ده شعر عامى اسمه الكتاب

انا فى الدنيا اسمى كتاب انا جوايا سؤال وجواب
واللى اختار العلم طريقه نبقى حبايب نبقى صحاب
واللى بيلعب واللى بيهرب ولا بيفكر ابدا يتعب ازعل منه وابعد عنه واما اشوفه ادايق منه ولا اعمله اى حساب
وعشان انتوا بقيتوا حبابيبى وفتحتلكم قلبى
وفتحتلكم قلبى ودارى انا هاحكيلكم عن اسرارى
اصل انا عمرى ما كنت با دارى ولا بخبى على زوارى
بينا نروح على اول صفحه ونشوف ايه مكتوب جواها
واوريكم حاجه جديده او معلومه تعيشوا معاها
انت يا شاطر وانتى يا شاطره وقف حاسب هدى شويه
علشان توصل بر سلامه اعرف لغتك العربيه
لغتك اغنى لغات العالم حقك دايما تفخر بيها
فيها تلاقى كنوز الدنيا لما تحاول تبحث فيها
مين هيحبك اكتر منها لما تحاول تبعد عنها
دا انتى كلامك دايما بيها حرف وكلمه بالعربيه
وازاى تفهم كل دروسك من لغتك ما تنميها
ان حبيتها وخفت عليها يبقى نجاحك ميه الميه
بينا نروح عالصفحه التانيه ونشوف ايه مكتوب جواها
واوريكم حاجه جديده او معلومه تعيشوا معاها
عندى مكان فى الغرفه بتاعتى وده مخصوص علشان مكتبتى
بانظمها وارتبها بعد رجوعى من مدرستى
ماما قالتلى حافظى عليها تلقى وجودك دايما فيها
وازودها كتاب واتنين واكبرها وانميها
بابا كمان اهدانى كتاب خلى قرايتى تكون بحساب
بعد ما اراجع كل دروسى ابقى اتسلى مع الأصحاب
ماما وبابا قالولى نصيحه علشان تبقى تملى فصيحه
خير جليس فى الدنيا كتاب بيعلمنا بدون اتعاب
ناخد منه جميع طلباتنا ولا ندفعله اى حساب
وعشان مصر تعلى وتعلى ونوصلها لبر امان
احنا لازم نحمى شعارها الكتاب فى كل مكان

يارب مكنش طولت عليكو
ده شعر انا كنت حافظاه وانا فى 4ابتدائى
يارب يعجبكو