網誌
2005年2月27日 下午2點53分44秒今日下午本來返去排舞...不過我起伸o
今日下午本來返去排舞...不過我起伸o個時見到份報紙話我like既民族服裝開倉低至四折, 所以....我同妹妹忍唔住走左去tst睇...點知...去到大大的失望! 我覺得o個度似大清貨多過開倉...咩都無, 鞋又斷碼, 突然有種被騙既感覺! 結果我白白浪費左我既寶貴時間!!!!而今日返home前, 我又陪妹妹去晶堡城睇佢今早睇中既紫龍晶...我阿妹買水晶買到上隱....佢依家已經唔係為function而買, 佢最like既仍是opal....上次買o個條珍品到now都唔捨得戴, 怕傷左水晶...睇黎我home將有一個水晶痴專家呀!哈哈!
今日, 我帶左我之前買既鍊去淨化, 順便問下老闆我d水晶戴成點...點知....我既紅紋俾我戴到半死狀態, 我听到嚇左一跳, 佢話我唔錫條水晶...不過從好既方面think, 我吸左水晶好多能量, 都未嘗不是一件好事~ 睇黎我o個條水晶都命不久已, 不過我都會錫住佢, 盡量都唔戴...反而, 另一條藍玉髓就俾我戴到越來越靚...簡直係越來越晶瑩剔透...哈哈! 凡事都有好有壞, 睇我o個2條水晶就知啦~ 老闆話4-5號應該會有d靚水晶返, 叫我地有時間都可以黎睇下咩叫靚水晶, 欣賞下都好呀, 俾人買左就欣賞都欣賞唔到囉! 今日去o個度, 又知多左好多水晶既知識喇~ 哈哈! 好彩, 今日睇唔right d 水晶咋, 如果唔係又破財囉! 等星期四晚有時間的話...去o個度睇下有冇又靚又平既水晶返喇~ hehee有緣既...一定會帶佢返屋企既^^
慘喇....仲未寫教案...死得! 唔打囉...沖個涼寫教案! 早d sleep!
2005年2月26日 下午1點54分36秒今日好好sleep, sleep到12:00都仍然覺得好
今日好好sleep, sleep到12:00都仍然覺得好sleepy n tired!!!不過, 我都要起伸呀, 因為下午要去教畫嘛~
今日教畫前一班...我好enjoy去教...因為佢地真係用心去學, 去畫, 我見到佢地既進步, 而下一班的一位小朋友就激到我死死下....完全無心去畫...去听...我唔想教就係依d學生!!! 最不喜歡學生將我既說話當耳邊風咁听...結果佢俾我scold...仲寫左d comment係佢幅畫後面, 實行懲罰下佢....等佢自己反省下都好! 不竟她已經讀小四...她應該學習怎樣尊重別人, 怎樣認真去做每一件事!!
今日仍然好累...S.A.一星期已經攪成咁, 星期一晚開始..仲要去學化妝...究竟我頂唔頂得順呢? 哈哈! 我真係有好大既? 同疑問!
2005年2月26日 下午1點38分01秒25-2-2005 白天如常返去實習, 繼續忙碌
25-2-2005
白天如常返去實習, 繼續忙碌的生活~ 今日係第一天去join佢地既生日會, 係早會上, 有一個牧師黎講聖經故事, 老師介紹叫佢做"傅哥哥"...佢好攪笑, 講故事既技巧唔係好掂, 我懷疑佢都無prepare過就講, 佢講故事完全吸引唔到我去听...always 講:"咁呢....咁呢...所以呢..." 成個故事就係用依個"呢"字串連而成! 不過听佢咁講故事真係好攪笑!
小朋友今日都好興奮, 而家頌今日俾雷老師馴服得"tup tup dim"...雷老師今日好唔舒服, 佢胃對上好痛呀! 而今日, 我地個課室多左2隻巴西龜, 這都是雷老師為左小朋友學習而專登去旺角買...哈哈! d烏龜好cute...仲好naughty呀!
