اووووووعى تبطل تدخين

اوعى تبطل تدخين

فيه اشاعات مفرضه بيطلعوها علشان يخوفونا من التدخين..... اوووعى تصدقهم و خليك جاهز بالرد:

التدخين يتلف الرئة:

وايه يعنى، ماانت عندك رئة تانية، وقد اثبتت الابحاث العلميه الحديثه ان الانسان ممكن يعيش برئة واحدة! وهناك تطورات طبية سوف تسمح بنقل رئة من متطوع بس مايكونش من سكان بيتك لأن صدرهم بيبوظ هما كمان، والرئة اللى فى صدرهم مابتبقاش احسن كثير من رئتك اللى اتحرقت..

التدخين بيجيب سرطان:

وايه يعنى، معظم انواع السرطان بيتعالج دلوقتى. وبعدين فى اكثر من 100 حاجه تانيه بتجيب سرطان..

النيكوتين بيسبب ادمان:

لايوجد شئ اسمه ادمان النيكوتين، كل الناس اللى عندها شخصية قوية و كانت فعلا عايزة تبطل شرب سجاير نجحت فى كده! انما ممكن تستعمل الجملة دى حجة تتلكك بيها قدام اللى بيقولك بطل سجاير! وبعدين السجاير فيها حاجات تانيه كتير غير النيكوتين، القطران مثلا مابيسببش الادمان!

التدخين بيقصر العمر:

ده نقص ايمان والعياذ بالله، التدخين ممكن يموتك قبل ميعادك اللى ربنا اختاره لك؟؟؟ انما ممكن يخليك تستمتع فى اواخر ايامك بسرطان الرئة مثلا او يقطع صدرك بالكحة بتاعة الربو الشعبى او تصلب الشرايين او باى حاجة من الامراض الحلوة دى....

التدخين حرام و ممكن تاخد بسببه سيئات:

بالعكس بقى، ده التدخين ممكن يشيل سيئات، مادام بيجيب امراض والواحد بيتعذب بيها فى الدنيا.

التدخين بيضيع فلوسك:

الفقر حشمة..

التدخين هو الموت السريع
التدخين بيقتل 3 مليون انسان فى العالم سنويا.
التدخين يؤدى الى سرعة ضربات القلب و ارتفاع الضغط وانسداد الشرايين
التخين يساعد على فقدان حاستى الشم و التذوق و يؤثر على الحنجرة و يسبب سرطان الرئة.