網誌
2005年5月25日 上午5點07分34秒真的...
真的...
淚水會不斷流出, 直到眼睛乾透
喉嚨會不斷痛吼, 直到聲嘶力竭
我已經很累, 沒有心再去了解, 你是誰
你沒有舉動我沒有反應, 這算是什麼關係?
結束, 是一個完美的答案嗎
還是, 你已經不再在乎了嗎
你會怎樣過 你會放心嗎
*
滅了不好的心魔
打擊一切的痛楚
我已經不懂知覺
愛到痛我未講
你已經慣了有我在旁 的感覺
2005年5月25日 上午4點40分36秒愛上記錄片
最近, 愛上睇記錄片, 包括"希特拉的病歷"及"歷史幾狼都有之唐太宗"
從"希"片入面, 知道希特拉鮮為人知的一面, 就是他的身體狀況, 原來一個人的身體, 疾病係可以咁緊要, 影響整個二十世紀的歷史!!!從名人的病歷裡去探究歷史, 實在是件得意的事!!!!!!
另外, "唐太宗"的片中, 講述了很多呢個中國歷代最傑出皇帝的功與過, 當成功的人, 原來行既路唔一定會完全暢順, 做既事亦都未必係要正正直直的, 亦有做錯事冇得返轉頭的時候, 包括殺兄弟取皇位, 因迷信而誤殺功臣, 當然, 歸納了唐太宗的成功原因, 取經如下:
1)施恩施威
對所有大臣子民都施以厚愛, 不會因為自己是天子而不對下人多加尊重, 甚至感情深厚, 令人甘於服從, 但在適當的時候, 亦懂得去以威嚴來令群臣馴服, 令人敬佩!
2)求諫
主動的要求大臣去批評自己不是, 此舉真係要拍晒手掌, 因為時至今日, 都唔係有好多領導人有咁既風度同氣量去叫自己臣子咁做, 一味以為自己0岩晒!頂!
3)不記仇
放低仇恨, 甚至重用有用的仇人, 令天下人佩服, 做事對事不對人, 亦令本成為階下囚的仇人甘願降服, 全力效忠!絕!
4)殷憂而道著, 功成而得衰
呢樣唔係唐太宗有的, 我state出黎, 係指歷代很多皇帝都係有呢個毛病, 到唐太宗的時候反而冇, 意思是指初初做皇帝做領袖時, 得到民望, 會施仁政, 隨道德及良心而緊守崗位, 到成功取得一定地位, 穩固根基之後, 就開始忘記以上的作風, 越黎越冇道德, 越黎越違背良心去行政, 民望亦因此而下跌, 此乃反面教材也!
5)水能載舟, 亦能覆舟
成功, 其實很多時是要靠身邊的很多人, 及子民去支持的, 作為領導人, 不應該忘記此非應分之恩惠, 一定要好好報答對過自己好的人, 否則, 就好似大海中的小船, 隨時被浪捲走, 身邊的人就會離開領導者, 甚至起來判變, 到時隻船點穩陣都冇用!
哈哈, 好正經好悶呢!其實從記錄片中睇到好多歷史上的人及事, 套用返去現今社會, 諗下真係學到好多野呢!
希望大家唔好介意悶左咁耐!!!
另外, 想講既就係, 好搞笑, 我上個星期日(20050515)經歷左一個"撞星日", 鬼咩, 行尖沙咀, 一定撞到好多星, 有乜出奇?但都想同大家分享下...
2005年5月15日
我, aunties, 晏晝去黃埔漁人碼頭出show, 之後去到就同小肥豬合唱團撞show!!!哈哈好開心呢!!!更開心既就係, 果個show係由teenpower既黑超B同埋公仔就MC, 哈哈, 之後就同超B傾計, 因為好掛住佢呢!!!之後又同公仔傾計, 因為近排成日去BU, 一定有好多話題呢!yeah!跟住約左果琳出街, 行尖沙咀時, 見到bliss的oscar, 因為之前同佢合作過, 又0係太子撞過佢, 就同佢打個招呼, 我話"哈, 成日撞到你既?", 佢話"行下咋"...之後話口未完, 就在厚福街角撞到四葉草dicky hon, 今次呢個就唔識我啦, 所以冇打招呼了...之後隨即又見到利時阿詩, 即係科林個fd, 拍左我一下, 然後先見到佢, 跟住就去利時潮逛, 撞埋阿利時沅沅, 佢話買野有平喎!!!哈哈!!!
呢幾日真係有0的精神分裂, 性格孤僻, 一時咁一時又咁, 都唔知自己做緊乜同唔知自己想點!唉, 好煩呀, 唔理啦, 搞掂好我既分內事再算了, 努力應付接踵而來的工作!!!身為老師的我, 係長氣0的, 不過冇辦法啦, 開始要習慣了, 我亦在此多謝大家睇我日記, 我好感動架, 冇諗過咁多人睇我日記架!!!多謝!!!
2005年5月14日 上午8點29分38秒NINTENDOGS
即係咁, 我係一個冇感情既人
我意思係, 我對於關懷及照顧方面, 我會白痴的
所以, 我唔識照顧細路仔, 唔識養寵物, 我唔係唔鍾意佢地, 而係唔識, 例如我冇個sense去定期喂佢地食野等
我發覺我呢方面好弱, 本來唔識照顧人唔緊要, 顧掂自己就可以!但係, 原來我連自己都唔識照顧!
唉, 為左隆重地"歧視", 我唯有加緊操練呢方面既野...
而家屋企我係可以好多時候過著"獨居"生活的, 所以, 就從這方面著手...
要自己在家裡照顧自己, 唔靠屋企人, 唔靠工人服侍!
之後, 第二步, 就係試下養0的小動物, 但係唔養真既先, 我會養左隻任天狗先...
so far都養得ok, 我隻"KIMOCHI"有食有住有得玩有比賽...仲好聰明添!!!
哈哈, 今日我去旺角開會時, 帶佢出去link機先!!!
^_^
KIMOCHI, 加油啊!!!
2005年5月8日 上午2點34分40秒大
大街小巷, 穿插成美麗的線條
劑擁的人群, 並未覺末日來臨的先兆
我一個的走到街上, 看著糜爛的月光
愛過著獨行俠生活的我, 並沒有半點懼怕
上了雲梯, 配了裝備
了斷此一切的不尋常事件
滅絕一切空幻的想法
打擊所有不實的思想
啊!可愛的八神啊!!!你何時才會甦醒過來呢?
2005年5月2日 下午6點50分50秒自導自戀
提早改變一生 心跳在掌心
我是男友你像路人
不用敏感 牽心(偏心)動魄的時份
好 角色已經慢慢變心
張開了胸襟 很壯烈犧牲
決定陪你翻天不怕地震
忘掉沒有可能 不信命運
沿路儲起傷心教訓