網誌
2006年2月7日 上午1點02分44秒轉日記
７－２－２００６ （Tue)
大家好呀！小馬子而家要轉日記喇！我唔會再用這個架喇！我會開過一個space，咁都好容易，唔需要登記都可以留言，咁大家到時就睇下啦！都要繼續支持我喎！知道嗎？以下就是我新日記既website喇！
http://spaces.msn.com/wendy428/
2006年2月6日 上午4點59分20秒行
４－２－２００６ （Sat)
今日係我同boy boy二人世界既日子，可以話係玩足全日呀！我地大約一點鐘就係銅記等，食番碗榮記先，這是佢第一次食的，都真係好多人呀！行咗一陣銅記，等消化咗一陣，我地就開始我地今日既第一目的地，就係－－赤柱。點知．．我地搭過咗站，一去就去咗赤柱監獄．．．．
真係好笑呀！無啦！就係咁要行番去市集，途中我地經過懲教處博物館，當然我地都要入一入去啦！因為係free架！哇．．．間中行下這些博物館，都可以對以前既事物加深番認識，唔洗時時都係行街既。之後我地就行到去市集到，都．．．好多外國人喎！不過呢．．．最美好的風景就係咁被填海工程破壞晒啦！我地都無係赤柱到點食野，食風都夠晒你飽，係下午時，boy boy走咗去食M記，我無食架！你下次唔好食啦！人家又唔食得，好衰架！食完之後我地就搭番車出去尖沙咀到。本來我地打算再轉車去旺角始創中心到食飯，但係呢．．到最後我地都係去咗紅磡小敏爸爸鋪頭到食，好味呀！食完飯，當然又要散下步啦！就係因為咁，我地就由紅磡行到去旺角，真係不知不覺呢．．．．．．今日真係行咗好多路呀！！！
2006年2月6日 上午12點22分43秒腳傷的第二天
３－２－２００６ （Fri)
星期五喇！大家開心的程度又再想升喇！今日除咗玩入咭之外，我地班死野就係掛住玩個space喇！當然我都係玩家之一啦！其實講講下都唔錯，又可以放相，又可以design個日記喎！都有一點兒想換呀！唔知我換咗大家又會點呢？做好玩的就是我答左有７５條既朋友之最既問題，都幾用時間架喎！最慘係我答完一次之後，點知．．．我自己按左一個button，攪到全部無晒，要由頭答過，那一刻我的心情真係想打人呀！
今日著咗波鞋番工，當然要帶多一點鞋係公司著啦！想死咩．．．．一著番對尖頭鞋，我傷的部份又痛，好彩帶咗波鞋咋．．．今晚放工約咗boy boy，今次既地點係尖沙咀．．．而家發現每當我地兩個一出街食飯，都一定有甜品的環節，唔．．．．咁樣我都真係唔得喎！
太驚呀．．．．
2006年2月3日 上午8點05分06秒朋友之最
3-2-2006 (Fri)
今日睇到我朋友玩"朋友之最",總共有75條,都幾多,但我都唔放棄,終於答晒了,如果你地都想玩都可以去copy,然後答吓!見唔到自己個名唔好傷心,因為話名係最呀嘛!!!
去我而下既website 到睇啦!可以隨時發表你地的意見...等你地既之最啦...
http://spaces.msn.com/wendy428/
2006年2月3日 上午12點18分31秒倦
２－２－２００６ （Thu)
唔知係唔係新年既氣味完，攪到我自己都好唔想番工同做野，當然啦！全部都係發夢先可以。今日倦到想死呀！我同琼姐都未開工就已經想收工，唉．．．真係好白痴呀！琼姐近排好鍾意玩hotmail入面既space，成日都叫我唔好寫而家這個日記，改用space喎！唔．．．．但係呢．．當慣了的時候，就真係好難改的。不過呢．．我都會打算用下既，或這space係寫少少野咁啦！
今日著咗對新鞋，痛到我阿媽都唔認得，所以一放工就立刻回家，如果唔係死俾你睇都可以呀！可能今日既我實在太眼瞓喇！食完飯，休息一會兒，大約九點半到我就上床瞓，當然我真係瞓得著啦．．．．
睡寶寶
保守？開放？係唔係應該諗清楚呢？唉．．朋友應該做一些應該做的事．．．．