2007年12月17日 上午5點03分23秒鬼佬

17/12/2007

是日午餐!!

要進補，食鬼佬

條腸一定係外國進口，邊得黎咁粗咁長......

2007年12月13日 上午7點46分56秒世上點只媽媽好

13/12/2007

尋日唔知點解左眼又紅又痕，隨口同阿爸講句，飲水時喉嚨又痛痛地，隨口同阿爸講多句，阿爸話我可能夜訓有火，問我近唔近乜乜堂，叫我飲枝野葛菜水，我話都唔知邊度有...最後不了了知返左房做功課......

今朝10點幾阿爸打黎，問我幾點食lunch，以為約我食飯，原來唔係...係特登買左枝野葛菜水拎畀我，真係估唔到......之後襯老細一早出街，call阿爸早d拎畀我，費事佢咁趕做下一轉order，係office樓下拎，禁區唔停得車，都未講到一句野就開車走了，只係講左一句byebye...但好WARM...

D味道怪怪地...但我覺得好好飲，仲有D唔捨得飲，真係好WARM......飲完喉嚨好似唔痛添......

我成日都想叫佢食少D煙飲少D酒，但次次都好似好肉麻，難以啟齒咁，都係一句：嘩~你咁夜仲唔訓仲飲酒?聽朝唔使返工呀?? 但爸應該GET到我講乜既......

2007年12月11日 下午1點16分54秒回不了頭

回不了頭
文：王貽興

小時候吃飯只要有午餐肉和汽水就已經覺得很滿足，可是長大了就一邊吃午餐蛋麵灌汽水一邊埋怨擔憂，完全忘卻孩提時代的簡單和滿足。不斷追求更好的是人的本能，你小時候覺得午餐肉是世界上最美味最矜貴的東西，長大了點可能會喜歡吃咕嚕肉，到後來，可能已經變成愛吃東坡肉。追求更好的是人努力的原動力，可是起步點太高，或者一開始便已經得到太好，很可能會令人回不了頭，無法承受倒退的速度，對跌下來的痛楚難以招架。

飲食如是，住屋如是，買床褥亦如是。小時候睡的是竹蓆和乳膠床褥，卻一樣睡得香甜，發了不知多少個好夢，長大了卻開始吹毛求疵，又要雙面床墊一面羊毛一面茶樹黑酢，又要甚麼記憶床褥記憶枕，只是再好的記憶枕怎都無法喚起我們兒時單純而美好的記憶，一切追求不過是沒止境的追逐。戀人的母親說得很對，那些萬多二萬元的床褥你買回去又怎樣，屋是租回來的，又不是真正屬於你的家，反正還年輕，太早擁有這些過於美好的東西，將來回不了頭怎辦？

人就是這麼奇怪的生物。由簡至繁可，由繁到簡由有到無卻無法捱得過。擁有了就不想失去，擁有了就想永久擁有，有人太年輕考到車牌急急買車，後來無法負擔，卻死命不肯把車賣掉，就是因為捨不得，放不下，回不了頭。能夠看破的人不多，看破他人者多，事情發生在自己身上又真正看得破的卻沒多少個。我們一直以為前進才是唯一方向，卻不知道，原來只要轉過身，提起腳步，起點即終點，終點即起點，看得破，就衝得過。

**************************************************************************************************
原地踏步...今日已經是12月11日，功課一大堆等你完成，你還攪什麼鬼上什麼網......時間已經無多，拜拓積極點吧...提不起勁?!終歸要面對...你究竟明不明白?

昨晚見到朋友打波受傷，忽發奇想：如果受傷的是我，請幾天假，又出不到街，定必安安心心做完成部份功課，多好......你想也別想，不夠時間與人無尤，請假? 回去不是一大堆工作? 不好辭識吧......還是積極點吧！

功課困難重重...打波如是...腰始終不聽話，時不時的痛...一痛又幾天...明明簡單的動作...彎不下身做不到便做不到...雖則只是娛樂但我不想輸......

你仲打...仲打...好好文彩呀?! 又10點幾喇...一陣又話眼訓...那裡來的閒情逸緻在這裡舒發舒發......我頂你個肺丫......你去走喇喎......

(好似思覺失調...當係同我心入面隻鬼講野吧...)

2007年12月1日 上午4點48分23秒沒有糟糟的日子

26/11/2007

Joe又出trip又去法國，仲要去埋羅馬旅行...我又去機場...又係送機...我又要去呀!!

我影相佢至推車一陣咋~我做"咕哩"...呀...唔係...我去"送機"...自願既自願既...哈哈

食野時仲影左d唔見得人既相...哈哈

可惜佢同事太急躁...未夠鐘就要入閘，阻住晒......

整整一個星期都好free...(放假乎?!) 可惜近排財赤，無約Ryan drink...

今日返學兩點半...兩堂group埋一堂...咦...兩點喇喎...仆街遲到添......哈哈

禮拜六無節目...一人在家中感到焗促...無女伴就約下雀局...(呢首係歌來的...哈哈)

星期一就完喇...我個大假就咁完喇......哈哈

2007年12月1日 上午4點37分23秒SUNDAY

25/11/2007

婷婷(人地大個妹已經改名YOYO...@@)已經慣左每個Sunday同我去街...又去德福...又食超級三文治......

影親相都整古做怪!!

又係佢食焗薯，我食意粉...乜你唔悶既咩?! 佢話：好味丫嘛!! @@

唔記得帶NDS，食完影下女...呀...唔係...影下妹至岩...XD

本來諗住影下德福既聖誕佈置，呢個妹極度怕羞同唔合作，最後影左幾張走人...又去淘大行街...乜你唔悶既咩...佢話：多野行丫嘛... @@

慣性地又要我買野......又唔見你叫家姐(二佬)買......我林善D呀?!

***Joe Joe姐姐~下次同你影...唔好"烚燥"(一時唔記得左點寫...哈哈)***