2005年11月29日 上午12點29分16秒心照

２９－１１－２００５　（Tue)

回到公司第一個時間都係離不開睇下人家既日記，當我睇完小敏同阿盈既日記後，我好明白你地對我既關心同擔心，我亦都知道我應該要自我檢討，否則下一次連我自己都唔想理我自己。我都唔知點多謝你地對我既關心，不過一切都同我個題目一樣＜心照＞。

34 瀏覽數 | 2 評論 | 與朋友共享 | 推薦

2005年11月28日 上午11點03分03秒無心機

２８－１１－２００５ (Mon)

又番工喇！我除左識講倦之外就係無心機，因為可能個個都好倦，好想放假，無奈既係唔可以住．．．好彩我都唔係話好多野做，但我又唔想無端端放假囉．．．好似有點浪費喎！我仲年輕，可以捱呀！哈哈哈．．．．今日無咩特別，只不過我都唔明點解佢地成日都叫我同阿Mo一起喎！我知佢係一個好男仔，但．．．．唔係話你地講多幾講我就會鍾意佢架嘛！就算我係鍾意佢，人家都唔會鍾意我啦！好難既．．．．

唉．．．．唔知點解，有時有好多野你預定時，總是會有所改變。其實有好多我應該知道，但可惜，永遠都要等到傷害左自己時先清醒，我只可以講自己就係抵死！唔值得可憐，係真架！所以大家都不用理我，因為我相信只有自己才可起身。

29 瀏覽數 | 發表評論 | 與朋友共享 | 推薦

2005年11月28日 上午12點22分48秒番工

26-27/11/2005 (Sat & Sun)

總結來說,這個星期六日我都係喺會展渡過我既假期，真係慘呀！我真係好想玩呀！不過無法啦！為左搵錢，我有咩辨法喎！！不過最出奇就係兩日係某一個時間都會有一些傻人，令到我地既氣氛都變得好笑起來，因為那些傻人都幾攪笑架喎！好似有個女人會拿住包紙巾當作電話，係我地reception counter面前講晒dirty words，真係好好好笑架！另外一個就係拿住一部有影相機功能既男仔，又係我地reception counter面前，要求我地同佢影相，又話點解唔同佢影，你靚仔就話姐．．．．．何況你係傻，都好白痴呀！這兩天真係將我儲備左好耐既電通通用晒，咁我應該幾時放假好呢？？

58 瀏覽數 | 2 評論 | 與朋友共享 | 推薦

2005年11月25日 上午12點29分07秒平常心

２４－１１－２００５　（Thu)

今日係星期四，但每一個同事們都為左星期六同日而忙，當然我都有時會忙架！但無佢地咁忙．．．所以就算病都係佢地幾個病，我應該要小心一點呀！本來今日應該係好好好開心，因為我終於再買番Nokia N70呀！！雖然唔係一次過俾，但都可以接受啦！可惜．．．今日的我已經唔同以前咁開心咁（我意思係無左買手提既心情）。我悶悶不樂既心情已經有幾天既時間喇！我覺得好辛苦！我腦裏面有三種感覺不停在我腦旋轉，內疚、開心、擔心一直在我心裏，那麼我應該如何是好呢？希望過左下個星期，甚麼事都可以解決，所以大家都不用為我擔心。

最攪笑係今次媽媽竟然無為我買手提既事而鬧我喎！仲好奇咁．．．真係奇蹟呀．．．但絶對係一件好事。

87 瀏覽數 | 發表評論 | 與朋友共享 | 推薦

2005年11月23日 上午12點26分04秒你去左邊？？？

２２－１１－２００５　（Tue)

我覺得人生總有點迷茫既時候，好多時都唔知自己想點，現在的我就是。我覺得自己除左番工之外，其他地方我都唔想去，點解？？我都想知。原因只得一個就係我既靈魂又唔見了．．．．昨天放工約左阿盈食飯，在食飯途中我講了一件事給她，我知道我係唔啱，亦都唔好諗咁多。可惜自從８月既我，原來一直都係行錯路，完全都唔係做緊我自己應該要做既事，莫非我真係未定性？？？我知道阿盈係擔心我，我好明白佢意思，選其一，不過而家唔係我去選，我亦都無資格去選，所以我先想去探索，今年既最後一次，過了今年，我希望我自己都可以醒過來。

今晚做完運動好倦，出完一身汗，人都醒一點．．．．

38 瀏覽數 | 發表評論 | 與朋友共享 | 推薦