網誌
2006年8月24日 上午7點29分23秒心靈上的問題
唉．．我又有問題啦！個問題係關於我工作上面，所以不能寫公開俾我班同事們睇到，但我又想講出黎，俾朋友仔知道，所以我都係寫係這兒啦！
其實係而家間公司做都已經有一年多，大半年的時間都係喺開心渡過，我而家唔係話我唔開心，但發覺問題多多，自己既問題亦都係同事的問題。其實同同事們既關係唔係話差咗，但．．．總有些問題，而這些問題令我覺得有點壓力感。
其實個問題就在於我同事係昨天同我講一番說話，佢話我其實應該去令自己增強課外知識，佢話而家有佢地提醒我，但將來如果出去做野時，人家講咩自己都唔識，人地就會笑自己同埋可以話ignore自己。佢其實講得好啱喎！我真係發覺有時講野都真係好唔成熟，雖然我目的都係想大家輕鬆一點，但原來佢地會覺得我講埋D野都幾廢架喎！再諗深一層，在這一年有多少少裏面，我真係做過咩真係有意義既事呢？話就話夠FREE，放工準時，但原來並不是如此的架！自己好似仲係原地踏步，無進步，衰一點講一句自己就係無用。有時會恕點解佢地唔俾我試下，但其實唔怪得人，係因為我自己俾唔到別人信心。真係唔好話咩再出去搵工啦！我連而家份工都做唔好啦！超無用。
更加發覺，自強真係好重要，你要別人唔好成日話自己時，自己都要檢討，而家搞到我超覺得自己好好好無用，好廢，讀書又好，朋友又好，工作又好，愛情又好，都係．．失敗失敗，我而家心靈上受到嚴重的打擊，可以話我唔知自己每一日係做緊咩囉．．．咁事問咁無用既人生存這個世界上又做咩呢？？唉．．我真係要好好反省一下，如果唔係做鬼都唔成呀！
2006年8月17日 上午7點25分01秒改日記
我的全新日記如下:
| 留言畫板: | http://www.hkflash.com/gb.asp?id=wendy428 |
| 網上日記: | http://www.hkflash.com/diary.asp?id=wendy428 |
2006年6月8日 上午2點54分04秒疑問
近排唔知點解，有好多疑問，我既疑問在於我自己既部門問題。
本來係我心目中這個部門真係好開心，我覺得有咁既同事們及阿頭都好榮幸，因為佢地都對我好好。唔知點解，從那天開始，由自己衰多口的一天，好似所有野都有點改變，當然唔係改變佢地對我唔好，而係一種氣氛，目標人物－－阿頭。其實自從阿頭整完眼睛後，好似．．．煩咗，佢煩既程度令到我某兩位同事都忍唔住，特別係仙女同事，差唔多佢每一天都會同琼姐講佢既不滿，當然啦！我係聽唔到，但係內心有點不安，唔知佢地幾時忍唔住，尤其係仙女同事。自自然，我自己都覺得真係有點問題，問心自己這一年係這問公司又真係學咗咩實在野呢？其實這個問題應該係我好早時候問我自己，只不過係我自己唔想面對，講真都唔算學咗咩，唯一俾到我就係充足的時間做自己野，但係咁樣又點得呢？自己咁年輕，我已經被這種生活搞到自己無咩衝勁，唉．．．．自己都覺得自己有點失敗。不過轉工已經唔係我一個人既事，因為我要顧屋企同埋我又開始讀書，我好驚太多突然奇來的事發生，到時我驚我自己頂唔到，所以唔可以太自私，這個責任我負唔起。人大咗做野就唔可以唔顧及身邊既人及事，尤其係屋企人，如果自己唔係讀緊書我都會再一次出去，但唔可以啦！
而家又會有邊個可以幫到我呢？唔想俾同事們知，所以我又再一次寫係這個日記到。
我真係好想搵個人倚靠下呀．．．．．．．．．
2006年4月11日 上午4點32分15秒我哭了
自從出黎做野之後，發覺自己唔開心比起開心係增加咗，可能有時太大壓力喇！好多時都唔可以話所有野都在你掌握之內。
有時我會好驚，知道自己唔開心既次數大增，驚自己會變，變成一個沉默的人，我唔想囉．．．．但可以點呢？盡量去休息？唔諗？放開一點．．我已經好放開，如果唔係我已經死了。
昨晚我終於忍唔住哭了出來，獨自哭了出來。為了讀書？為了一個唔係由我引發既問題而煩？可以咁講，我唔想自己會憎恨人，尤其係我家姐，因為憎恨人實在太辛苦了，所以我選舉自己去承擔，這是我可以做，亦是唯一可以做。
今次我俾大家知道我唔開心唔係想要甚麼，你地知道就可以，我唔係小朋友架喇！一切既事就由我自己去HANDLE啦！不用擔心，我係開心馬馬，一世都會係。
2006年2月7日 上午1點02分44秒轉日記
７－２－２００６ （Tue)
大家好呀！小馬子而家要轉日記喇！我唔會再用這個架喇！我會開過一個space，咁都好容易，唔需要登記都可以留言，咁大家到時就睇下啦！都要繼續支持我喎！知道嗎？以下就是我新日記既website喇！