gc2801的主頁

死亡

Wed, 05 Dec 2007 00:15 EST

死亡----好似好遠, 又好可能好近

剛收到一個消息, 相識2年的同學剛車禍過身

腦海中不斷浮現出他的笑面, 攪笑, 愛理不理的各種抵死的表情和態度

心中總是難過, 但我相信他期望每一個認識他的人都能記得他的笑容,樂觀態度

祝福阿忠一家盡快收起悲傷的心情, 以積極面對以後的日子

出現la

Mon, 12 Nov 2007 19:48 EST

好耐冇寫blog la

本來一直想寫, 但又吾願寫,

上月23日是我第一次開有關NLP課程的簡介會以作推出証書課程, 雖然出席人數不多, 但我以經好落力去做, 最後當然有不同的反應, 不論結果,這是我開始的第一步, 在事後也知道在簡介會中要有那些地方要作修正, 現希望盡快有第二及第三塲, 能夠有足夠人數開課

在這個月好幾個星期六都要在澳門教九型情格課程, 這個課程都教了很多次, 但由我一個人教晒全部, 今次是第二次, 當然會有點吃力, 因為每次要講足三個鐘, (下次一定要減少時數) 特別要離開香港的話, 更加要收貴一點以作補償, 另一方面今次也作出跟以往教的方式有不同, 但看來反應也不錯, 下次也可以再用這個方向

另外近來又幫另一個機構教課程, 雖然有得教, 但人工,時數及時段都不是很好, 有d 一個課程十堂, 但由現在開始至5月先教晒, 要一個月先有一堂或兩堂, 咁編法真的比佢激死, 等佢出量就死 la

繁忙

Tue, 25 Sep 2007 23:26 EST

在這一段時間都好忙, 有好多野做, 好忙, 好好好忙, 忙到暈,

一邊忙, 又要不段發掘新 job, 但最慘是最近又沒有錢, 好等錢用

應該到的錢又一直味到, wor.............................

又有一點新希望

Fri, 14 Sep 2007 19:32 EST

這個多星期心中不斷籌算開 NLP執行師課程一事, 一邊想就一邊發現各式各樣的問題, 最大的問題除了有沒有人報名以外(這個是我們沒有能力去決定, 但有能力去影響範圍), 另外就是課程的日期及地點, 當然場地是最難解決, 因為想要一個免費的場地, 好開心地有一點點曙光, 有機會能夠解決此間題, 而且場地也會影響日期

我真的想快 d 見到這一日的來臨, 現在的心情就好似孕育一個bb一樣, 又緊張又興奮又擔心

新曙光

Mon, 10 Sep 2007 10:52 EST

近這一兩個星期多了一點苗頭, 開始有一點點成果影子, 但現在仍是十劃都未有一劃, 但總是有點曙光, 最開心的就是有機會開成一個NLP 執行師的課程, 當然現在以自己的經驗和能力是沒有信心一個人去完成整個教學課程, 但總是好開心, 因為有這個機會, 一開始知道有機會就已經從心裡笑出來, 因為期待了一年另一方面又可以有一個可觀的收入, 哈哈哈

攪店一單蘇洲屎

Fri, 07 Sep 2007 13:18 EST

有一份文件由去年年中直要向個煩人取會, 比佢一直拖, 拖到就來比人告都未取會, 真的比佢玩死, call 佢不是吾覆機, 電話直接找到佢就又話不在hk , 過幾日返來會找我, 每次都是飛機友, 我發覺佢仲大過 A380, 今日好幸運佢有接電話, 咁我吾理咁多, 話今晚吾理幾點,, 我去佢屋企取回文件, 佢話冇問題, 其實我咪又怕佢又會坐左 A380 走左人, 所以我 8 點幾打比佢提佢, 跟住10 點又打比佢, 點知就比我估中, 佢又吾接電話, CALL 佢又冇覆機, 咁我就打比佢經理, 等佢經理 Call 佢, 頂佢呀, 有接佢經理電話, 就是冇接我電話, 分明玩野

同佢經理商量後都是要去佢住的地方等之後就再 call 佢

當我11 點去到北角 MTR 時佢就打比我叫我在新光門口等

佢老板, 好在冇玩失蹤, 但又遲到, 足足等左15 MINS

但總叫做取會文件, 等我整理後就可以交出去 LA

總算攪店一單蘇洲屎

辛苦曬了.............

Sat, 01 Sep 2007 14:18 EST

好耐恒基都沒有找我返 PART TIME, 今天(1/9)有機會又開工 LA, 不過一早就估到要企餐飽, 但沒有想到是在在露天的地方企, 又冇瓨傘頭, 晒鑊勁, 好彩有同事帶左傘, 咁就好好多

今天識到新同事, (其實我咪一樣咁新, 舊人新做, 一年都開吾開3次工, 其實咪又是一個新人), 一邊企一邊傾計, 時間都好易過, 到最後佢可以帶了一個客去睇樓, 但我就食白果

其實今日同佢相處都好多野講, 當然時我講多過佢講

令我最記得的就是佢D 笑容, 好可愛

哈 !!! 吾知隻懶鬼明天會返工嗎 ?

