ياسر فريج عيسوي

ربنا يرحمهم ويرحم كل شهدا غزة

امين يارب العالمين
راجل ولا كل الرجال

اشكرك وبشدة على هذا التوبك فعلا ماكنش لازم ننسى دم الشهيد المصرى اللى راح غدر وانتقتل على يد مسلم عربى
وطبعا امبارح فى البيت بيتك بان ان اللى عمل كده كان من حماس

واللى طلع الأشعة حماس لمصالحة مع ايران

ونسيوا لما اسرائيل شنت الحرب كانا واقفين مع نصر الله لانهم فى الأخر عرب وحرام
خلاص كله اتنسى
ومرات الشهيد التى تكاد تكون تهذى وفى حالة هيستيريا حسبى الله ونعم الوكيل على دم شهداء بلدى ودم شهداء الشعب الفلسطينى وحسبى الله ونعم الوكيل على انقسام فلسطين بالرغم انهم المفروض يكون ايد واحدة وفى الأخر محدش هيقف جنبهم غير مصر والعرب المخلصين فقط

وبعدين حماس كانت رايحة على الحدود ليييييييييييييييييييييييييييييييه بيهربوا بعد ما اشعلوا الحرب؟
والشعب الفلسطينى هو اللى يدفع الثمن
ودم الشهيد المصرى
تعازى للأسرة الشهيد المصرى الرائد ياسر

عارفه لو كان مقتول علي يد اسرائيلي مبلوعه
لكن ده فلسطيني
:(
ايوة يا جان عاوزين يهربوا وبدل ما هما بس بيتبهدلوا يبقي احنا وهما
مع زلك المصري اصيل بطابعه
ربنا ينصرهم ويحتسبهم شهداؤه
احنا مش فرحانين فيهم بالعكس والله
بس المشكله اننا بنمدلهم العون والمساعدات وهما عاوزين يولعوا الحرب فينا احنا

بالظبط وفى الأخر الشعب الفلسطينى هو اللى بيدفع الثمن

الله يرحمو يارب
ويتقبلو شهيد في الجنان وان شاء الله الفردوس الاعلى لانو كان بينفذ الاوامر بغلاق الحدود

احسن ما يهرب من بلده
^__^
مريسي امين يارب

معك حق

ولا تحسبن الذين قتلوا فى سبيل الله اموات بل احياء عند ربهم يرزقون
صدق الله العظيم

امين يارب
ربنا يرحمه

عارفة يانوسة الى يزعل مش الى مات الى يزعل السياسة الى بيتعاملوا بيها لو تظبط هيظبط الوضع كله
وهتبقى الحياة فى البييييييييس خالص

ربنا يرحمه يااااااارب

ويغفر له ويجعله من الشهداء ياااااااااااارب

ماشاء الله شهيد
اللهم ارزقنا الشهادة

ان لله وان اليه راجعون
rbna yr7am algmi3

ولا تحسبن اللذين قتلوا فى سبيل الله امواتا بل احياء عند ربهم يرزقون
صدق الله العظيم
الله يرحمة ويسكنة فسيح جناتة ويصبر اهلة جميعا

ان لله وان اليه راجعون
maswah el gana isa ,, rabena yesabr ahlo

ربنا يرحمه هو وكل الشهداء فى فلسطين
:(
قل لن يصيبنا الا ما كتب الله لنا

وأن لله وان اليه راجعون

ان لله وانا اليه لا راجعون
ربنا يرحمهم برحمتو جنة النعيم بأذن الله

yarab ameen
thnxx ya 2amar
(f)

وسط كل الهرج و المزبلة اللي حصلت في غزة مافيش حاجةة سدت نفسي قد الموضوع دة و خلي نفسي قفلت من حماس بالذات و خليتني أحس إنهم بيتصرفوا بدون وعي و مش بيفرقوا بين عدو و صاحب في وضح النهار
و الله حاة تحرق القلب صوت مراته في التليفون اما كلموها في التلفزيون مش ممكن

