網誌
2009年10月29日 上午4點21分41秒10 月 28 日 好有新鮮感呀
今日佢帶我去試 d 新野食，唔…真係好有新鮮感呀，我本身好鍾意食薑蓉撈飯架，所以我每逢食燒味飯我實要碟薑蓉架，而我今次係第一次食薑蓉撈丁咋，我覺得超得 yeah！另外，我仲想試下另一樣新野，但最可惜佢話要重陽節補假休息一天喎！不果我下次一定得補番架。
我今日揹住好似石頭般咁重野行幾粒鐘，超！但我隔離個仲慘，佢比我個仲重、仲辛苦，哈…哈…！
2009年10月29日 上午4點18分13秒10 月 25 日 同妹妹隻狗慶祝生日而要...
我細妹養狗狗其中一隻係 27 號生日喇，所以我答應妹妹為它整兩款餅餅同它慶祝生日，今次佢要我整番薯手指餅同埋藍莓芝士餅，於是我今朝就由十點幾開始做，最後做到下午五點左右先至做完，因為今次要係一日內做兩款餅仔，而我魔鬼話畀我聽，如將全部餅餅整晒長條形係最快，於是我就將所有餅餅整到佢係手指形狀 只係長度上有分別咋，我係咪好懶呢？而我最高興係我已經摸索到點樣加入芝士都可以到d餅個面唔，而當焗完之後出黎真係唔，我覺得好有滿足感呀。
2009年10月24日 上午2點27分09秒10 月 23 日 請放過我吧！
其實一個人可唔可以隨意地侵犯另一個人人生自由呢?
相信大家都會很清楚
當我知道呢件事之後
我覺得這個人實在太過份喇
試想想
當你一日24小時不停地受別人監察 \ 監視住
你會有什麼感覺呢？
我當然知道佢目的
佢是想找一些佢認為對方有通姦的證據
但他只是自己多心
其實對方只是想幫助別人
先至會同別人有這多麼的接觸
而對方並不是他所諗那樣「隨處調情」
由呢件事情黎睇
佢係一個自信心不足人
只有冇自信心人才會咁做
而呢個亦係一個好愚笨的方法
因為假如真係畀你搵到話
佢自己個心咪會有條刺囉
咁究竟佢同唔同對方分開
請不要再繼續做埋這樣愚蠢的行為
最後請你放過我吧！
2009年10月24日 上午2點22分29秒10 月 22 日 原來個蛋糕真係好好食架
為避 d 食物唔浪費，所以我特登番個朱古力蛋糕走，返到屋企之，我將佢雪落雪櫃，我媽咪見呢個蛋糕仲度，於是我媽咪就為食出黎試食，點不知它竟然變成一塊好好味蛋糕，佢比我第一日做完試食時再硬d，而果d苦澀味冇晒，就好似食緊一個朱古力 cheese cake 咁，超好味！唔怪得之個食譜話它會似個酒店級某名廚煮甜品喇，原來要雪架，撞鬼！
2009年10月24日 上午2點16分46秒10 月 19 日 好慘！畀人 hurt 呀！
今日特登諗住整個蛋糕畀人試食，由於呢個人很麻煩唔係乜野都食，所以唯有做一個我從未做過朱古力蛋糕口味，其實我己經跟足晒個食譜黎做架喇，但做出黎試食時我覺得個質地唔係蛋糕同仲有少少苦味，原因係我用好高純度黑朱古力做架，所以有少少苦澀味乃屬於正常。
今晚我去他附近村屋度食飯，度格局好似大排檔咁，但佢食物非常之好味，而最令我有驚喜就係個魚湯泡飯呀，其實我自己好魚腥味架，但食落之後我發覺它好甜、好有魚味非常唔錯。其次我覺得係個豉油雞同脆豬柳都好好味，反而個黃金蝦就畀我想像中差少少，不過我今餐都好滿足架喇。
最後就係食蛋糕，當佢食緊個美心蛋糕時，佢己經話個蛋糕唔夠鬆化所以唔好食，那時我己經知道佢一定會話，我整個蛋糕會唔好食，原因係他所指那個蛋糕，係因為唔係它唔夠新鮮個種硬，而佢本身質地係冇天使蛋糕咁軟綿綿囉，我心諗如果佢要食到好似海綿蛋糕咁鬆化，佢先至覺得好食話，咁樣佢呢d咪叫做唔識食野囉。哼！樣樣野都話要先至好食，你估你係冇牙公咩，運吉架！