網誌
2005年10月31日 上午11點49分36秒開工及演唱會
３０－１０－２００５ （Sun)
今日又係一大清早起身，今日仲倦過昨天，可能係瞓得唔好啦！知道今日又要開工喎～當然唔可以瞓得太過火啦！今日約左９：００等，之後就揸車入去屯門黃金海岸，因為今日smart fun day呀！我地又要做reception，都不知鬼咁多蚊呀！白痴架！而且都唔係好似想像中有咁多野做，大部份時間都係坐同坐囉．．．．
咁就唔洗三個人去啦！真係一起坐咩，又唔知鬼咁遠喎！不過算啦！都係學野．．．
大約６：００我就即刻走喇！因為今晚我要睇Joey's concert呀！約左８：００等喎！咁我都要趕出去食飯架！今日已經無餐好食架啦！雖然唔洗錢姐，但都係啦！好彩我都趕得切去小敏爸爸到食飯，join埋阿盈同小敏。
今晚整體來說都係一般啦！唔係話好特別，又唔係話太悶，但唔係好似想像中咁好睇囉．．．好彩都係＄２００咋．．．
2005年10月31日 上午11點30分43秒心情有點不好
29-10-2005 (Sat)
好快又到星期六喇～唔知係唔係悶過頭，整日都唔知點解有點唔開心，可能係我太悶喇！又唔知自己想做咩，又無野好做，一清早我又起左身喇喎！真係痛苦呀！人最痛苦就係唔知想做咩，所以我既心情明顯係有點．．．
好奇怪喎～我每一個月總會有一兩次都會唔開心，係因為自己太悶，無野做時，我就會唔開心，可能係我份人真係唔悶得啦！我真係怪呀！好想買野，但又要儲錢喎～真係好辛苦。但有幾多人可以明白呢？？？
到了下午，我就約左bonbon出街，行下啦～如果唔係我會死架！哈哈．．．每一次見到佢，心情都會好一點，可能佢太白痴啦～傻傻下，攪到好多笑料出晒黎．．不過佢今日係一個惡魔啦！明明我唔可以買野，佢偏偏就鼓勵我去試同睇喎～想死咩？？
就係咁，我就被那個惡魔誘惑到我去買左野囉．．．佢自己都買左條褲仔呀！你話呀！同佢出多點街，一定用晒所有錢呀！不過呢．．．都係開心既．．．
2005年10月29日 上午3點11分28秒有點悶的一 天
28-10-2005 (Fri)
今日係我最後一天放假喇～時間就係過得好快架！雖然無話有咩特別事係做過，但總算過得精彩啦！今日終於忍不住喇！我真係好驚我隻腳指公會不停咁流，咁好煩架嘛！所以就算要用錢我都要睇醫生啦！好彩都唔係要等好耐，醫生一睇佢竟然好驚訝，佢話點解會咁紫喎！哈哈．．．好似好嚴重咁喎！我就將整件事都話晒俾醫生聽，聽完之後都係得一個結論，就係我隻腳指原來係唔可以濕水架！我仲要濕左差不多一個星期，佢話已經發炎，細毒入左落去喎！佢話而家要著住涼鞋先，小心一點囉．．．不過好快就會好番架喇！我相信呀！
今晚約左小敏同阿盈佢地睇＜再說一次我愛你＞，唔．．．．唔係話唔好睇既，但可能真係坐既住好前呀！第三行，攪到自己無咩心機睇咁囉．．但講真，都唔算話好好囉．．．好彩都係＄３０咋．．．哈哈哈．．．
今晚好多謝兩位G4（小敏同阿盈）保護住我啦！唔好俾人行近埋我，費事人家整到我隻腳指呀．．攪到我成日都睇住我隻腳指呀！驚佢流血水呀．．
2005年10月28日 上午3點07分58秒放假的第二天
27-10-2005 (Sun)
今日已經係我放假的第二天喇!時間真係過得好快,今早吃過早餐後,我又出去喇!今日就約左bonbon放工睇<怪物>呀!好彩佢係放半天,如果唔係又唔知幾時可以睇喇!都好低喎!我地用麥提沙就需要$30咋...所以就算唔好睇都唔低啦!正當我準備出門時,我班同事又打俾我,點知....不出我所料,佢地係想我幫佢地打野....天呀....其實幫佢地做唔係一個問題,但點可以咁架....我係放假喎!
真係攪笑呀!我當然無理佢地亦我地理唔到啦!今日我地係去旺角朗豪坊到睇,有一個好異常既情形出現左,就係點解好似好多人都唔洗番學甘既,我去到都仲要排隊排左半個鐘都有,剛剛趕得到睇咋喎!真係奇怪呀!佢地就好啦!睇完之後,都唔差既....但我真想嘔多囉...因為都幾嘔心呀!唔好講笑呀!之後我地兩個行左一陣之後,我睇bonbon眼瞓到就黎唔識理我同答我野,所以我都係叫佢走,回家吧啦....哈哈哈...
再之後我就去左銅記等小敏放工,因為今晚約左小敏同阿盈食飯呀...咁阿盈要遲一點放工,所以我就同小敏兩個行住先囉...唔好講笑喎~行行下都真係睇到好多野都想買呀...死味呀....我都驚呀!但所有野都要心思熟慮後先可以買,唔可以好似以前咁囉.....我地食完飯,又去食糖水,因為我地今晚三個都真係好多野傾呀!不過大部份都係傾我咋嘛....
2005年10月28日 上午2點37分30秒於假的第一天
26-10-2005 (Wed)
放假喇....真係好開心呀!雖然我無去旅行,但我一點都唔悶架....可能係下午時份會有點啦!今日既第一個節目就係同珍寶去上環interview呀!佢唔識路呀嘛!咁唔見左佢點算呀!某人會好傷心架喎!我怕怕喇!
大約9:50到啦!我地就到達目的地喇~咁我就當然坐係下面等佢啦!最攪笑就係.....我等等下又瞓著左喇~真係唔好意思呀!10:30到啦!佢出黎啦!等到等到....之後我地就去左食午飯,然後就各自回家喇!
我番到屋企上左一陣網我就打算瞓啦!但瞓之後我就食左elaine & tammy送俾我既coffee朱古力啦!點知.....就瞓唔著喇!好利害呀~~~無法啦!我唯有起身啦!
到左夜晚8:30到,正當我準備食晚飯時,佢地就打來話我知佢地已經考完試喎!嚇得我半死啦!仲唔九秒九出去咩....因為今晚珍寶話請我食糖水喎!咁幾遠我都去啦!當然唔係只係同佢食啦!仲有bonbon同爸爸架!我同爸爸味不停咁笑下那個好dry既珍寶囉....笑死我地呀!都好開心呀!雖然時間係短一點,但唔緊要啦!