يتنسي , ربنا ما يكتبها علي أبداً في حد من أهله أو عزيز عليه

و يروح منه و يبارك لنا في المسلمين شبابهم و رجالهم و نسائهم و كبارهم و أطفالهم بإذن الله و يعغز بيهم الإسلام و ينصرنا علي أعدائنا جميعاً

شهيد ان شاء الله في جنة الخلد
ربنـا يرحمه (F)

امين يارب العالمين
مريسي يا مادوو
ربنا يجعل مثواه الجنه

ana msh Mado ya Enas :S

ربنا يرحمه يارب ويرحمنا احنا كمان

امين يارب

واللي يدايق اكتر ان مفيش ولا مسئول او المتحدث لحماس انو ادان الحادث او اعتذر او طيب خاطرنا حتى بكلمتين . وكأنو بيقول ان ده الوضوع الطبيعي لكل من تسول له نفسه ويقول لحد منهم لا مينفعش
الف رحمة ونور عليك يا ياسر
اجمد فوت يانوسه

وحكومتك بقي عملت اية ؟ علي الاقل واحد مصري توفي بس لاكن في غزة اكتر من 500 واحد توفي واكتر من 1600 جريح ويا عالم انهم هايعيشه ولا لا يلا الكلام مالوش فيدة ربنا يرحمهم ويرحمنا

هيا حكومتي انا بس ولا ايه ياحوده :D
طب بس بردو انا مش فاهم ده علاقتو ايه بي ان هما يقتلو الضابط المصري يامحمود ؟

محمود مين ؟ انا اسمي محمد صباح الخير :D

بص هو احنا مانقدرش نلوم الفلطسينيين لان لو اي حد مكانهم هايعلم كدا واكتر تخيل انك في حتة وفي ناس بيضرابو فيك وانت ماادمكش قلي طريق واحد علشان تسخبه فيه او تتحمي فيه وفيه واحد بيمنعك انك تتدخل وفي نفس الوقتي لو انت مادخلتش هاتموت هاتعمل اية ؟

هههههههههههههههههه
ايه المنطق الاجرامي ده يامحمد هههههههههه
وتفتكر انو لما يقتلني ساعتها كده هوا كده يدخل ؟ يعني مشكلتو اتحلت بقتلي انا ؟

ههههههههههه

اصلا انا بتفرج علي افلام اكشن كتير ومقصرة عليا :D

لا هو مشكلته ماتحلتش بي قتل الظابط يا سيدي خلينا احنا بس
ندخل البيتشيز والهورز بلدنا علشان السياحة تكتر
ربنا يخلينا الريس حبيبنا قلي مزبط الشعب هههههه

اية يا محمد الكلام دا و الراجل دا يعنى ذنبة اية و ذنب عيالة يتيتموا اية و كمان من امتى و مصر بتتاخر عن فلسطين بس منموتش على ايدهم انت مشوفتش مرات الظابط و لا اية ربنا يرحمة

والله الواحد محتار مش عارف مين الصح ومين الغلط حبه يقوله في التليفزيون ان مصر منع اي حد فلسطيني انه يدخل البلد حتي لو كان جريح وحبه يقولي ان مصر مشتركة مع اسرائيل والمفروض ان مصر تقطع الغاز عن اسرائيل بتهيئلي انا مصر مش واحدة قلي وحشة كل العرب مش بيبحو بعض ومش بيخافو علي بعض وربنا يكون في عون مرات الظابط ويصبرها

محمد هوا انتا بتابع انهي تلفزيون بالزبط؟ يعني مين اللي قالك ان مصر مانعه اي فلسطيني يدخل ؟
لا طبعا وافتح اي قناة اخبار وتابع الاحداث وانتا تعرف ان مصر قايمة بالواجب كالعاده.وربنا يكون في عون الفلسطنيين ويصبر اهل الضابط امين يارب.

