網誌
2008年3月31日 上午7點58分51秒Saturday Fever!!
29/3/2008
今week交唔到功課，差1/3題，下星期先交，今日上堂有d滿足感，但阿sir係咁問我野囉...勁答...勁答...頂...@@
唔識畫畫既我都畫到似似地...幾有滿足感！(當然skill係差...但過到自己個關喇！)
唔係掃瞄堂，just pick some leaf then sketch it to present +/- and balance...希望拎到高分d...
係樓下公園擇既
大功告成！
約左Joe fds去北角街市dinner，聽聞幾出名，類似小菜王既大排檔，野食特色好多，由於太多人要book位，只得返6點半同9點半揀，食6點半，阿sir OT上堂上到7點...@@
用碗飲beer...好攪笑...飲完先見到個"勝"字...haha
食飽只係8點幾，太早喇，大家都想搵下場，搭丁丁去CWB諗住drink一drink，二佬話有間男仕$200女仕$120，行一陣街就去啦~Franc Franc見到既coffee cup~funny！
點知baby & fds係TST包場玩，涼粉個D明天又要返工，最後得7人，但傻平又唔太想去...擾攘左一輪，終於畀我地真誠打動...10點幾拉隊出發！
最衰Ryan約左人打牌...阿Joe話：你好排住佢呀...@@
漬哥前一晚先同丹石淺嘗完，佢唔去，最後都無約大家lu...
我叫埋二佬join，佢好開心咁款...我唔係對你好好咋喎...使唔使咁溫情呀...@@
地方幾好，裝修唔錯，saturday貴少少240, 140，不過都好抵！Joe佢地係咁影相...d野飲都幾好，service又唔錯，會suggest女仔先試細渣試味，又remind女仔飲完有蛋既cocktail唔好飲lemon，幾細心！唔同登龍街個d求求其其~
最後家偉到埋，二佬同佢d女女fds點幾鐘到埋，total都有成11人，唔知邊條旦散倒瀉成杯落我右脾...左腳爭都濕埋...本來家偉認左後尾又話吹水...haha
今晚發現一樣野，就係所有男人一樣架，又多一個好男人形象破滅！PK既點只爆生一個~You're not alone！hahaha
各(表面)好男人，請自重喇~~~haha
sor呀~二佬...HAHAHAHAHAHAHAHAHA
最後走人，同二佬, Joe taxi回家，二佬幾型...唔係兜阿Joe回家先...你估你阿哥我唔得咩...我唔會訓街架...haha...次次都自己搭小巴再行路架啦~竟然擔心我...溫馨得有點打冷震...haha
阿Joe好評好潮，你終於明白點解我次次同Ryan玩完都講足一日點好玩呢！又減壓又開心！又溫情...二佬畀我feel到...@@
Joe仲話想下次再去，急到諗下星期六...@@...點知要同媽媽回鄉...
我同Ryan做左review後，Ryan都話去，仲話呢度慳左咁多(佢次次都同Winnie去)搭埋taxi都平過平時~
但Joe要我, Ryan等埋佢先去...haha...睇黎你真係幾like啵...haha
We love Saturday Fever！
2008年3月26日 上午6點52分09秒Easter Holiday
20-24/3/2008
星期4晚無波打，回家途中Ryan約去drink，點知佢d fds唔去，我就約下自己友啦~
最後得丹、漬兩條基佬得閒，加埋Fennie, Winnie一行6人照去~
本來諗住玩一陣...最後差唔多天光先走...@@間野雖然無乜客，但實在好平......已記錄在案！
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
星期五去石澳影相，尋晚太早自返到屋企，遲左起身，去到賠個不是就出發喇！阿Joe話d相太高清喎...女仔就係咁...清又話清得濟...哈哈
好在唔熱唔曬，幾好！影完出去MK食發記...唔好食...@@再join埋大家去稻香打邊爐，野食好齋~健康~哈哈
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
星期六同Joe、小真行CWB、食飯。d sales真係好得...@@
係味千影左幾張secret window...hahahahahaha扮得唔太似...@@
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
星期日一早畀婷婷捉我起身，二佬女友帶左部wii黎玩，係咁玩係咁玩，我打拳打到好似真打一樣，呢兩日成個上身d肌肉痛到痴線，手瓜胸肌背肌勁漲...(係...你無睇錯...胸肌真係走左少少出黎...)好似舉完啞呤咁...FEEL GOOD!!
屋企個廳唔夠深又唔夠闊，打乒乓波唔夠爽，我d動作真係好專業呢~~~笑死大家...hahahaha
星期一人人放假，返工又無野做唔想返，請左假，下午同Joe又wii，又累到PK......哈哈
雖然部野係人地既，整黎笑下都好...但Joe唔太似...佢個樣太唔卡通喇...haha...只係似.......唔講得...會畀人殺死我......
]
頂...係幾似...似鄭中基多d呱...哈哈...d人整我時係咁整d闊額、點點眉、削面、極端瘦長...畀我...使唔使去到咁盡呀~~~~雖然我d特徵係幾易畫......頂....哈哈
婷婷去左兩日舅父度，尋晚去完迪士尼返來lu......
一返來叫完我...唔係走埋我度...而係抱實"陳國寶"(佢最愛既熊貓仔公仔...個名衰到呢...haha)...又話熊貓仔掛住佢...喊喎...
又唔見你理下我......衰女......
