網誌
2008年2月28日 上午6點41分02秒德國咸豬手!!!
27/2/2008
約左Joe dinner，等到8點幾好鬼肚餓，近近地去左九龍灣椰林閣，我叫左焗羊膝，Joe叫左德國咸豬手......
等左好耐...先黎我個碟，賣相好唔得...再等左一陣，德國咸豬手一到...嘩~~~好X大隻囉...放係Joe面前...隔離檯D人都笑晒...豬手大件過羊膝成個double...唔理好唔好食...即刻拎部電話影低佢......德國d豬咪好Q大隻?!hahahaha...
你好大食呀~~~~hahahaha
由於太好笑...唔記得左影自己隻羊膝......
食飽再無無聊聊影下相...
大家都太累又頭痛，最後搭車返歸lu~~~
PS. 呢餐阿Joe請食飯......@@
2008年2月25日 上午1點27分00秒I could never be your woman
23/2/2008
呢排成日都好想睇愛情片，諗住放半晝去睇"誘心唔怕遲"，九龍只得懶豪放同奧海城，奧遴半粒鍾4:20，就睇奧啦~等阿女主角dress up...等呀等...等呀等...我同布布已經影左好多張相...由廳影到露台...再由露台影返入廳...3點半先攪掂......
點知...去到MTR發現無帶ID CARD...返去拎...3點10先正式出發...太遲了...又好想睇...去到MK就急步趕去囉~~~4點5先到...仲要買即場要同普通買飛一齊排隊...個小妹妹仲慢到PK...真係頂丫...haha...入到去已經開左場lu...
好普通既love story，不過睇完會開心都唔算晒錢既~
米雪飛花實在太索...雖然老左好多~條腿正到暈...
食左個好好好好好好好好好正既芝士包，實在太好味.....
面包超人係變左面包......hahaha
遊左一轉地鐵河，行去Jordan食澳洲牛奶，之後又係行街，行到咁上下就返歸了~
阿媽食錯藥唔舒服，阿爸陪佢入左急症室，婷婷訓訓下發現唔見左人，打電話畀我喊到幾淒涼...送阿Joe到樓下就即刻的返home啦~~~
2008年2月21日 下午5點41分20秒Thanks Ryan!
21/2/2008
下午Ryan約今晚dinner睇戲，long time no drink with him，佢想睇魔街理髮師，我都想睇好耐，Joe同Winnie都無興趣，我地兩條友自己睇！fit晒~對上一次二人睇戲已經係"殺破浪"了~
先去麻布茶坊食飯，已經唔覺以前咁好食，吹下水...唔傾由自可...一傾...瀨野啦...佢見咁既氣氛諗住唔睇戲(已經買左飛)改去drink，但約唔到腳，閣置了~照舊睇戲吧！
我覺得套戲唔差，係幾血腥，但已經唔係描繪得好深，只係官感上太可怕~
肉批女主人為左愛講了一個大話，隱瞞了事實，間接令到Todd堅決地選擇報復這條路......如當初見面時和盤托出地說妻子只是瘋了，那Todd未必會咁做......
一個人這樣做，最後未必得到自己所想的，甚至反效果，如果一早將事實之全部說出來，未必會攪到今日這田地......決定，是對?是錯? 不敢認同......
一直一相情願地以為這樣是正確，傷到的只會更多......stop it? keep going? 越來越深只會越拖越久......
really hard feeling after talking with you during dinner tonight......but thanks for remind, my friend......my best friend......
the windows of soul are getting wet...can't weep is the worst thing in the world actually......
can't fall asleep...wanna get drunk...suck...
2008年2月19日 上午9點23分06秒Debbie
19/2/2008
剛剛打去同Debbie拜年討利是...哈哈，實情係問候一下幾時生得，原來預產期係3月12日，時間真係過得好快......話咁快就生得......一索得男，可喜可賀啊！
睇黎係時候order定滿月禮物喇！一search之下...d衫仔好鬼靚啊......
嘩...呢套好正......for 12個月的......
Jessica年尾結婚，09年尾到Ryan，時間真係過得好快，識左佢地都好多年了......原來自己今年已經27歲了......驚......
2008年2月19日 上午6點15分25秒心情靚爆的一天
16/2/2008
情人節買唔到飛睇呢套，16號放工去九龍灣睇，買左3點55，等到餓死先見到最佳女主角出現...兩粒鐘呀~~~@@
好好睇，真係好好睇，比我預期好好多好多...開頭睇到男角咁樣衰真係有D反胃...
但全部真人都非常似由童話跳出來既角色...餅印咁...哈哈~D歌仲好正~
卡通場面拍成真人版竟然可以咁好睇......睇完個人會好開心！要買DVD畀婷婷睇！
以上不是影評不是廣告啊~呵呵呵~
睇完戲無地方去，又出左旺角行下，買左件衫...下回影左再講...太正...太正...太正......
PS.唔知點解呢兩日心情靚到爆，D燥氣全消...可能同前日睇左套LOVE STORY有關......