في تلفزيون كدا صغير عندنا بيجب قناه الجزيرة بس مدغوشة بس تتشاف يعني انت بتقول اية ياا حمد ؟ اكيد طبعنا كنت بتفرج علي
قناوات عربية ههههههه عندك حق مصر قايمة بي والواجب
دي يعتبر اول مرة بتهيئلي ادخل التوبيكات الميدل ايست وانشا الله اخر مرة يلا سلام

وانتا من اهلو :D

;D

lmao ! did i say i'm gonna go sleep ?

edited

7owa ana 2otlk ana ra27 anam 2aw 2otlk tasb7 2la 5er wala 7aga?

انا عايزة اسأل سؤال بس ؟
اكيد ان شاء الله انتم كده كلكم مسلمين وقلوبكم حنينة قوي على الراجل اللي مات ربنا يرحمه انما هو شهيد دي الله وحده اعلم بنيته لما مات مات على ايه
بس يا ترى اللي مات ده كان بشر و400واحد اللي ماتو فغزة ولسه القائمة هتطول بال2400 جريح دول حجر ولا ايه هو اللي مات ده ليه امه واخته واهله واللي بيموتو دول قطعة حبل مرمية في وادي ولا ايه ؟
ايه المنطق الغريب اللي بتوزنوا به الاحداث ؟ وده وقت الكلام والتحليلات اللي مالهاش لازمة دي
يا جماعة فوقوا بقى دي اسرائيل عايزة تزرع الفتنة بينكم عشان تفضلو تقطعوا في بعض كده وهي يخلالها الجو فوقو قرفتونا بحوارتكم العقيمة
والله لو حد فيكم مات اخوه موتة طبيعية ما هيقدر يصحى من الصدمة وبتلومو على الفلسطينين وهم بيستقبلو الصورايخ زي ما بيتقبلو المطر
غريبة انتم قلوبكم حجر ولا ايه ؟
ده لو فيه باص ماشي في الطريق بسرعة مليان ناس وواحد قاطع الطريق صاحب الباص مش هيوقف الباص عشان يموت كل اللي في الباص عشان يعيش اللي بيقطع الطريق
ده واحد ودول مئات بيموتو اتقوا الله في اخوتكم لانكم ستسألون عنهم بين يدي الله ووقتها شوفوا ان كنتم هتلاقو اجابة زي ما بتلاقوها دلوقتي وياترى ربنا هيقبلها منكم ولا لا
بتفكروا في واحد ومئات بتموت وآلاف بتتجرح وتتدمر بيوتها وكانهم مش بشر لو كل فلسطين مات هنعمل عليه توبك لوحده ونجيب اهله واللي بكوا عليه قلوبهم اتحرقت على موته كل زوربيا وعشر سايتات زي زوربيا مش هتكفي
اتقوا الله بقى
وبطلوا توبكات مالهاش لازمة غير انها تكبر قلوب الناس وتنسينا القضية الأساسية


