網誌
2009年6月28日 上午11點53分16秒6 月 28 日 做幾個似屎花卷，超...
今日我要再做一個合桃朱古力牛油蛋糕畀屋企人試味，我仲要趕及係我們飲茶前做起，於是我便要早些起身做蛋糕，經過上一次經驗後，我今次做得流暢好多，冇上次咁混亂喇，除到了要焗個蛋糕陣，我可能將張錫紙反轉黎焗要用多些時間外，整體都好順利地完成，今次咪靚好多泥？
焗之前
焗完後
我去完飲茶後，我又要開始做花卷了，由於我冇錄底電視教人整過程，我只能靠記憶去做，當去到怎樣把一粉糰變成花卷時，我就唔記得喇，所以最終卷到好核突，就好似成舊屎咁，真係好差勁呀！我已下定決心，下次我一定要比今次做得好，加油呀！
似屎花卷
2009年6月28日 上午11點44分15秒6 月 27 日 焗完桑拿後，我隻腳好輕...
琴晚因為聽到物理治療師講說話後，我好唔開心，攪到我落床點都唔著覺，真係畀佢激死我喇！然後我同自己講，唔好介意佢點睇，因為他們都未曾經歷過疾病折磨，他們咨體諒我的心情係正常不過的事，然後我開始冇咁激氣，就慢慢咁睡著 lu。
晏晝我約軒仔打乒乓球，然後我順便去試下去焗桑拿，焗完桑拿出黎後，我隻腳忽然輕好多好多，我好耐都未試過咁輕喇，我覺得好舒服好自在。唔…我希望以後都有機會可以焗桑拿喇，因為我真係想條腰骨可以快好番，費事畀公司炸晒形，討厭！
2009年6月28日 上午11點38分13秒6 月 26 日 第一次經歷爆玻璃場面，...
今日物理治療師同我講又要試新，她叫我試下中醫、推拿、心理治療同可否看精神科醫生喎，此時我又知道公司又畀壓力她，其實我以前己經被公司阻礙我的病情好多次喇，它仲要愈黎愈犀利，我真係好難過呀！
而晏晝我就去做水療，當做緊水療陣，由於係打緊一號風球，所以比較大風，我做到中途時，突然間有度玻璃門被風吹到撞埋牆，然後好大聲發出“砰”一聲巨響，我聽到巨響後回頭望下發生咩野事，隨即被玻璃碎彈幾粒我塊面度，而好彩係冇破到相咋。呢件爆玻璃事件發生後，呢個泳池要封閉進行清埋碎片工作，而我今次是我第一次見到救生員好忙咁做野，因為我平時見親佢都只係坐度睇人游水嘛，其實我唔係話佢冇野做，但只不過係佢辛苦時候就冇人睇到。
2009年6月25日 上午5點42分45秒豆類食物的卡路里
豆類食物的卡路里 名稱 份 量 熱量（kcal） 豆腐 1件（80克 ） 70 炸豆腐泡 3個 135 豆乾 1件 256 腐皮 1塊 59 盒裝豆腐 1盒（400克 ） 252 盒裝豆腐花 240克 150 枝竹 6條（20克 ） 80 腐竹 100克 461 百頁 100克 307 甜竹 100克 340 臭豆腐 100克 178 油麵筋 100克 428 麵筋（烤麩） 100克 160 馬豆 1杯（熟） 231 腰豆 1杯（罐頭） 208 眉豆 100克（乾） 334 扁豆 100克（乾） 315 紅豆 100克（乾） 340 綠豆 100克（乾） 340 黃豆 100克（乾） 400 黑豆 100克（乾） 384 赤小豆 100克（乾） 337 蠶豆（連皮） 100克（乾） 314 豌豆 100克（乾） 335 毛豆 50克（去衣） 63
2009年6月25日 上午4點25分52秒不期望，便不會失望
昨日物理治療師給了我一個難題，於是便開始慢慢回想我過去的人生，我發覺我是個較冷酷的人。我由小到大都不想別人太過關心自己，如果某人太過關懷或表示將會關心自己的話，我會覺得渾身不自在。我曾經試過在舊公司，在剛剛開始有與論壓力的時候，我就開始疏遠那個人，然後我再聽到其他同事繼續經常談論我們的關係時，他們令到我不勝其煩讓我喘不過氣，最後我便直接拒絕了他，這可能是我想保護自己的做法，正所謂「不期望便不會失望」。只因為我們對某人有所期望，當那人達不到你自己預設的期望時，你便會對那人失望。
我認承可能在這方面是有問題的，但至於有甚麼問題我就不曉得了，因為自我有記憶以來就是這樣，而我的童年回憶只有十數件，所以我都不知道其原因，或者我的問題不是由今生而產生呢？