網誌
2009年9月13日 上午11點50分08秒美国豪宅随英楼市回稳整固再现炒风..
豪宅有价，发展商纷纷赶喺年尾前大举出货，恒隆地产（ 101）及港铁（ 066）「平售」君临天下急速回笼过百亿；新鸿基地产（ 016）天玺解封余货，劲加价两成硬撼；新世界发展（ 017）跟住加价推售名铸低至中层单位，即使有名人炒家撑场都谷唔起个势，仲有唔少买家临场缩沙，令人怀疑本港豪宅市场系咪开始出现「拐点」？虽然一个盘反应差过预期就话豪宅见顶，未免以偏概全，可能只反映西九确系食正地运，特别受内地客欢迎，但毕竟外面风雨飘摇，资金市最好睇清 Fund Flow。西九豪宅由旧年底至今升近 50%，听富贵住客讲，豪华会所早已「去香港化」，出入都系大大声「刨冬瓜」，令「原居民」朋友大呻冇瘾。不过资金大举涌入似有放缓迹象，上月金管局日日接钱的新闻已销声匿迹，连星展的报告都提到，资金只等一个借口流出，并非大家一厢情愿对香港咁长情。中港资产贵，大孖沙邢李㷧都转战宝岛买南山人寿，英国楼市亦开始升温。 小心资金流出中港资产伦敦豪宅上月卖出 250间价值逾百万英镑的住宅，同比急升 234%。自雷曼事件后，当地豪宅楼价连跌 5个月，跌足 15%先止跌，上半年升番 5%，但比起中、港期间的大升就差得远。 100万英镑折合港纸都只系千零万，喺香港买唔到啲乜，但手持人仔的内地客，见当地楼价同汇价跌咗咁多，近期都转趋积极。去过英国留学嘅都知，呢啲历史悠久的大宅通常阴风阵阵，但中投公司显然唔太怕黑，经历黑石同大摩嘅坐艇教训后，首次涉足海外房地产市场，就拍住卡塔尔主权基金等投资金丝雀码头。唔止咁，中投仲谂住添食，将今年投资总额增加 10倍。睇嚟市场正重新留意欧美嘅投资机会，大型基金亦正重新评估风险同调整投资组合。自中央收紧房贷， 7月以来出现价升量跌，有实力者担心楼价高位有调整，资金自然会转投海外。专营豪宅的 Knight Frank早前统计，英国超过六成销售来自海外，特别系中国、印度同俄罗斯买家。资金无情，边度有水位就流去边，美国豪宅随英楼市回稳整固再现炒风可能短期会出现，到时资金班师回朝亦唔需要搵理由，投资者炒时炒，要控制注码，步步为营。 / 胡孟青
中国基金三个月回报 : 11 %
亚洲房地产基金三个月回报 : 17%
英国房地产基金三个月回报 : 28%
( 资料由 Friend Provident 提供 )
英国友诚 – 自1832开始领导市场
英国友诚作为金融服务业的领导者，拥有超过175年历史，是率先提供人寿保险及其它相关产品予私人客户的公司。卓越的基石引领英国友诚成为英国其中一间发展最迅速及最成功的投资及保险集团。
公司财力雄厚
英国友诚是非常成功，发展迅速的公司，管理的基金数额达933亿英镑( (截至2008年9月30日)，雇用职员超过5,000人，全球各地的客户超过250万。
2009年8月26日 上午7點13分52秒青心直说：瑞安超笋迟早被发掘
讲过大花筒嘅内房股，今日讲眼光好、财技高嘅瑞安建业（ 983）。话说当年 97年 2月瑞安成功趁港股节节上升、恒指刚突破万二见万三点时乘势招股，上市半年，恒指就喺 16820见顶，当时港人多仍沉醉于回归前加世纪末风情之中，股民对亚洲金融风暴前奏之泰铢沦陷毫无风险意识，大家只顾炒股炒楼赚快钱， 12年人事几番新，当年 9蚊招股上市的瑞安，今天仍卖 9蚊咁上下，难得冇走样，仲派咗唔少息，兼生咗几件㖭。