يظن الناس بي خيرا ..واني لشرالناس ان لم تعف عني

انتي شايفه ان التوبيك يتعمل لما يتقتل من مصر كام واحد ؟؟؟؟

اسرائيل عايزة تزرع الفتنة بينكم عشان تفضلو تقطعوا في بعض كده
جميل قوووي يا نجوي انا معاكي ف السطر ده
وطبعا غزة كلها عارفه ان ده هدف اسرائيبل
انها تستولي علي مصر كلها وبعدين بقي باقي الدول العربيه كده واحده واحده
ولما غزة عارفه ان اسرائيل بتحلم بده ليه من باب الغباء قاموا بحرب هما مش قدها اساساا
ليه سمعوا كلام نصر الله الي مش سياسي اصلا ولا هو فاهم حاجه عن اصول الحرب ودخلهم في حرب مات فيها مئات الضحايا نظير 3 اسرائيلين بالعدد بس
الي مش قد اللعبه ميلعبش وهما الي ادوا اسرائيل الفرصه انها تبهدل فيهم
مهما كده برضو مكسبوش حاجه غير ان قلبنا عمال يتحرق زياده وعدد الضحايا بيعلي كل يوم
غريبة انتم قلوبكم حجر ولا ايه ؟
افتكر الي قلبه حجر الي اسمه نصر الله ده لان هو السبب في كل الخراب ده هيج الناس علي اسرائيل وهما اصلا مش قدهم ولا معقول كان فاكر نفسه هيطرد اسرائيل من غزة وهما اساسا بيستخدموا اسلحه اقل من البدائيه كده شويه
هان عليه الناس كده يضحي بيهم لا وكمان ايه طالع يقول ان مصر كانت عارفه ان اسرائيل هتضرب في غزة قال يعني هما مستفزوش اسرائيل لغايه ما ضربت فيهم ولا كان متوقع ان نظير استفزازهم لاسرائيل يبقي حرب عليهم كمان مستكفاش بكده ده طلع وشتم في مصر والمصرين
بالنسبه للمصرين ياريت محدش يقول ربع كلمه علي مصر عشان هاكلو بسناني بجد
احنا الفقر الي احنا فيه ده من ايام نكسه 67 واحنا ياما شاركنا معاهم ومع غيرهم ف حروب كتيييييييييييييير ضاع ممننا ضحايا بالهبل
ومع زلك مفيش حمد ولا شكرانيه
افتكر ان الشهيد المصري الي مش عاجبك وتافه من وجه نظرك بينفز واجب وطني بينفز القوانين الي محترمتهاش شعب غزة
المعابر مفتوحه للجرحي والمصابين بس مش للاجئين والناس الي بتهرب الجبانه
زي ما قبل كده دخلو سينا وروجوا فيها العملات المزورة وفي ناس تسسلوا من سينا وقاعدينلنا هنا ف السويس

وعلي فرض اننا مفتحناش المعابر واحنا قلوبنا حجر ومعندناش دم كمان ليه الفلسطيني ده كان عاوز يهرب من غزة اساسا مش المفروض يدافع عن بلده زي ما مشيوا ورا كلام حماس
ولا هو جبان بقي هو وغيرة وعاوزين يدخلو مصر عشان اسرائيل تستولي علي مصر كمان

ومفتكرش ان التوبيك تافه بدليل انك وجعتي صوابعك ف السقعه دي هههههههههههههه وكتبتي مقاله لا تقل عن 10 سطور
ومع زلك مريسي علي كلامك بس الي ميشوفش من الغربال يبقي اعمي

جامد يانوسه انتي فكرة فعلا حوار العملات المزورة اللي هفت علينا في فترة مره واحده:D
سمعت اه انها كانت جيه من فلسطنيين دخلو سينا بس خدتها انها اشاعه بصراحه.

لا فعلا
خلو بجد وروجوا العملات دي
بص احنا مننكرش انهم صعبانين علينا فعلا حرام بيتقتلو وبيضربوا
بس هما كانو في فتره هدنه وكافين خيرهم شرهم
لولا الله ينتقم منه بقي نصر ده
هو الي دمرهم بزياده