2008年3月17日 上午8點26分10秒WEEKEND
15/3/2008
放學後同Joe去CWB行街，見到Sogo 21/F有adidas, nike, reebok特賣場，上去睇下有咩平野~
無意中執到件adidas Kobe tee!!! 但Kobe腳踏nike 2K5...funny~~~hahahahahaha
ADIDAS X NIKE X KB24!!!haha
仲買左件adi風褸，打波日有褸著lu，上次著衛衣無得除熱到我標晒汗......@@
行經bossini，見到有mario tee，有Joe既print...磨菇呀~~~haha...即刻買件畀婷婷
Joe Joe姐姐 x Yoyo......XD
行左陣，去翠華食飯，因為太想食個度既咖哩羊扒 + 印度烤餅 + 凍啡!!!
翠華無位，去左隔離個間...都係翠華但唔同舖名，好似無第一次咁好食...但都算好正!! Joe食松出江湖...牛柳...又係無隔離咁好食...唔通因為唔同廚房?!
吹下水就成12點了，明早去拜婆婆...9點出到荃灣...嘩...早到呢......
婷婷唔舒服要由"丫田"帶去睇醫生，無得去...喊到飛起...
下午阿和約dinner，可惜已經on the way，費事再出tsuen wan...
婷婷無得去街，租左兩隻碟睇(本來想買DVD...但白痴地租左VCD...@@)
陪佢先睇"加菲貓"...之後再自己睇"尋找快樂的故事"，太感人了...
之後睇獎門人，如果有份一齊玩你話幾好呢~~~~~~HAHA
夜晚敷個孖屎，第一次敷，個樣太爆笑了...再同Joe 3G，嘩~~~我就笑Q死佢...佢就...嚇Q死我...係房敷D lighting...好驚嚇啊~~~有睇3G真好玩~~~
幪面超人入面既...嘰嘰兵...XD
2008年3月7日 上午6點28分53秒煩煩煩煩煩
6/3/2008
近排好煩，煩轉工，煩開學，煩理財，煩將來......
明天又開學，奇怪地好驚，驚handle唔到，驚揀錯...(會唔會太遲...已經洗濕晒個頭...)仲有兩個course如無意外下年中應該讀完，到時先轉工? 依家轉的話，應該入行先定係做返呢行先? 如入行先，cert都未有又驚無人請，又唔可以停落黎唔做野，依家入行cert都未有一定影響收入，唔轉工又就黎痴線...(其實應該一早痴線，但又得過且過到依家...)
驚...自信心不足嗎?! 有咩好愁，唔似我...我邊會諗野架...將來對於我咪又係空白一片......
diu...好能煩...腦交戰...點訓覺呀...
今晚一定要訓得著...聽日返學喇！
2008年3月6日 上午9點17分12秒夫妻理髮師
5/3/2008
頭髮已經好長，一直都好懶去剪髮，摷頭雖然唔差，但朝朝都懶去攪，戴頂帽就出門口，一星期起碼戴4日，發現戴冷帽原來好樣衰，戴左好鬼耐......@@又懶出Jimmy度剪，次次去親都等好耐，諗住求其係觀塘搵間，唔會太差......
尋日要陪Joe買野，就是旦係淘大附近剪，揀左好耐，搵到間好似OK，上樓的，去到門口個牌都OK，望入去，個髮型師都OK，好~就呢間！
入到去坐低左...出事喇...點解得兩條友既...仲要兩公婆...洗頭仔都無...大獲...私房理髮店?!
等左一陣，阿髮型師好乸有型咁攪下我D頭髮，就諗住剪......
我叫住佢："未洗頭喎！"
佢竟然答我："洗完我都同你吹乾先剪，一樣姐！"
唔識拒絕人既我就無奈地屈服啦...好~就睇下你點攪
問我點剪，我答左佢...
佢就話："你D頭髮太貼，剪唔到呢D架！"
我話："我戴左成日帽咋！" (貼到好似貓毛咁...)
佢又話："信我啦，唔關事架！你D頭髮太貼唔得架"
我又無奈地屈服了......我望一望塊鏡...大佬...我個位都未對正塊鏡...坐好d得呱......
已經心知不妙......佢一剪我就想講粗口，條仆街(忍唔住講粗口...sorry...)起勢咁用把牙剪剪呀剪、插下插，我仲以為佢係園丁係度剪盤景......越剪越少、越剪越薄，我由一開始望住塊鏡肉緊到最後呆滯，不足15分鐘，我d頭髮已經剪得所餘無幾，又少又薄...我已經講左我d頭髮幼，唔可以咁架啦...頂佢個肺...
好~唔剪都剪左，見仲可以摷到頭，我算，去洗頭(第一次)，洗左兩次洗頭水，仆街，護髮都無落，嘩...使唔使咁慳呀...我只係想快d走......
吹完頭，仆街再一次拎起佢把牙剪...又出招喇...手起刀落、手起刀落，你老味...d頭髮少能到可憐......半粒鐘前我係一個成年人，半粒鐘後，只睇個頭我仲以為我係小學生......
更仆街係...無再洗多次頭...只係用風筒下d頭髮...我只想快走......再佢幫我摷頭...吊...摷到無朋友......好似80年代d飛仔咁......好能想吊7佢...但我實在太友善，拿拿臨畀錢走人...我仲"唔該"佢地......點解我咁有禮貌呢......@@
落到樓下，唔知咩事，有幾個差佬查緊人身份證，佢望住我一陣，可能睇見我個柒頭加埋怒氣沖沖既表情，知我好能慘，無查我......
即刻頭dum dum走去toilet攪好d...點知攪唔掂...戴返頂帽算數......
呢d咁既夫妻理髮師點做生意...求膠其剪幾下收你一舊...幾驚佢問我剃唔剃鬚，一頸血都似......
返到屋企洗完個頭，我仲以為見到BERT...邊個係BERT? 睇下下面......
唔好笑我...喂...人地咁慘...你仲笑...叫你唔好笑呀....仲笑......
咩呀...諗住唔留言我就唔知你笑呀...我知架......笑.......