網誌
2005年12月30日 下午12點20分11秒大事回顧
30-12-2005 (Fri)
2005年都即將過去，係這一年裏面，我總共做過四份工，有關心同唔開心，有辛苦同自由既時候，有迷途同有理想既時候，我估如果俾我講最開心的事，我相信係．．．．．太多．．唔記得。
但可能我唔會忘記就係喺４月時我認識到佢，緣份令我地倆個遇上，雖然我地一起既時間係好短暫，但我都唔會忘記。
其實每一年都係咁過，但我會覺得我自己對於愛情係最大感慨及體會。雖然到最後我都係單形一人，但仍然感到好開心，因為我身邊有太多朋友支持我，所以你地就是我地力量。當然，我身邊咁多朋友當中，盈依然係我最大的精神支柱，好多時同事没有佢，我相信我一定堅持唔到，我好希望日後有咩事都好，盈都可以繼續包容及支持我，因為我知有時我太過忽我身邊某一些人，包括媽媽．．．我唔知我自己下年可唔可以改到，但最少我要更加懂得珍惜身邊的人同愛他們，這就是我最大的責任。當然都唔少得就係我要開始讀書喇！唔可以lazy喇！如果可以的話，我都希望有一個我鍾意的人出現啦！哈哈哈．．
2005年12月29日 上午12點11分39秒番工
２８－１２－２００５ （Wed)
話咁快今日就要番工，唔知係唔係由於知道今日整個部門都係得我同另外一個男同事，所以心情都有一點緊張。我緊張唔係因為得番我同個男同事，而係有咩事發生時，佢幫唔到我，所以電話今日都係得我自己一個聽晒，真係有點慘．．．事情就係咁發生，真係估唔到一放完假，班投訴的人就打過不停，我短短一日時間，就接到差唔多四個投訴電話，有無攪錯呀？真係有咁多不滿？
聽到我個人都有點不滿呀！好彩，上天都對我好好，就係琼姐都回來公司一會兒，而且仲幫我做埋最難既PDI，我個心都放心一點。
放工約左盈盈，因為今晚打boxing，但我地無咩胃口，所以都係食好少野。途中bonbon都有同我地一起，因為佢今晚約左小學同學．．．．今晚打boxing特別倦，可能特別用腰位，所以唔係好慣．．．就係咁．．．過左這一天了．．．
2005年12月28日 上午3點34分24秒Boxing Day
２６－１２－２００５ （Mon)
Boxing Day，係一日好開心既日子，因為係拆禮物既時候，不過往往我都未到boxing day我就已經拆晒禮物，所以都無咩好拆。今日同樣地都係出街既日子，好開心啦！因為都係洗錢日子．．．．
今日下午約左珍寶同bonbon睇四眼雞丁．．．唔．．．我同珍寶都覺得麻麻，但係唯獨bonbon就睇到笑晒口咁．．都唔知有咩咁好笑，咁當然的確有時有一些畫面係好笑既，但始終無我想像中咁好笑．．．好彩都唔洗自己錢．．．
到左夜晚，我地就去左尖沙咀打邊爐，當然仲有Jo仔、大師兄同埋爸爸啦！我地六個都唔係食左好多野咋喎！個間野服務唔太好，食物都係．．．一般，可以的話，下次都唔好再好喇！費事激氣呀嘛！食完之後，我地就上左一間Cafe玩，又係玩Uno出事啦！我一玩我又顛喇！不停咁笑，都唔知笑咩！佢地五個都嚇死呀！發作事件呀！當然我地都有玩到交換禮物啦！估唔到我係抽中bonbon份禮物，係鏈一條，近排都好似成日抽到鏈喎！好呀！
而我個份就係爸爸佢抽到，剛剛咁啱佢就凍，fit晒啦！今晚又過左一晚開心的boxing day。
2005年12月28日 上午12點26分01秒聖誕節
２５－１２－２００５ （Sun)
咁快又到聖誕喇！今年聖誕同上年一樣，都係．．．同朋友過。雖然大家話左下一年點都唔會同大家過，但世事既野，你同我都控制唔到．．．不過．．．盡量啦！
由於不用咁早出街，所以我都可以話係瞓完再瞓，都幾舒服架！大約６：００到我先出銅記，仲買左禮物俾盈，小敏同美儀添，希望佢地會鍾意啦！雖然係買得急左一點，但絶對唔係無心架！今晚我地食皮前，真係等到死呀！我地由七點幾半等，食埋雪糕，再等，都要等成差唔多有兩個鐘，如果唔係算好食，我都真係唔等呀！咁當然總算無令到我地失望啦！食完之後就上左去狗狗Cafe，當中都有好多好笑既野，係到唔講喇！某些人會明白啦！哈哈哈．．．等埋gigi同阿毛黎交換禮物，時間都差唔多喇！今年係小敏抽中我份禮物，希望你會鍾意啦！而我就抽中．．．阿毛既禮盒呀！都唔錯架！
2005年12月27日 上午4點06分06秒平安夜
２４－１２－２００５ （Sat)
今日係平安夜，對於好多人黎講，絶對係一日好浪漫既日子。雖然我唔係同男性朋友出街，但係同我既BB仔都係一件好浪漫既事。哈哈．．．但可惜今早就發生左一件令人聽到都好好笑既事，就係我買左好耐既聖誕禮物，竟然係今早唔小心俾我整爛左呀．．．．好唔開心呀．．．
簡直係想死啦！當時既我都唔知點算好，不停咁諗不停咁諗，諗下應該買咩好呢？？好彩，到最後我都可以買到．．．放心呀！我都有將這件事話俾BonBon知，佢仲堅決叫我俾份爛既禮物俾佢添．．．正一傻仔黎架！算吧啦！係到話你知喇！這是一份可以扭糖出黎既pingue黎架～
到了下午，我就一早就左去買番份禮物先，之後我就去接BonBon放工，竟然係這些地方都會見到公司既同事，仲要都俾佢見到我偷看佢，想死呀！之後我同BonBon行左一陣，當中我地都有小敏係到架！佢個傻女發生咩事我就唔係到講喇！總之佢就開心死啦！哈哈哈．．．
大約８：００我地就去睇哈利波波喇！我覺得今集都真係唔錯喎！只可惜一樣野，就係喺我身邊多左兩個噪住我的人囉．．．不停咁笑喎！呀．．．睇完戲後，我同BonBon就去咗滿屋食糖水，就係咁我地就完成左我地既旅程喇！時間真係過得快呀！不過今晚都好開心．．．．