بصي يا نوسة انت رغيتي كتير عشان تطلعي كلام مكبوت جواك
بس مارديش على كلامي وكمان قولتيني مالم اقل
وانت كده مش فهمت اساسا سبب تدخلي في التوبك ده بقولك ايه
المتفرج فارس وانتم كده بتتكلموا من الموقع ده
واللي يقولك كلمة على مصر كليه بسنانك بس قبل ما تكليه روحي كلمي كل مصري يبقى مسلم صح ووقتها بس مش هيجرؤ واحد يقول كلمة على مسلم مش على مصري بطلو نعرات الجاهلية وانسو الجنسيات دي شوية ده مش وقت كلامكم ده ولا مكانه
حضرتك وحضراتكم كلكم بقيتوا بتتكلمو باسم حسني مبارك كل اللي بيدافع بغباء كده يقول احنا فتحنا المعبر واحنا عملنا واحنا واحنا انتم مين بالضبط ؟
انا هنا اتكلمت بصفتي مسلمة من غير اي جنسية الله يلعن الجنسيات اللي خلاتكم تفرقوا بينكم وبين دم اخواتكم
انا بتكلم من منطلق ان المؤمن أخ المؤمن
بتكلم من باب انه لا يؤمن احدكم حتى يحب لأخيه ما يحبه لنفسه
انت قلتي ان انا قلت ان اللي مات ده تافه ومش عاجبني ارجعي فوق تاني وهاتي كوبي من كلامي
انا قلت الراجل مات الله يرحمه والله اعلم ان كان عند ربك شهيد او لا
وانا مليش دعوه بيه اساسا ده ربنا اللي هيحاسبه وعارف هو مات ونيته ايه
انا كل اللي قلته اوزنو الأشياء بميزان صح والتوبك ده انا قلت مش مكانه ولا وقته وياريت لو تقوليلي انت كده حليتي بيه كم مشكلة رجعتي اللي مات ولا زدتي بيه حسنات عند ربنا انك بتكبري قلوب المسلمين على بعض وبتقلبيهم على بعض
وبتكلميني عن تاريخ نصر الله انا مالي وماله اساسا كلميني في اللي كلمتك فيه ده يقول اللي هو عاوزه بس انا بقول اللي ربنا قال عليه مش بجيب حاجة من عندي
محسساني اني بسمع القناة الوطنية والله
انسي انك مصرية وفكري انك مسلمة لانك يوم ما هتسألني بين يدي الله مش هيطلب منك الباسبور ولا هويتك هيسألك كمسلمة وبس
ودي خلاصة كلامي عشان ما نرغيش كتير في حاجات مالهاش لازمة
ولو مش عاجبك كلامي بليز ما ترديش عشان مش عايزة ادخل في جدال عقيم لا هيأخر ولا هيقدم

لالالالالالا
مش احنا اصحاب بس استني هتخانق معاكي هههههههههههههههههههههههه
زيك زي غيرك معنديش وسايط انا
بصي يا نجوي اولا انتي متحامله ججداااااااااااااا علي التوبيك معرفش ليه
هو انتي شوفتيني قولت حاجه غير الحقيقه
انه فعلا اتقتل علي يد فلسطيني كان عاوز يهرب من بلده
طيب بالعقل كده لما كل فلسطين تهرب سواء ف مصر او حتي ف تونس
:D
مهو ده هدف اسرائيل برضو ع الاقل البلد هتفضي عليهم وهيقدروا يتخلصوا من الفلسطنين واحد ورا التاني ورا بعض كلهم بقي مهم هيسيبوا بلادهم وينزلوا البلاد التانيه
بالمره تكون فرصه اوسع لاسرائيل عشاىن تضرب في باقي البلاد التانيه

معلش انتي برضو لو بتعملي خير في حد وتطلعي يلاقي الي بيشتم فيكي الله اعلم هيكون ردك ايه ساعتها
الشعب الفلسطيني نفسه فوق راسنا انما رؤؤؤس الشر والجبناء منه تحت جزمتنا
ومدام التوبيك تافه لتاني مره ومش عاجبك وشايفه اني رغايه اومال بتعلقي وتتعبي نفسك بالكلام معايا فيه ليه ههههههههههههههههههههههههه
بصي فوت داون ع طول او اعمليله ريبوربت
ومش تردي تاني والغي التوبيك من حياتك
:D

:D

بصي يا نوسة احنا اصحاب دي ملهاش علاقة بنقاشنا ولو اختلفنا في الراي
هرد على كلامك بموقف واحد افكرك فيه وياريت بجد تحاولي تفهميه صح


انت اكيد فاكرة ان اغلى مكان على الأرض هو مكة المكرمة ....
زمان كان فيه واحد اسمه محمد بن عبد الله كانت مكة احب ارض الله اليه ولكنه حين دعا الناس لتوحيد رب العباد عودي واخرج من احب الأرض اليه وسمي خروجه ...بالهجرة ..
لما طلع من ارضه الحبيبة مالاقاش معبر رفح في المدينة ...انما لقي الانصار .
استقبلوه في بيوتهم وحطوه على روسهم هو وكل المهاجرين معاه ومحدش من الانصار قفل بيته او قاله لا انت هتجيب لينا الشر من ورا مجيتك ..انت كده هتخلي قريش اللي هي اكبر قوة وبطشها شديد تجيب الحرب لحد عندنا ....
ايه رايك اكمل القصة الجميلة دي ولا انت عارفة نهايتها ؟....
..........................
والكيس من يستقي العبر من التاريخ .

