網誌
2007年8月31日 上午8點57分34秒酒佬日記
30/8/2007
傻枰生日快樂！
今年又去謝生度...
Joe's fd真係好玩得，狂串都唔會嬲，只會不停反擊，笑鬼死...阿雞真係傻的...成杯酒潑落涼粉度，成臉成個上身濕晒...個刻真係呆左...但涼粉竟然一d都無嬲只係一路小一路抹臉...哈哈
今次我真係失禮晒@@，竟...然...醉...左...尾段斷左片...上次仲力戰咁多位...今次出事喇...我諗主要原因係29號晚出席完Silky生日，又drink過已經好累，30號晚再一次去阿謝生度...都未好好休息過...今次開頭仲同Derek隊beer之後又black label又少去小解...咪醉左囉...仲要阿南送我返屋企...要人送到家門真係咁大個仔第一次...仲要係taxi湯...好彩個時醒醒地，識湯出街...原來行緊車伸個頭出街湯會舒服d...哈哈
雖然講左好多次..."下次要control一下先得..."
不過我諗下次唔係連續既慶祝活動應該會咁傷...@@
*********************************************************************
大家一提起去泰國旅行又會咁踴躍，出奇係連Polly, Ka Shing都join...
睇黎要拎定passport喇......@___@
2007年8月21日 下午5點17分29秒I AM THE WINNER!!!
22/8/2007
YEAH~~~I AM THE WINNER!!!
又儲多一對喇!! 呢對搵左好耐，記得2003年剛剛上某波鞋網睇野，知道有得由US order野返黎，但最初唔敢join人地d group，好多Pippen jersey, sneakers都無買到 (加上o個時覺得至少HK$700一件swingman太貴)，最後o係yahoo bid左第一件Pippen Bulls home swingman，750大元，幾貴但值得!! 之後nba.com清貨，試下join group，同樣750但買到落場版，開心到爆，之後近幾年買左幾件Pippen落場, swingman, replica, sneakers以至figure，由搵到儲既過程都好正!!! 依家Pippen退左休d product買少見少，價錢合理而又岩size我都唔諗太多，始終千金難買心頭好，自己鍾意就得啦~~~
早幾日無意中search到對2K3(其實都唔係無意...)仲要岩SZ...全新 $350起BID，太太太正喇~~~
之前ON居過幾次，一早BID左，之後到期時唔記得睇住，今次醒水，最後一粒鐘捕住電腦前面，心目中6至7百我都捨得出，雖然發生D爆笑小插曲，最後都有驚無險以$480得手!!! 開心到要即刻打日記呀!!!
Pippen退休前一年2003年戰鞋黑紅色，好想快D交收啊!!!
朦朦地有D神秘感!! HE IS MY ALL TIME PLAYER!!
PIP @ 2K3 HOME (WHT/RED) COOOOOL~~~~~~~~~~~~~
2007年8月10日 上午10點27分37秒打風始終係唱K既好時機!!!
10/8/2007
都好耐無掛8號風球，好似係兩年，記得幾年前，係MK返工同D同事一打風就即慶唱K、到轉左KLN BAY返工就同Joe's fds唱，真係好過引，唔知點解硬係玩得較平日開心，可能因為o個半DAY假係BOUNS啦!!!
今日都要唱，但唔係即慶，天氣唔好唔使失望，派對會如期舉行架，壽星女要開心D啊!!!
橫掂到哩係室內，打風始終係唱K既好時機!!! CHEERSSS~~~
2007年8月7日 上午9點57分16秒全出!! 點知......
6/8/2007
最近影左兩卷120，頭一卷因為放得耐，裡面舊電無晒，好多張都under左，曬唔出。第二卷，有個白痴仔突然失憶，唔記得左TICK咩方向係B快門，最後記起後又唔記得TICK返，攪到全卷王家衛晒--->鬆郁曚@@
前日去拎相，期待非常，見到店員係袋上寫住"全出"，嘩~開心到我即時拎出黎睇......點知......12張有9張震晒1張reload多左...我先醒起我好似唔記得TICK返個B快門掣......SHIT...點解我咁ON DOT DOT架......
話說回頭，如果今次無出錯的話(其實都無得如果)，全部d色水都唔錯丫，自己幾鍾意!! 最清既一張都唔錯，要睇去我相簿睇吧!!
PS.呢兩次都無o係相舖scan film，用office個scanner，d畫質又再差dd...可以睇到scanner上的污跡...哈哈
我會記住"全出"呢兩個字，下次唔會再失手，要諗清楚先按快門！
有人話玩Holga係要個種預計唔到曬相出來既感覺，但我最近一次影完我想像到我將會得到咩feel咩色水 (又係個句...唔計鬆郁曚) 實在太好玩喇!!!
2007年8月2日 上午9點41分06秒Jack & Jessica B.Day
28-30/7/2007
年年到呢兩個月都好大支出，好多人生日......
同尿漬慶祝完，又同Jessica慶祝，3日玩兩晚真係幾甘，銀包又甘，人又甘，但真係幾happy!!
希望兩位都like份生日禮物啦!!
今次無Ryan都玩得幾好，Jessica同Queenie都好投入，係有人尾段感觸左d囉~哈哈