網誌
2006年1月29日 下午1點07分25秒購物天
２８－１－２００６ （Sat)
今日係購物天，可能有個惡魔在身邊啦！咁當然控制唔到我自己啦！那個惡魔就係朱朱喇！今日約咗朱朱係太子到等，咁自然地既出發點就係聮合廣場啦！係短短時間內，我地都已經買咗好多野喇喎！總之就係每人一大袋啦！之後其實大家都好倦架喇！但我地都要盡最後一分鐘的時間買埋其他的野，大約５：４５到佢就要走喇！真係太倦同畦係無錢啦！但都好開心既．．．．
之後我就約咗我男友行街，本來係打算去銅記行花市架！但可惜就係落雨啦！無法，只可以係旺角行花市啦！我同佢都未行過，所以都無所謂啦！最衰係我買咗咁多野，攪到佢拎得好辛苦．．哈哈哈．．．下次唔會呀！大約十一點幾佢就送我回家喇！本來我都話唔洗，但佢又話要熟習一下，咁好啦！俾你送啦！你都算係我第一個男友送到我上門口呀！哈哈哈．．．
2006年1月29日 下午12點49分17秒行花市
２７－１－２００６ （Fri)
終於又到星期五喇～時間真係過得好快呀！今日既我好似成日都講錯野，攪到都有點唔好意思，希望真係自己有時都要多點提醒自己唔好咁多口呀！今日食咗好多野，落到去showroom又有下午荼食喎～食咗件cheese cake同飲咗杯cold tea咁啦！點知．．．突然之間，琼姐話elisa請食糖水，哇．．．．咁點算好呀！無法啦～人家請到有時真係唔可以推架喎！唯有我只係要碗豆腐花，但都已經食死我啦！好飽呀．．
放工約咗大師兄俾一些魔幻王國既coupon佢，因為公司仲有好多飛，所以俾佢打算叫佢睇下可唔可以晝到好位啦！之後我就趕番回家，今晚去明星團年，真係好多人囉！我食咗大約一個鐘到，我就走喇～因為今晚約咗bonbon，珍寶，大師兄，Jo仔去行花市，大家一起開心吓囉。當然我地今次都有個新朋友喎！就係大師兄既朋友同埋pui ling既男朋友同我地一起行，都真係好好笑同好多人呀！差一點就逼死呀！果然行一條路，都需要一個鐘到時間架喎～問你死咪呢．．．咁之前我仲約咗elaine俾飛佢添．．都幾難約到，如果係花市當中。大約十二點到啦！我地就散喇！因為大家都好倦．．．就係咁完成我地既花市旅程。
2006年1月27日 上午12點26分46秒整頭
２６－１－２００６ （Thu)
那些藥膏真係利害呀！不出一天，我的手都已經無咩事，咁當然都係要小心一點啦！今早我就落咗去showroom換飛，所以就無咗上午的時間喇！都好彩唔算太悶啦！但下午做野時，我已經無咩心機了．．．．．
今晚約咗阿盈同美儀一起去Yes Salon整頭，好彩次次都唔係等咗好耐。可能已經同Gary好熟喇！所以都好多野傾，包括同佢既助手都好好傾，攪到個口都好倦呀！今晚整得最耐係我，整到．．．１２００，真係好夜呀．．．倦到我死呀！不過當然好多謝佢地兩個等我呀！
2006年1月26日 上午6點52分48秒睇醫生
２５－１－２００６ （Wed)
昨天的我終於頂唔順去咗睇醫生，因為實在太痛，而且我諗諗下都係睇下西醫先啦！都係＄３０姐．．．係唔係？所以係lunch time 之前我就已經去咗睇，都係俾一些藥膏我搽啦！都幾涼架喎！今日lunch time係同林保怡食，覺得佢份人呢．．．都幾好，不過有小小串啦！都在所難免。佢都講咗好多有關做artist既事我地知，都幾黑暗．．．．唔係話好似我地想像中賺咁多錢。食完得，就係逐個同佢影相的時候，真係好似小fans咁呀！
今日時間過得好快，轉下眼間，我地自己部間既桃花又到，大家都忙於幫自己許願，都唔知叫攪笑定咩喇！今日夜晚約咗小敏行街，但之前我的可愛男友呢．．．哈哈哈．．．佢竟然放工就咗過黎我公司留下，原因就係睇下我隻手有無事，咁當然．．．我係好開心啦！但無表現俾佢睇喎！哈哈哈．．．又俾小敏話我重色輕友，邊到係呢？？？
果然我自己都真係不食言，我係買咗好多好多野架！但可惜始於買唔到褲同鞋囉．．．我又睇中一對波鞋，如果唔洗自己錢就有你話幾好呢？可惜這只會係發夢時先會有。大約１０：００到我地就走喇！因為都真係好倦，今晚又要多謝小敏喇！
2006年1月24日 上午11點41分54秒更痛的一天
24-1-2006 (Tue)
真係慘，一早起床，發現右手手碗比起昨天就更痛，真係有點驚同考慮要唔要去睇跌打，但諗深一層都係應該痛幾天就無事，所以都係唔好浪費金錢喇！一陣俾媽媽知道佢又擔心就唔好啦！就係咁我忍痛地做我今日每一件事。
今日無咩特別時，只係當想係明天同林保怡食下午時，心情都有點．．．．緊張架～雖然佢唔係我既偶打對象，但係呢．．佢始終都算係一粒星．．．．．
放工就去上學，無法喇！一樣係釣魚呀！哈哈哈．．．上完一個鐘就回家去，就係咁過咗我這一天喇！