放左工, 我就趕去美乎教畫, 之後, 再出旺角join jenny~ 今次係為左陪jenny佢去california登記而出mk, 結果係o個度...佢激到成肚氣出黎, 仲立即打電話投訴!! 我都好少見到佢咁激氣, 不過o個度d人態度又真係幾差, serve我o個個教練都ok...不過我阿妹o個個又真係過份左d, so我支持佢投訴架! 今日係旺中又去左我always都去既鋪度...個老闆認得我, 記得我個名tim呀~哈哈~ 我今次忍唔住又買左一條claires ballet手鍊, 同i wish星星耳環...唉...又破財...返到home 12:30左右...食埋飯...沖埋涼...睇下電視....嘩...3:00!!!!!!!救命!!!!actually....我早已經累到唔識郁...super tired
2005年2月24日 上午11點22分22秒今日, 如常去sch attach, 不過我既同儕無
今日, 如常去sch attach, 不過我既同儕無返呀! 因為佢要考三級六等試...結果中午我要一個人出去食飯呀!!! 今日, 食lunch o個度好多人, 我order既東京茄子飯等左足足20mins...害我差d趕唔切返去...不過, o個間野既茄子飯係我既至愛之一, 好好味呀! 返到園, 我立即攞左支五寶丸出黎食...因為我怕我個肚又痛! 不過, 今日好好多! 最起碼無昨晚痛都咁厲害, 明顯地無咁痛, 不過都有少少間歇性肚痛呀! 今日放左學, 同雷老師傾左好耐, 從佢身上, 我學識好多野...哈哈! 今晚係我唯一比較有時間的一晚, 我放棄返ied听音樂比賽....寧願返home休息, 打下diary...今晚, 我要早點睡! 因為我打累了! 今日返home途中...又在車上睡著, 睡到不省人事! 唉...依種情況將會不斷出現呀! ZzzzZzzzZzzzz
2005年2月24日 上午11點11分31秒瞻@繞}穢l繒礙簡��, 織N繞}穢l禮��
一開始實習, 就開始我既非人既生活! 現在幾乎每晚都有豐富既節目等緊我呀! sch attach左4日啦, 其實係園既時間真係好快過, 因為你每分每秒都好多野做, 而這些工作是你自願去做的, 見到小朋友...總會令我很快樂! 哈哈!
21-2-2005 星期一
不習慣6:30起伸, 不習慣穿羽絨返學...很冷很冷...穿了很多還是很冷! 回到園...開始我60日既實習大日子...今日...見返d小朋友, 很開心!因為小朋友仲記得我! 陳老師見到我返左黎都十分開心, 因為我可以分擔她部份的工作! 今日, 我亦知道一個好消息, 就是陳老師有左2個月既身孕, 佢就黎做媽媽啦, 攪到我都好開心呀! 今日係新年團拜, 小朋友同老師都wear中國特色的衣服, 加上今日天氣特別冷, 個個小朋友穿到就好似個ball咁, 好cute呀! 而佢地既外套大件到課室都差點容納唔到...搬死我呀!>< (我雙手由頭到尾都是冰冷的, 而小朋友的手是暖笠笠的...突然好jealous d小朋友呀!)
下午班, 今日家頌無返呀! 因為佢要做男仔先要做既手術, 見唔到佢有點兒失望! 因為我好掛住佢呀! hehehe 不過, 今日都總算順利度過! yeah! (今晚, 間歇性肚痛...不過不嚴重!)
22-2-2005 星期二
今日真係多2呀! 而我同"2"特別有緣, 真係好邪! 今日仍然好凍! 所以今早我預備左2隻暖蛋...仍然是穿羽絨! 今日, 無咩特別事件發生! 特別事就是家頌返左黎呀!!!!佢做完手術, 無休息就返學喇~雷老師話佢mum可能攪佢唔掂, so早d帶佢返學! 佢今日完全失控, 經常鑽檯底、扮小青蛙, 自己做想做既野, 任何人講既野都唔听, 只有雷老師先攪得佢掂...哈哈! 雷老師真係好勁! 睇黎我份功課, 做家頌既分析...我都有排寫呀!
今晚, 我終於去跳舞喇! 我依家雙腳真係完全壓唔到, 壓少少都痛到我飛起, 我真係懷疑自己拉傷左d根, 要睇骨科or跌打! 因為我自從上年6月開始拉傷...我一直都未好過, 反而越來越嚴重, 好驚呀! 今晚跳舞跳到10:00!!!!真係omg呀! 返到home都11點半....食埋飯, 沖埋涼...sleeping time係1:30a.m....真係攞命呀!
23-2-2005 星期三
今日, 陳老師無返...攪到我都特別忙! 好多好多野做! 今日, 仲同小朋友講故事<愛搗蛋的小天使>..佢地听到津津有味...不過未講晒就要放學喇, so佢地要求tomorrow一定要繼續, 我叫佢地記住今日講到邊度, tmr繼續! 今日, 天氣180度轉變, 早上超冷, 下午開始越來越暖, 真開心! tmr唔洗著羽絨! 今日放學返home途中開始肚痛....返到home仲痛, 發冷tim呀! 食左五寶丸好d....睡到半夜又好痛...都唔知攪乜...肚痛都幾辛苦! 依排always肚痛, 究竟發生咩事!!!!!!!???????
放左學, 就搭taxi趕去美乎教畫...有自己一個room好好多...小朋友都特別集中...不過...好惜...30mins後, 黏土班殺入黎...小朋友唔多唔少都受到影響....影響畫畫進度同心情! 我無奈地接受! 但我真係曾經有衝動想同miss yeung講, 可唔可以一個room一班...你一個小room, 小檯..要容納咁多小朋友同2班唔同既堂在同一個課室上...你唔覺得好有問題架咩?