感動

Sat, 01 Sep 2007 14:05 EST

不經不覺已經有一年多沒有見師父, 各有各的忙碌, 都沒有聯絡及問安, 但非常高興, 早兩天他打電話給我, 問候我的情況, 當然我也有問候及了解他現在的情況,最開心的是知道他家庭中將多了一位新成員, ------------BB 將於 08 年2 月出生 LA祝佢健健康康的成長

另一方面相信在未來一年也是一樣, 沒有機會合作. 回想上一次合作, 相信已經是 05 年12 月了, 當其時協助他帶一個學生的歷奇營, 也是第一次在師父面前正式的主領活動

回想起來, 若不是老友介紹下認識了他, 我今天發夢也沒有想到自己會在這一個行業生存, 更沒有想到做了培訓的工作

差點衰左 tim

Wed, 29 Aug 2007 12:00 EST

經過 23 號一次活動, 24 號又來一次活動, 一早起身就知衰左, 因為之前一晚做的 powerpoint 以為做好晒, 其實只是寫好內容, 但所有過埸就一d 都未做, 大件事, 一陣要用, 唯有等去到先再做 la, 另外, 埸地又吾同左, 我又以為埸地會是................

所以又衰左, 一邊做活動一邊想辦法解決問題

但經過今次, 真的學會了好多

平時都是幾十人, 今次是200 人, 嘩,正正正

老貓燒鬚 tim

Thu, 23 Aug 2007 10:21 EST

今天又有機會帶活動, 在我記憶中應該是最多人的一次, 有 198 人未計helper, 及老師, 加起來若230 人, 但要在一個羽毛球埸大小的地方做活動, 真的又考起左我, 但總算是過左, 當中又吸收左一些經驗

至於老貓燒鬚的事, 是在分組上的安排我疏忽左, 令至有點兒浪費時間, 當然外人未必會發現, 但就是在我的預計之外, 另外, 我要去表達一些信息的時間, 我感到有點兒不足, 事先的想法是不要講太長, 所以只想了一點點, 但現場就感到講得有點力不從心, 不能講到我心中的構想

至於其他即時發生的狀況, 當然也讓我一一的解決, 唯獨是場地, 硬件就冇法可施

最後我在想, 今天帶給學生的信息是否能讓他們學了, 活動上是否配合

經過今天的總結, 明天會比今日的清況好得多

最最最後就是想學校快d 比錢, 好窮, 快d 收錢就好 la

校友重聚

Sat, 11 Aug 2007 20:01 EST

相信要約齊同學聚會都十分難, 昨天是學妹的大日子, 我們一行人大舉出動, 移師到澳門飲她的喜宴, 雖然未能齊人, 但都約有七成人出現, 大家都不忙講述各人的近況當然也有想當年的時間 la, 大家都認為那四年時間中, 玩的時間多, 讀書的日子也不辛苦, 記得的也都是一連串開心的往事, 當然最回味就是校園外的師大路上的路邊攤, 有各種美食, 自畢後各人在不同的時間回, 已發現昔日的美食已經不存在了, 大都面目全非, 而且也少了許多攤販, 每當談及往事, 都十分期望立刻買張機票回去看看, 雖然已面目全非, 但也想相回味一番, 回到校園, 宿舍, 系館, 都總有大量的回憶, 那四年的日子如火箭般的飛逝, 真的渇想能時光倒流回到昔日的日子

現在腦海中不斷的浮現在師大生活的片斷, 不單子浮現, 情緒也連同這些記憶同時在心底中產生那種滋味, 真的, 人的記憶好特別, 就如同 NLP 中所講的往往記憶都會連同情緒緊扣在一起, 若件事中的情緒高漲, 不管是喜或悲都會深深的埋藏在心底中, 每當想起那件事的時候, 相同的情緒也會浮現出來 (當然未必有事件發生的時候那麼激動, 但也有可能同樣的激動)

打風日子

Fri, 10 Aug 2007 11:47 EST

本想提早一日去澳門, 可以輕鬆一點, 明天不用趕車趕船, 點知打風, 好彩本人精明, 未打 3 號已經決定吾好, 如果吾係我就要留在碼頭, 最後變左兩頭吾到岸 la

相信明天會好好多, 但現在又担心澳門天氣, 怕到佢打風, 咁我就死左在碼頭, 吾知點去呢

另外希望今次除了慶祝學妹結婚外, 我都可以找到一d 生意 la

有新 job　la

Thu, 02 Aug 2007 11:10 EST

有新 job la, 但同去年都差吾多, 比人cut 左好多好多活動, 搞到個預算完全吾準

而且又冇乜錢tim, 今次又要計餐死, 左cut 右cut la, 真慘

晚餐

Tue, 31 Jul 2007 20:15 EST

昨晚約左思雅食飯, 其實都好担心佢的情況, 但見到佢的時候比我預期中好好多, 在兩個半鐘的傾談中, 佢都講好多野比我聽, 也讓她開始清晰自己的想法及內心一點點的要求, 也知道自己要點做, 同時也清楚知道辭工是正確的做法

希望佢盡快再充滿活力, 開開心心的生活

***************

吾知點解昨晚食完飯返到屋企就想瞓, 昨日的工作都不是太多, 可能用左好多精力去傾計, 所以好攰

哈哈哈, 老 la 老 la,

澳門兩天行

Tue, 31 Jul 2007 20:02 EST

星期日一大早起行去澳門, 這兩天食左好多野, 不斷不斷都是食, 好似食左一個星期的份量

另外本想約一些人去傾下生意, 點知約吾到人, 最後只是見到同學同幫佢帶帖返 hk 派, 生意要待下次再傾,

下星期五或六又要再去一次, 因為可愛的學妹要嫁 la 哈哈哈, 佢嫁得出 la