係外星人...唔好攪亂...)

因為我尋晚提起將兩隻大蟻暫頭處死了，阿媽話七月十四叫我放生...呢排屋企出面好多大蟻爬入屋，最多試過一晚卒碎至少4, 50隻！係卒碎...我諗咁樣佢地死得無咁痛苦呱...

Joe既回覆係：係鬼...(好一個爛gag...我心諗)

訓係床都見到流星都幾攪笑...過埋今個禮拜應該唔可以睇到lu，因為買左張新床，個位置應該唔可以望住個天......

阿Joe話你唔許願?! 真係有用就好咯...haha

2008年8月12日 上午9點57分37秒OH MY PIPPEN!!

12/8/2008

PIPPEN 1終於復克，HK 8月18日有得賣，價錢係...$1199...貴！
(雖然當年好似係賣$1249，當時諗都無諗過擁有...)

PIPPEN 8月29, 30日會去台灣打表演賽，同場仲有Bulls既隊友BJ Armstrong、Drexler、Glen Rice

籃球迷必看的球賽經典　NBA台灣傳奇明星賽首次登場!

成立了六十餘年、職業籃球的最高殿堂、創造全球籃球奇蹟的美國NBA籃球聯賽，終於要來台灣了！這一次，不僅「籃球之神」麥可喬丹的最佳戰友──史考特皮朋 (Scottie Pippen)和三分神射手阿姆斯壯(B.J. Armstrong)將初次登「台」，當年夏洛特黃蜂隊的超級得分王葛倫萊斯(Glen Rice)，以及NBA史上最偉大的後衛之一、人稱「克萊德滑翔機」(Clyde the Glide)的克萊德崔斯勒(Clyde Drexler)均將來台展現高超球技；而在NBA正式賽事中不可或缺的啦啦隊、吉祥物，也都將在本賽事中現身；這絕對是本年度最熱鬧、最精采的籃球比賽，無論你是否喜愛籃球，這都是你不可錯過的籃球盛事！

活動地點、日期：
臺北小巨蛋　　2008/8/29(五)
新竹Audi Center 2008/8/30 (六)
票價：
台北：8000, 7000, 6000, 3500, 2500, 2000, 1000, 800, 600
新竹：4000, 3000, 2000, 1500, 600

今次真係最近、最有機會見到Pip既一次，可惜無大假...同埋太遲知道了...

唉...球員席後面既飛只係HK2千幾，我覺得好抵...相對之前爆石同我講佢買左USAB Macau飛唔知5百幾定6百幾抵，因為Pippen...只要畀我有機會同佢講一句野、握個手、影一張合照或者係我件波衫上簽名...無憾了...=__=。

對上一次Pip去Macau威尼斯人做宣傳，路經HK(只係轉機)，以為最近既一次，點知今次係"有機會"見到佢...

我諗過埋今次，都幾難再有機會了...始終依家有威尼斯人，邊個會畀錢係HK攪呢D function丫...係攪都係Macau攪啦...(攪完台灣去Macau都好喎！)

 

唔知Pip會唔會著Pippen 1打台灣個表演賽呢~

2008年8月12日 上午3點32分14秒中美大戰

10/8/2008

叫婷婷10點半叫我起身執房，佢走上我張床跳黎跳去、又坐係床尾打機睇書...最後我都係差唔多12點先起身...哈哈

好想睇奧運，但又要執房...執左成日，掉左好多好多野，抹下電腦檯上面d玩具既塵...真係有0.5cm厚...@@...執到勁累...但好似執唔到d咩咁...仲係咁多野...晚上中美大戰，明天繼續...

開波前個個支持中國，中國必勝，仲播埋奧海城點支持又剩...打完，輸左31分，就話已經打到水準...播都無播奧海城D觀眾咩反應，好心啦...做戲做全套...輸左又唔算難睇...中國雖敗尤榮既...美國水準高贏係正常，中國未腳軟前都打得幾好啦......

孫悅就黎同KOBE做隊友添！

好彩無睇無線...聽阿叻廢up會講粗口...

第一次同阿爸睇晒全場籃球賽事，仲食住薯片飲啤酒，感覺好warm啊...haha
睇到D靚波，阿爸都"嘩！"左出黎...哈哈