網誌
2005年8月31日 上午2點00分31秒開始回復體力了
30-8-2005 (Tue)
今日星期二,瞓一晚自己個體力都開始好一點,但都仲有少少痛咁啦!今日我全日既工作就係對野,對那些price list,我都唔明,點解好似對來對去都仲有咁多,攪到我自己好似辦事能力有點低咁。當然到最後我都係未對完啦!我都希望可以快D呀!
今日無咩特別,放工都係立刻回家,一來想休息,二來最要既時刻就黎到,我要趕快一點做好。今晚又係好多人同我講野,攪到我最後都做唔到咩,只係寫左兩天好重要的日記上網同upload相上網咁。大約12:00到我就走去瞓喇!
2005年8月31日 上午1點42分25秒就死的一天
29-8-2005 (Mon)
今日係星期一,加上係我就死的一天。今早我只可以行屍走路,全身都好倦,加上我的貴賓黎左,佢真係對我好好,唔好講笑,就係可能我星期六日都玩得太開心,將我既心情推到去高風,所以味請埋我個貴賓黎羅.......好彩,我一早就同我班同事講我今日精神不好,所以味都會慢一點,佢地都係到笑。但我覺得自己最慘就係今個星期係番7日,無得休息,真係慘。
最慘的事我今晚仲要上堂,上8:00呀!咁即係無得走啦!本來我都有打算唔上架!因為真係好辛苦,但我又覺得難得又到我,我唔想再慢,所以我都有去。上完之後,阿盈就陪我去搭車,回家食完飯就瞓喇!今日真倦。
2005年8月30日 下午3點28分10秒石澳天
28-8-2005 (Sun)
唔知係唔係人大就越黎越容易倦,我都只係昨晚去完燒野食,又唔係做過D咩,我今早一起身,就已經感到好倦,當然我估我玩埋今日後,星期一都一定死緊啦!
食左少少野之後,我又係時候收拾一下一陣去石澳的旅程喇!今日約左朱朱,阿肥,elaine,crystal,winnie去沙灘玩,我都真係為左佢地重臨於沙灘玩水呀!因為我不嬲都覺得去沙灘玩水係好dirty囉...但無所謂啦!玩下呀嘛!不過我今日無著swimming suit呀!因為揾唔到,只係帶多幾件衫咁啦!去到個陣時,好多人已經去到,整個沙灘都係人囉.....我地將我地今晚要燒野食既食物整好之後,大家都各自去換衫啦!而家都幾方便喎!因為有locker租咁,都唔係好貴,$20已經係大喇!咁當然我地為左安全都租左一個啦!但攪笑既事亦由我地換完衫坐係到食小食開始。本來今日winnie帶左張浮床俾我地玩,點知我,elaine,crystal就坐在浮床上面食野,不久,突然發出一聲勁響,嚇得我地六個人都望一望大家,原來係張浮床......未出發就已經去世左喇.....好唔開心呀!仲要俾elaine話一定係我肥,所以攪到佢去世呀!又關我事既.....事情都發生左,我地又只好玩水槍啦!大家一落到水,只係講.....好凍呀...尤其係朱朱同elaine佢地兩個人囉...笑死我地呀!叫完一陣都開始我地既水戰喇!大家都玩得好開心,我地仲要互相推大家落水,真係好玩呀!但唯獨係阿肥唔乖,要我地五個人捉佢落水,因為佢成日都走番上岸,攪到我地要捉佢,佢都傻架!推完最後的阿肥後,我地就開始撱衫喇!因為都開始又另外一個節目,就係燒野食喇!我都估唔到我會連續兩日都會燒野食,真係唔死都算我好彩呀!
大家燒野食都好倦,可能今日玩得好顛喇!我隻腳就好多沙,真係攪佢地唔掂呀!大約9:00幾我地都開始走喇!因為明天都要番工,真係相信我死緊囉!回到家時,已經死咗一半。但講真,今日真係好好好開心,大家可以完全放下所有的工作盡情地玩,所以幾倦都值得啦....
2005年8月30日 下午2點56分29秒赤柱燒烤天
27-8-2005 (Sat)
今日一早起身,其實都唔算話瞓得好遲,可能知道今日有得好街,所以個人都好開心咁啦!今日天氣都幾好,希望唔好落雨啦!因為今日會同iris佢地一起去燒野食架!咁當然我都要多謝佢地啦!因為我一聲話想去燒野食,佢地就出黎喇!有時真係覺得你地好好呀!
下午約左iris & nicola買野食先,點知佢地又遲到喎!真係天呀....點解成日都會有人遲到架!咁我味同nicola行住等iris佢地囉...等埋馬安同may黎,我地女仔班就開始買野喇!所有野都係我地女仔做,男仔只係去到食,真係唔明要男仔做咩呀???
不過,佢地班男仔當然都會有用既時候,就係玩得夜時,佢地都會送我地女仔回家,都幾好啦!有時都不用計咁多.....
白痴架!今日赤柱係何其地大風羅....吹到我個頭都變鳳姐呀...你地知唔知係邊個呢?攪到我成日都要入廁所攪攪個頭,你知啦!頭髮對女仔黎說都好重要。今晚我地好叻,因為我地可以將所有野食都食晒咁啦!我燒咁多次野食,都係第一次食晒所有野,但估唔到真係.......當大家飽到想死時,就連男仔都話飽,may竟然話........佢食咁耐,而家都未飽....天呀??點可以咁架...佢食咁多野,但都唔肥,但我食少少野,就肥到不得了,咁邊到公平喎!我地燒完,又落銅記食糖水,哇......今晚真係好飽呀!我地都唔算玩得好夜,自己明天再玩,又點可以咁遲回家呢??所以大家食完都回家喇!大家都好倦,但都玩得好開心呀!
2005年8月29日 上午1點52分46秒盼望的日子
26-8-2005 (Fri)
盼望的日子終於來到喇!實在太開心呀!因為今日係星期五呀!!!!!每當一諗起放左工同星期六日既節目,都一定令我開心到死,當然開心的背後一定會有痛苦既......真係倦喇!一想起下個星期要番7日公,咩開心都無晒,不過當然係玩再先啦!咩都唔好諗住。
今日都有幾多野食,因為我地為左同elsia慶祝定生日,所以我地又出去食飯,而且又食birthday cake添....都真係好飽喎!所以話有咩辦法唔肥呀!不過都係開心的事。
放工放工喇!真係好開心,因為我今晚約左朱朱行街,雖然我要等佢,但算啦!鬼叫我做過佢放工咩!!我地兩個今日去旺角行街食野,本來大家都想買野,佢想買swimming suit,我想買褲,但到最後我地兩個咩都買唔到,真可惜.......今晚好熱呀!但都不阻我地兩個人的交談。不過好開心一樣就係,如果無事發生,大家既感情又點會增張呢?當然希望以後發生的都係好野啦!