2007年7月28日 下午4點16分47秒新的學習

今天幫 2 同學做 helper 佢地今日個課題是講危機管理, 佢地把今日分成兩部份, 一是九型性恪, 另一部份是 NLP, 兩個部份我是熟識, 其實我都認為是有難度, 因為只用 3HR 講九型邊夠時間講, 比多3 ~4 倍時間就先有機會講解每一個型格面對危機管理的不同表現, 另外 NLP 方面相反就好免強可以如何利用NLP 的技巧去處理問題, 可是他今日想講的範圍太大, 有點劃蛇點精, 蜻蜓點水, 相反令受眾有點迷失, 若果把內容減少 5 成, 深入講解, 我相信效果會更好

相反我今日就學會更多, 更會把 NLP 如何整合, 使在不同的層面及介別的使用, 也在想, 若果是我在講, 我會如何講? 會用乜方法講, 會用乜故事, 乜活動?

我相信我會是一個好的培訓師, 同樣我也相信在我身邊一同成長的同學也會是一位好的培訓師

2007年7月21日 上午11點52分52秒激死我

激死我!!!!!!在 3 月底開始至6 月初合共8 堂接左一間機構為一所學校開 2 班 NLP 記憶法, 本來傾好在6 月初出糧比我, 但點知一直搞到現在都未出, 6 月就話未收學校簽到紙要 7 月初, 7 月初又話主管早前病左, 冇人簽名, 要 7 月20 號先有, 昨日打比我又話只有一半錢, 另一半錢吾知道另一個導師的名字, 所以出吾到

我真的想破口大駡, 你吾早同我講要人名,

今天見到佢, 話會星期一再 send 去總部, 但吾知是否可以在一個星期內做好, 可能要等到 30 號先有

我真的想死, 比佢地咁拖, 我又冇錢, 又冇錢比導師

 

2007年7月20日 下午3點42分18秒書展

今天去左書展行左大約7 hr , 好攰, 買左好多書, 有一些是一直都想買的熱門書, 最後都是買了, 另外又買了三兩本書是可以協助近來籌劃工作的書

總之今日就買左好多書, 揹得好辛苦又用左好多錢

2007年7月17日 下午4點06分52秒忙左一輪

原來又一個星期沒有寫日記 la

又忙左一個星期, 都沒有時間好好坐下來寫下日記

上星期返左大陸帶 camp

在整個過程中都有吾同的情況出現, 要我不斷的修正活動內容, 時間 要有好大的彈性, 好在我經驗足夠, 可以應付

另一方面, 在每次要講一段說話的時候, 我其實都吾知要講d 乜好, 但在心中只是知道有一個主題要分享, 咁我就開始去講, 一路講靈感就到, 而且又會看看他們的返應是否有在聽, 好在自己都有返小小經驗, 肚子裡都有小小墨水可以講幾句 

講開那個地方, 地方真的好大, 我步行左17 mins 先行左佢全個地區的五分一都冇,但可惜就是打理得吾好, 大就大, 在外看就 ok , 但一入室內就完全吾得, 好多野都壞或是爛, 我住的房就冇冷氣已經是大件事, 佢仲可以話是這樣 la , 沒有問題, 另外浴室的企缸的門又吾見左, 個水龍頭出水的速度超慢, 我去小便的力都大過佢, 而且浴缸的水又會滲左出去個廰到

最後在凌晨 12 點幾我支持吾住, 要佢同我換房, 其實之前提過, 但佢話冇房, 只有側邊一間三人房, 價錢吾同, 所以吾可以換比我, 我今次吾理佢, 價錢明天先同佢經理傾, 現在換比我, 其實我都怕同樣個冷氣吾得, 我在新的房間開左一個小時冷氣, 其實都吾覺冷, 不過張床就對住個出風口, 就算吾冷都起碼有風, 但問題又來la , 張床褥有一個住買低了, 不是平的, 嘩又令我想死的問題, 但吾理住 la , 瞓左先講, 因為已經點幾鐘, 第二日我要5 點9就身, 6 點半就同導師集合,

早上又有新發現, 個企缸是爛的, 總之就是一間爛店

唯一一個好處就是有一個樹林可以比玩活動, 同時個埸地真的好大好大好大, 如果由正門開始行路入去接待處, 我估都要起碼行 15 mins

 

 

2007年7月1日 下午3點51分30秒享受的CampING

好耐好耐沒有已參加者的身份的camp, 回想上一次可能是03 年 la, 今次是一間教會的福音營, 當然是老友叫去 la, 但整個過程都好輕鬆, 不重福音的味道

我當然主要去的目的是玩同休息, 又可以做小小工作的事,

在這三日裡我可以盡情玩我愛玩的 playing card, 因為好耐好耐冇玩, 第一晚我包尾二, 真沒有可能, 我會輸得咁慘!!!第二日我有一局可以拿到250 分, 真開心, 到了晚上我再玩又有兩局有超水準表現, 可以拿到 over 200 分, 真好玩, 但仍未夠, 好耐冇玩牌局 la

今早跟他們一齊崇拜, 是輕輕鬆鬆的一個早上, 有一個時間是可以點歌, (在 camp book 內有的歌) 我的老友出到去話想找一個人出來陪他唱一首歌. 他一直沒有講是那人, 直至他講了一句話, 有部份人就知道是---------------我, 因為他講跟那個人相識的日子, 在座超過一半的人都未出生, 在座的除我都不會有第二個人, 所以我就知道是我 la, 但最大件事是我沒有心理準備, 而且他唱的那首歌我是沒有聽過, 要即是學唱,

但最開心的是, 我一直有幾個老友在身邊, 雖然不是周時見面, 特別這幾年可能會一兩年或更長的時間沒有見面, 都因為各有各的忙碌, 但發現我們走在一起的時候, 都十分有默契, 我相信在我一生中, 這幾位朋友對我來說是十分重要, 我們都互相陪伴著對方成長, 當然有喜有悲, 有開心有爭執甚或打出手 (其實是我被打, 因我做錯了事) 的時候, 但我們的友誼是不變, 我今天在想, 這一切的記憶是我們的, 若果人生的記憶只有開心就沒有太大的意思了, 因為不管喜與悲都是令人成長, 若果沒有了記憶, 就沒有了過去, 沒有了過去是何等悲慘的一件事,

多謝你地陪我成長, 古人有話一生中有一知己死而無憾, 我這一生中有幾位知己, 我相信我己死而無憾