كلامك منطقي فعلا ياامراه بجد
بس انتي تفتكري ان مصر مانعه فتح المعبر لأي لاجيء فلسطيني ليه ؟
خوف من اسرائيل؟ اصلا اسرائيل يوم المنى عندها ان كل الفلسطنيين يسيبو الارض ويروحو اي مكان مش حتمانع يعني سواء مصر او غيرو
ده غير ان مصر فاتحه المستشفيات كلها فعلا وده بجد مش كلام جرايد او فضائيات دعائيه يعني لكل جريح ومصاب
ونقلو المرضى المصريين من مستشفيات سيناء عشان يفضو مكان للاخوة الفلسطنيين
بس بردو ميكونش الرد بالقسوة دي عشان ضابط مصري حامي الحدود ودي وظيفتو انو يتقتل بالرصاص
ومتقوليش ده واحد وسط الف من اللي ماتو
دي كانت مجرد بدايه
عشان امبارح مات جنديين تانيين بنفس الاسلوب ولنفس الاسباب
محمد علية افضل الصلاة والسلام لما راح للأنصار تفتكري لو مكنوش استقبلوة زي مهوا عايز او متوقع كان رد فعلو حيبقى ايه ؟
كان حيخونهم ؟
كان حيطلعهم حلفاء لقريش ؟
سوري لو اتدخلت انا عارف كلامك موجه لنوسه بس انا لاقيت الريبلاي عندي فقولت اصبح عليكي بالمرة

لا ولا يهمك يا أحمد انا يسعدني الكلام معك طالما احنا بنتحاور مش بنتخانق
والله يسعد صباحك
انا والله فاهمة وجهة نظركم جدا بس ده جزء من مخطط اسرائيلي اننا ننشغل ببعض عنها ويبقى المسرح مفتوح لها تقتل زي ما هي عايزة طالما ان الدم الفلسطيني مية ومحدش هيطالب بيه
حتى لو الفلسطيني ده غلط وقتل واحد بيادي دوره المفروض الموضوع ما يكبرش هم في حرب ومحدش يحس بالجمر غير اللي هو شايله
بس انا كان نفسي اقول مين قال ان اللي قتل ده فلسطيني ؟
ليه مش يكون عميل لإسرائيل عشان تحصل الفرقة بين الأخوة
وننشغل بموضوع جانبي عن الموضوع الأساس
وانت عارف ان في الحرب كل شيء مسموح واسرائيل بتشن حروب على جميع الأصعدة على الأرض ومن الجو ومن البحر وحرب اعلامية وتشويه وحرب نفسية احنا المفروض ده وقت نتكاتف فيه ونبتعد عن كل خلافات او نأجلها لوقت تاني الوضع على الارض بيخلينا نبقى ايد واحدة وقلب واحد لأن العدو واحد وكفاية ان المقاومة الصامدة بقت ايد واحدة دلوقتي ومبقاش فيه فتحاوي ولا حماسي ولا شعبي كله بقى مسلم عشان لو مات شهيد هيقابل رب واحد
ده قصدي والله اننا نوحد ربنا ونوقف صف واحد دلوقتي ونتجاوز هفوات بعض دلوقتي مش ده وقت نشتم في بعض او نفتح في جروح بعض الله يكرمكم وحدو دعاءكم للمجاهدين ان ربنا يسدد رميهم ويثبتهم ويمكن لهم
يارب