06年 10月，瑞安几经艰苦分拆瑞安房地产（ 272）上市，成功收番 30亿元； 07年 6月，再分拆处理内地烂尾楼的中华汇于伦敦 AIM上市，大家睇睇上市时间之掌握，就明白咩叫抓紧机遇。现时瑞安仍持有瑞房 9.5%股权，主业仍然系水泥建材，最近成功私有化中华汇，正式转型做内房收买佬，营运模式将以瑞房打一线新楼，瑞安就继续低价买入烂尾盘，执靓靓再放售图利。
高卖低买 私有中华汇
此等收买佬性格，主席罗康瑞在中华汇私有化过程中作出完美演绎，一洗被忍者龟屈机输几千万之颓风。睇番两年几前分拆中华汇在伦敦上市，加埋发行的可换股债券，当时足足袋咗 39亿港纸落袋。呢次趁中华汇喺伦敦跌到价残无人理时，即以高溢价私有化，总代价只系 29亿元，一沽一揸，净袋 10亿元，足足系中华汇去年盈利 8倍。
做收卖佬，最紧要喺行业缺水时执笋嘢，所以附属公司刚以 9.2亿元，向盈大地产（ 432）买入北京朝阳区 1.41万平方米的在建项目，进一步加强中华汇于市中心之实力。密密买唔手软，除咗私有化有咁大进账，中华汇亦好叠水，有现金 20亿元，加上无负债，私有化后对瑞安有好无坏，增加每股资产净值之余，亦可整靓整体土储水平。目前瑞安市值 45亿元，上年赚 5亿几，以中华汇市值近 30亿元，上年赚过亿计，市场似乎低估佢嘅盈利贡献。
内地地王价码不断创新高，水头总有短缺时，加上中央要打压，严防违规贷款，中小企发展商好有可能重蹈 07年楼市泡沫覆辙，到处都系烂尾工程。以瑞安市盈率只得 5倍，市场寻找落后宝藏，迟早会被摷到，留意股价同成交表现，察看几时有资金密密吸呢只好市又赚、烂尾挞定都唔死得嘅濒临被遗忘内房股。
胡孟青
2009年8月21日 上午8點04分17秒胡孟青 - 莫为一支阴烛太悲伤
昨日大跌市，做节目时收到的电话特别多，听散户反应有如市场探热针，与《苹果》搞开嘅散户指数调查有异曲同工之效。结果真系「估你唔到」，大市录得 8个月最大跌幅，散户反应不但冷静非常，而且绝大部份系问几时沟货。
系问沟货，唔系问捞底，要沟即系话喺高位经已蟹咗，可见坊间说「未派够货」之论未必成立。市场变化之快，经已今时唔同往日，如今派货快、股价挟高更快，派少咗货唔紧要，沽到好价庄家自然收货。
之前苦口婆心同大家讲，上证综指穿 3200已经要小心，天晓得一日之内连环跌穿 3000及 2900两个心理关口， 10个交易日自高位回调 17.5%，虽然有成 411只股份跌停板，但好在有停牌机制，否则骨牌式人踩人，后果不堪设想。
今天光大证券登陆上海交易所，到底中签率只有 0.81%、市盈率高达 58倍（历来第 5高），集资额过百亿元人民币嘅佢，会否出现「破发」嘅尴尬场面十分重要。似曾相识燕归来，光大控股（ 165）用 15个交易日跌去 15.3%，再次证明炒母凭子贵都系要趁单刁斗入直路见好即收。
内地充份发挥股市理论嘅钟摆效应，升就升过龙，跌亦跌到阿妈都唔认得，好大程度系同股民嘅成熟程度及市场供求有关。内地钱多股少，外资分到投资配额亦有限，基金又好，散户都好，惟有透过 A50中国基金（ 2823）捞底。
睇市面 A50牛仔街货，市场似乎信心唔错，喺发行商那边八到，近几日流入嘅 4000几万资金，昨日大跌市不但无被震走，反而左手买入 A50，右手 Call多只 A股指数重磅股中石化（ 386），炒家目标显而易见。用窝轮嘅启示性比牛证更好，因为可以剔除睇错市而被收番嘅资金。
上证综指 9日内跌近两成，其间两度反弹未成，但当大家绝望之际，想想移动平均线之万有引力，钟摆得越过火，调整过后之反弹越狠，唔好睇小反弹空间，对股市新丁及高追不遂股民而言，生死就在一线间， 50日线反弹阻力在 3105，当 9RSI已届 21、 STC跌至 11%，现在才睇淡已太迟， 10日线今天还处于 3220，短期跌势过急，挟一挟番上去唔出奇。