امين يارب العالمين
الله يفتح عليكي
طيب كويس جدا ان انتا عارفه انو مخطط ولعبه
بس فيه جانب عربي كبير اوي اوي مشيوا ورا الحكاية دي
كام مظاهرة قامت بالتنديد ضد مصر ؟
كام سفارة مصريه اتحدفت واترمت بالطوب والحجارة؟
وكأن مصر هيا سبب الازمة
انا عارف انتي بتتكلمي في نقطه
بس نوسه عامله توبيك لنقطه تانيه
اللي انا بكلمك فيها دلوقتي
امراه كان فيه هدنه بين اسرائيل وحماس
حماس رفضت تجديد الهدنه
مع عدم العلم برد فعل الجانب الاسرائيلي من ده
بس هيا رفضت تجديد الهدنه
مع عدم الاستعداد الكافي لمواجهة عسكرية ضد اسرائيل
اتسااب كل حاجه
كل القضايا
وجت على قضيه المعبر وكانو الشغل الشاغل للمواطن العربي ازاي مصر ساكته
ازاي مصر مبتعملش

انا عارفة كل ده يا احمد والله
احنا بوقت محتاجين فيه بجد نتصرف بحكمة
مصر دي غالية على كل مسلم زيها زي اي شبر عربي
بس مش نخلي التراب يفرق بين دمنا
دي الكعبة اللي هي بيت الله واعز واشرف وانبل ما وجد على البسيطة لان تهدم حجرا حجرا اهون عند الله من ان يراق دم امرئ مسلم
الغلط كان من الحكومة
لانها زي اي حكومة عربية تخاذلت وكلهم متخاذلين ولو كانت اي دولة تانية غير مصر هي اللي على الحدود مع غزة كانت الشعوب عملت نفس الكلام اللي عملته مع مصر بس هم مش قصدهم تراب مصر ولا شعبها انما قصدهم الحكومة لان كل القيادات العربية محتاجين الجزمة اللي اترفعت في وش بوش والله مصر على راسنا كلنا وقبلها اسلامنا هو اللي على راسنا
ياريت اكون قدرت اوضح الصورة يا أحمد

واضحه الصورة اه
بس مصر مش غاليه غير على اولادها بس ياامراه
مش على كل مسلم عربي زي مبتقولي
واضحه الصورة يا امرأه اه
وفي سورة الانفال اية
( واعدوا لهم ما استطعتم من قوة ومن رباط الخيل ترهبون به عدو الله ...)
وابسط ابسط معدلات القوة اننا نبقى صف واحد
سهل اوي اننا نرفع سلاح واحنا منعرفش نضرب بيه
سهل اوي اننا نقول كلام يجي علينا بالخراب ومنكونش ادو
وانتي قولتيها
محتاجين الجزمه اللي اتحدفت في وش بوش
مش محتاجين لبن لادن يبعت صواريخ تضرب ويستخبى عشان يدوروا عليه

لايا أحمد كلامك مش صح بدليل ان انا مصر غالية عليا قوي وانا مش مصرية


بليز حاول تدخل التوبك ده
http://me.zorpia.com/forum/19413/352674

توبيك جميل
تقبل الله منك ومن كل داعي لنصرة الاخوان
بس ربنا قال
[ان الله لا يغير مابي قوم حتى يغيروا مافي انفسهم]
بقالنا كتير او بندعي يا امراه
والوضع من سيء لأسوأ
فيه حاجه غلط.

ان الله يلا يغير ما بقوم حتى يغيروا ما بأنفسهم
انت كده اجبت على سؤالك الغلط فينا اننا بقينا بعاد عن ربنا قوي
عشان كده بقالنا كتير بندعي ومش فيه حاجة ده فيه حديث لرسول الله صلى الله عليه وسلم فيما معناه رب اشعث اغبر يرفع يده للسماء ومأكله حرام ومشربه حرام فانى يستجاب له
وانا قبل ايام عملت توبك بده
http://me.zorpia.com/forum/19413/351475/


لازم نتقي الله في كل صغيرة قبل الكبيرة
وان تنصرو الله ينصركم هو ده المفتاح